| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૬. છક્કનિદ્દેસવણ્ણના
6. Chakkaniddesavaṇṇanā
૨૦૨. છક્કે એકન્તતો પાકટા સમ્માસમ્બુદ્ધાદયો તે યથાવુત્તગુણા પુગ્ગલાતિ દસ્સેન્તો ‘‘સમ્માસમ્બુદ્ધો તેન દટ્ઠબ્બો’’તિઆદિમાહ. તત્થ તેનાતિ સામં સચ્ચાભિસમયો તત્થ ચ સબ્બઞ્ઞુતપ્પત્તિબલેસુ ચ વસિભાવપ્પત્તીતિ એતેન સબ્બેન સમુદિતેન. ‘‘સબ્બઞ્ઞુતઞ્ઞાણેના’’તિ પન વુત્તે સબ્બમિદં સઙ્ગહિતં હોતિ સામં સચ્ચાભિસમયેન બલેસુ ચ વસિભાવપ્પત્તિયા ચ વિના સબ્બઞ્ઞુતઞ્ઞાણસ્સ અભાવા, તસ્મા અટ્ઠકથાયં ‘‘સબ્બઞ્ઞુતઞ્ઞાણેના’’તિ એત્તકમેવ વુત્તં. તત્થ અનાચરિયકેન અત્તના ઉપ્પાદિતેનાતિ વચનેન સબ્બઞ્ઞુતઞ્ઞાણસ્સ સાચરિયકત્તં પરતો ઉપ્પત્તિઞ્ચ પટિસેધેતિ, ન સાચરિયકં પરેહિ ઉપ્પાદિતઞ્ચ સબ્બઞ્ઞુતઞ્ઞાણં. ન હિ તં તાદિસં નિવારેતબ્બં અત્થીતિ.
202. Chakke ekantato pākaṭā sammāsambuddhādayo te yathāvuttaguṇā puggalāti dassento ‘‘sammāsambuddho tena daṭṭhabbo’’tiādimāha. Tattha tenāti sāmaṃ saccābhisamayo tattha ca sabbaññutappattibalesu ca vasibhāvappattīti etena sabbena samuditena. ‘‘Sabbaññutaññāṇenā’’ti pana vutte sabbamidaṃ saṅgahitaṃ hoti sāmaṃ saccābhisamayena balesu ca vasibhāvappattiyā ca vinā sabbaññutaññāṇassa abhāvā, tasmā aṭṭhakathāyaṃ ‘‘sabbaññutaññāṇenā’’ti ettakameva vuttaṃ. Tattha anācariyakena attanā uppāditenāti vacanena sabbaññutaññāṇassa sācariyakattaṃ parato uppattiñca paṭisedheti, na sācariyakaṃ parehi uppāditañca sabbaññutaññāṇaṃ. Na hi taṃ tādisaṃ nivāretabbaṃ atthīti.
છક્કનિદ્દેસવણ્ણના નિટ્ઠિતા.
Chakkaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પુગ્ગલપઞ્ઞત્તિપાળિ • Puggalapaññattipāḷi / ૬. છક્કપુગ્ગલપઞ્ઞત્તિ • 6. Chakkapuggalapaññatti
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૬. છક્કનિદ્દેસવણ્ણના • 6. Chakkaniddesavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૬. છક્કનિદ્દેસવણ્ણના • 6. Chakkaniddesavaṇṇanā
