| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. ચતુત્થઅનુધમ્મસુત્તં
10. Catutthaanudhammasuttaṃ
૪૨. સાવત્થિનિદાનં . ‘‘ધમ્માનુધમ્મપ્પટિપન્નસ્સ, ભિક્ખવે, ભિક્ખુનો અયમનુધમ્મો હોતિ યં રૂપે અનત્તાનુપસ્સી વિહરેય્ય, વેદનાય… સઞ્ઞાય… સઙ્ખારેસુ… વિઞ્ઞાણે અનત્તાનુપસ્સી વિહરેય્ય. યો રૂપે અનત્તાનુપસ્સી વિહરન્તો…પે॰… રૂપં પરિજાનાતિ, વેદનં… સઞ્ઞં… સઙ્ખારે… વિઞ્ઞાણં પરિજાનાતિ, સો રૂપં પરિજાનં, વેદનં… સઞ્ઞં… સઙ્ખારે… વિઞ્ઞાણં પરિજાનં પરિમુચ્ચતિ રૂપમ્હા, પરિમુચ્ચતિ વેદનાય, પરિમુચ્ચતિ સઞ્ઞાય, પરિમુચ્ચતિ સઙ્ખારેહિ, પરિમુચ્ચતિ વિઞ્ઞાણમ્હા, પરિમુચ્ચતિ જાતિયા જરામરણેન સોકેહિ પરિદેવેહિ દુક્ખેહિ દોમનસ્સેહિ ઉપાયાસેહિ, પરિમુચ્ચતિ દુક્ખસ્માતિ વદામી’’તિ. દસમં.
42. Sāvatthinidānaṃ . ‘‘Dhammānudhammappaṭipannassa, bhikkhave, bhikkhuno ayamanudhammo hoti yaṃ rūpe anattānupassī vihareyya, vedanāya… saññāya… saṅkhāresu… viññāṇe anattānupassī vihareyya. Yo rūpe anattānupassī viharanto…pe… rūpaṃ parijānāti, vedanaṃ… saññaṃ… saṅkhāre… viññāṇaṃ parijānāti, so rūpaṃ parijānaṃ, vedanaṃ… saññaṃ… saṅkhāre… viññāṇaṃ parijānaṃ parimuccati rūpamhā, parimuccati vedanāya, parimuccati saññāya, parimuccati saṅkhārehi, parimuccati viññāṇamhā, parimuccati jātiyā jarāmaraṇena sokehi paridevehi dukkhehi domanassehi upāyāsehi, parimuccati dukkhasmāti vadāmī’’ti. Dasamaṃ.
નતુમ્હાકંવગ્ગો ચતુત્થો.
Natumhākaṃvaggo catuttho.
તસ્સુદ્દાનં –
Tassuddānaṃ –
નતુમ્હાકેન દ્વે વુત્તા, ભિક્ખૂહિ અપરે દુવે;
Natumhākena dve vuttā, bhikkhūhi apare duve;
આનન્દેન ચ દ્વે વુત્તા, અનુધમ્મેહિ દ્વે દુકાતિ.
Ānandena ca dve vuttā, anudhammehi dve dukāti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭-૧૦. અનુધમ્મસુત્તાદિવણ્ણના • 7-10. Anudhammasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭-૧૦. અનુધમ્મસુત્તાદિવણ્ણના • 7-10. Anudhammasuttādivaṇṇanā
