| Library / Tipiṭaka / તિપિટક • Tipiṭaka / પઞ્ચપકરણ-અનુટીકા • Pañcapakaraṇa-anuṭīkā |
૬. છક્કનિદ્દેસવણ્ણના
6. Chakkaniddesavaṇṇanā
૨૦૨. ઇદં સચ્ચાભિસમ્બોધાદિકં સઙ્ગહિતં હોતિ ફલસ્સ હેતુના અવિનાભાવતો. તેનાહ ‘‘સામ’’ન્તિઆદિ. અનાચરિયકેન અત્તના ઉપ્પાદિતેનાતિ ઇદં સબ્બઞ્ઞુતઞ્ઞાણે વિજ્જમાનગુણકથનં, ન તબ્બિધુરધમ્મન્તરનિવત્તનં તથારૂપસ્સ અઞ્ઞસ્સ અભાવતો. તેનસ્સ સાચરિયકતા, પરતો ચ ઉપ્પત્તિ પટિક્ખિત્તાતિ ઇમમત્થમાહ ‘‘તત્થા’’તિઆદિના. તત્થ સાચરિયકત્તં પરૂપદેસહેતુકતા, પરતો ઉપ્પત્તિ ઉપદેસેન વિનાપિ સન્નિસ્સાય નિબ્બત્તીતિ અયમેતેસં વિસેસો.
202. Idaṃ saccābhisambodhādikaṃ saṅgahitaṃ hoti phalassa hetunā avinābhāvato. Tenāha ‘‘sāma’’ntiādi. Anācariyakena attanā uppāditenāti idaṃ sabbaññutaññāṇe vijjamānaguṇakathanaṃ, na tabbidhuradhammantaranivattanaṃ tathārūpassa aññassa abhāvato. Tenassa sācariyakatā, parato ca uppatti paṭikkhittāti imamatthamāha ‘‘tatthā’’tiādinā. Tattha sācariyakattaṃ parūpadesahetukatā, parato uppatti upadesena vināpi sannissāya nibbattīti ayametesaṃ viseso.
છક્કનિદ્દેસવણ્ણના નિટ્ઠિતા.
Chakkaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પુગ્ગલપઞ્ઞત્તિપાળિ • Puggalapaññattipāḷi / ૬. છક્કપુગ્ગલપઞ્ઞત્તિ • 6. Chakkapuggalapaññatti
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૬. છક્કનિદ્દેસવણ્ણના • 6. Chakkaniddesavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૬. છક્કનિદ્દેસવણ્ણના • 6. Chakkaniddesavaṇṇanā
