| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
9. சரியஸுத்தங்
9. Cariyasuttaṃ
9. ‘‘த்³வேமே , பி⁴க்க²வே, த⁴ம்மா ஸுக்கா லோகங் பாலெந்தி. கதமே த்³வே? ஹிரீ ச ஒத்தப்பஞ்ச. இமே கோ², பி⁴க்க²வே, த்³வே ஸுக்கா த⁴ம்மா லோகங் ந பாலெய்யுங், நயித⁴ பஞ்ஞாயேத² மாதாதி வா மாதுச்சா²தி வா மாதுலானீதி வா ஆசரியப⁴ரியாதி வா க³ரூனங் தா³ராதி வா. ஸம்பே⁴த³ங் லோகோ அக³மிஸ்ஸ, யதா² அஜேளகா குக்குடஸூகரா ஸோணஸிங்கா³லா 1. யஸ்மா ச கோ², பி⁴க்க²வே, இமே த்³வே ஸுக்கா த⁴ம்மா லோகங் பாலெந்தி தஸ்மா பஞ்ஞாயதி 2 மாதாதி வா மாதுச்சா²தி வா மாதுலானீதி வா ஆசரியப⁴ரியாதி வா க³ரூனங் தா³ராதி வா’’தி. நவமங்.
9. ‘‘Dveme , bhikkhave, dhammā sukkā lokaṃ pālenti. Katame dve? Hirī ca ottappañca. Ime kho, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā mātucchāti vā mātulānīti vā ācariyabhariyāti vā garūnaṃ dārāti vā. Sambhedaṃ loko agamissa, yathā ajeḷakā kukkuṭasūkarā soṇasiṅgālā 3. Yasmā ca kho, bhikkhave, ime dve sukkā dhammā lokaṃ pālenti tasmā paññāyati 4 mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti. Navamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 9. சரியஸுத்தவண்ணனா • 9. Cariyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 9. சரியஸுத்தவண்ணனா • 9. Cariyasuttavaṇṇanā
