| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
11. சதுத்த²அப⁴ப்³ப³ட்டா²னஸுத்தங்
11. Catutthaabhabbaṭṭhānasuttaṃ
95. ‘‘ச²யிமானி , பி⁴க்க²வே, அப⁴ப்³ப³ட்டா²னானி. கதமானி ச²? அப⁴ப்³போ³ தி³ட்டி²ஸம்பன்னோ புக்³க³லோ ஸயங்கதங் ஸுக²து³க்க²ங் பச்சாக³ந்துங், அப⁴ப்³போ³ தி³ட்டி²ஸம்பன்னோ புக்³க³லோ பரங்கதங் 1 ஸுக²து³க்க²ங் பச்சாக³ந்துங், அப⁴ப்³போ³ தி³ட்டி²ஸம்பன்னோ புக்³க³லோ ஸயங்கதஞ்ச பரங்கதஞ்ச ஸுக²து³க்க²ங் பச்சாக³ந்துங், அப⁴ப்³போ³ தி³ட்டி²ஸம்பன்னோ புக்³க³லோ அஸயங்காரங் அதி⁴ச்சஸமுப்பன்னங் ஸுக²து³க்க²ங் பச்சாக³ந்துங், அப⁴ப்³போ³ தி³ட்டி²ஸம்பன்னோ புக்³க³லோ அபரங்காரங் அதி⁴ச்சஸமுப்பன்னங் ஸுக²து³க்க²ங் பச்சாக³ந்துங், அப⁴ப்³போ³ தி³ட்டி²ஸம்பன்னோ புக்³க³லோ அஸயங்காரஞ்ச அபரங்காரஞ்ச அதி⁴ச்சஸமுப்பன்னங் ஸுக²து³க்க²ங் பச்சாக³ந்துங். தங் கிஸ்ஸ ஹேது? ததா² ஹிஸ்ஸ, பி⁴க்க²வே, தி³ட்டி²ஸம்பன்னஸ்ஸ புக்³க³லஸ்ஸ ஹேது ச ஸுதி³ட்டோ² ஹேதுஸமுப்பன்னா ச த⁴ம்மா. இமானி கோ², பி⁴க்க²வே, ச² அப⁴ப்³ப³ட்டா²னானீ’’தி. ஏகாத³ஸமங்.
95. ‘‘Chayimāni , bhikkhave, abhabbaṭṭhānāni. Katamāni cha? Abhabbo diṭṭhisampanno puggalo sayaṃkataṃ sukhadukkhaṃ paccāgantuṃ, abhabbo diṭṭhisampanno puggalo paraṃkataṃ 2 sukhadukkhaṃ paccāgantuṃ, abhabbo diṭṭhisampanno puggalo sayaṃkatañca paraṃkatañca sukhadukkhaṃ paccāgantuṃ, abhabbo diṭṭhisampanno puggalo asayaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo aparaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo asayaṃkārañca aparaṃkārañca adhiccasamuppannaṃ sukhadukkhaṃ paccāgantuṃ. Taṃ kissa hetu? Tathā hissa, bhikkhave, diṭṭhisampannassa puggalassa hetu ca sudiṭṭho hetusamuppannā ca dhammā. Imāni kho, bhikkhave, cha abhabbaṭṭhānānī’’ti. Ekādasamaṃ.
தஸ்ஸுத்³தா³னங் –
Tassuddānaṃ –
ஸீதிபா⁴வங் ஆவரணங், வோரோபிதா ஸுஸ்ஸூஸதி;
Sītibhāvaṃ āvaraṇaṃ, voropitā sussūsati;
அப்பஹாய பஹீனாப⁴ப்³போ³, தட்டா²னா சதுரோபி சாதி.
Appahāya pahīnābhabbo, taṭṭhānā caturopi cāti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-11. அப⁴ப்³ப³ட்டா²னஸுத்தசதுக்கவண்ணனா • 8-11. Abhabbaṭṭhānasuttacatukkavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 2-11. ஆவரணஸுத்தாதி³வண்ணனா • 2-11. Āvaraṇasuttādivaṇṇanā
