| Tipiṭaka / Tipiṭaka (English) / Saṁyutta Nikāya, English translation |
Show IAST transliterationසංයුත්ත නිකාය 35.87
The Related Suttas Collection 35.87
9. ඡන්නවග්ග
9. With Channa
ඡන්නසුත්ත
With Channa
ඒකං සමයං භගවා රාජගහේ විහරති වේළුවනේ කලන්දකනිවාපේ.
At one time the Buddha was staying near Rājagaha, in the Bamboo Grove, the squirrels’ feeding ground.
තේන ඛෝ පන සමයේන ආයස්මා ච සාරිපුත්තෝ ආයස්මා ච මහාචුන්දෝ ආයස්මා ච ඡන්නෝ ගිජ්ඣකූටේ පබ්බතේ විහරන්ති. තේන ඛෝ පන සමයේන යේන ආයස්මා ඡන්නෝ ආබාධිකෝ හෝති දුක්ඛිතෝ බාළ්හගිලානෝ.
Now at that time the venerables Sāriputta, Mahācunda, and Channa were staying on the Vulture’s Peak Mountain. Now at that time Venerable Channa was sick, suffering, gravely ill.
අථ ඛෝ ආයස්මා සාරිපුත්තෝ සායන්හසමයං පටිසල්ලානා වුට්ඨිතෝ යේනායස්මා මහාචුන්දෝ තේනුපසඞ්කමි; උපසඞ්කමිත්වා ආයස්මන්තං මහාචුන්දං ඒතදවෝච: “ආයාමාවුසෝ චුන්ද, යේනායස්මා ඡන්නෝ තේනුපසඞ්කමිස්සාම ගිලානපුච්ඡකා”ති.
Then in the late afternoon, Venerable Sāriputta came out of retreat, went to Venerable Mahācunda and said to him, “Come, Friend Cunda, let’s go to see Venerable Channa and ask about his illness.”
“ඒවමාවුසෝ”ති ඛෝ ආයස්මා මහාචුන්දෝ ආයස්මතෝ සාරිපුත්තස්ස පච්චස්සෝසි.
“Yes, friend,” replied Mahācunda.
අථ ඛෝ ආයස්මා ච සාරිපුත්තෝ ආයස්මා ච මහාචුන්දෝ යේනායස්මා ඡන්නෝ තේනුපසඞ්කමිංසු; උපසඞ්කමිත්වා පඤ්ඤත්තේ ආසනේ නිසීදිංසු. නිසජ්ජ ඛෝ ආයස්මා සාරිපුත්තෝ ආයස්මන්තං ඡන්නං ඒතදවෝච: “කච්චි තේ, ආවුසෝ ඡන්න, ඛමනීයං, කච්චි යාපනීයං, කච්චි දුක්ඛා වේදනා පටික්කමන්ති නෝ අභික්කමන්ති, පටික්කමෝසානං පඤ්ඤායති නෝ අභික්කමෝ”ති?
And then Sāriputta and Mahācunda went to see Channa and sat down on the seats spread out. Sāriputta said to Channa: “I hope you’re keeping well, Friend Channa; I hope you’re alright. I hope that your pain is fading, not growing, that its fading is evident, not its growing.”
“න මේ, ආවුසෝ සාරිපුත්ත, ඛමනීයං න යාපනීයං, බාළ්හා මේ දුක්ඛා වේදනා අභික්කමන්ති නෝ පටික්කමන්ති, අභික්කමෝසානං පඤ්ඤායති නෝ පටික්කමෝ. සේය්‍යථාපි, ආවුසෝ, බලවා පුරිසෝ තිණ්හේන සිඛරේන මුද්ධනි අභිමත්ථේය්‍ය; ඒවමේව ඛෝ, ආවුසෝ, අධිමත්තා වාතා මුද්ධනි ඌහනන්ති. න මේ, ආවුසෝ, ඛමනීයං, න යාපනීයං …පේ… නෝ පටික්කමෝ. සේය්‍යථාපි, ආවුසෝ, බලවා පුරිසෝ දළ්හේන වරත්තක්ඛණ්ඩේන සීසේ සීසවේඨං දදේය්‍ය; ඒවමේව ඛෝ, ආවුසෝ, අධිමත්තා සීසේ සීසවේදනා. න මේ, ආවුසෝ, ඛමනීයං, න යාපනීයං …පේ… නෝ පටික්කමෝ. සේය්‍යථාපි, ආවුසෝ, දක්ඛෝ ගෝඝාතකෝ වා ගෝඝාතකන්තේවාසී වා තිණ්හේන ගෝවිකන්තනේන කුච්ඡිං පරිකන්තේය්‍ය; ඒවමේව ඛෝ අධිමත්තා වාතා කුච්ඡිං පරිකන්තන්ති. න මේ, ආවුසෝ, ඛමනීයං, න යාපනීයං …පේ… නෝ පටික්කමෝ. සේය්‍යථාපි, ආවුසෝ, ද්වේ බලවන්තෝ පුරිසා දුබ්බලතරං පුරිසං නානාබාහාසු ගහේත්වා අඞ්ගාරකාසුයා සන්තාපේය්‍යුං සම්පරිතාපේය්‍යුං; ඒවමේව ඛෝ, ආවුසෝ, අධිමත්තෝ කායස්මිං ඩාහෝ. න මේ, ආවුසෝ, ඛමනීයං, න යාපනීයං, බාළ්හා මේ දුක්ඛා වේදනා අභික්කමන්ති නෝ පටික්කමන්ති, අභික්කමෝසානං පඤ්ඤායති නෝ පටික්කමෝ.
“Friend Sāriputta, I’m not keeping well, I’m not alright. The pain is terrible and growing, not fading; its growing is evident, not its fading. The winds piercing my head are so severe, it feels like a strong man drilling into my head with a sharp point. The pain in my head is so severe, it feels like a strong man tightening a tough leather strap around my head. The winds slicing my belly are so severe, like a deft butcher or their apprentice were slicing open a cows’s belly with a meat cleaver. The burning in my body is so severe, it feels like two strong men grabbing a weaker man by the arms to burn and scorch him on a pit of glowing coals. I’m not keeping well, I’m not alright. The pain is terrible and growing, not fading; its growing is evident, not its fading.
සත්ථං, ආවුසෝ සාරිපුත්ත, ආහරිස්සාමි, නාවකඞ්ඛාමි ජීවිතන්”ති.
Friend Sāriputta, I will slit my wrists. I don’t wish to live.”
“මා ආයස්මා ඡන්නෝ සත්ථං ආහරේසි. යාපේතායස්මා ඡන්නෝ, යාපේන්තං මයං ආයස්මන්තං ඡන්නං ඉච්ඡාම.
“Please don’t slit your wrists! Venerable Channa, keep going! We want you to keep going.
සචේ ආයස්මතෝ ඡන්නස්ස නත්ථි සප්පායානි භෝජනානි, අහං ආයස්මතෝ ඡන්නස්ස සප්පායානි භෝජනානි පරියේසිස්සාමි. සචේ ආයස්මතෝ ඡන්නස්ස නත්ථි සප්පායානි භේසජ්ජානි, අහං ආයස්මතෝ ඡන්නස්ස සප්පායානි භේසජ්ජානි පරියේසිස්සාමි. සචේ ආයස්මතෝ ඡන්නස්ස නත්ථි පතිරූපා උපට්ඨාකා, අහං ආයස්මන්තං ඡන්නං උපට්ඨහිස්සාමි.
If you don’t have any suitable food, we’ll find it for you. If you don’t have suitable medicine, we’ll find it for you. If you don’t have a capable carer, we’ll find one for you.
මා ආයස්මා ඡන්නෝ සත්ථං ආහරේසි. යාපේතායස්මා ඡන්නෝ, යාපේන්තං මයං ආයස්මන්තං ඡන්නං ඉච්ඡාමා”ති.
Please don’t slit your wrists! Venerable Channa, keep going! We want you to keep going.”
“න මේ, ආවුසෝ සාරිපුත්ත, නත්ථි සප්පායානි භෝජනානි; අත්ථි මේ සප්පායානි භෝජනානි. නපි මේ නත්ථි සප්පායානි භේසජ්ජානි; අත්ථි මේ සප්පායානි භේසජ්ජානි. නපි මේ නත්ථි පතිරූපා උපට්ඨාකා; අත්ථි මේ පතිරූපා උපට්ඨාකා.
“Friend Sāriputta, it’s not that I don’t have suitable food; I do have suitable food. It’s not that I don’t have suitable medicine; I do have suitable medicine. It’s not that I don’t have a capable carer; I do have a capable carer.
අපි ච මේ, ආවුසෝ, සත්ථා පරිචිණ්ණෝ දීඝරත්තං මනාපේනේව, නෝ අමනාපේන. ඒතඤ්හි, ආවුසෝ, සාවකස්ස පතිරූපං යං සත්ථාරං පරිචරේය්‍ය මනාපේනේව, නෝ අමනාපේන. ‘අනුපවජ්ජං ඡන්නෝ භික්ඛු සත්ථං ආහරිස්සතී(අ)ති—ඒවමේතං, ආවුසෝ සාරිපුත්ත, ධාරේහී”ති.
Moreover, for a long time now I have served the Teacher with love, not without love. For it is proper for a disciple to serve the Teacher with love, not without love. You should remember this: ‘The bhikkhu Channa will slit his wrists blamelessly.’”
“පුච්ඡේය්‍යාම මයං ආයස්මන්තං ඡන්නං කඤ්චිදේව දේසං, සචේ ආයස්මා ඡන්නෝ ඕකාසං කරෝති පඤ්හස්ස වේය්‍යාකරණායා”ති.
“I’d like to ask Venerable Channa about a certain point, if you’d take the time to answer.”
“පුච්ඡාවුසෝ සාරිපුත්ත, සුත්වා වේදිස්සාමා”ති.
“Ask, Friend Sāriputta. When I’ve heard it I’ll know.”
“චක්ඛුං, ආවුසෝ ඡන්න, චක්ඛුවිඤ්ඤාණං චක්ඛුවිඤ්ඤාණවිඤ්ඤාතබ්බේ ධම්මේ ‘ඒතං මම, ඒසෝහමස්මි, ඒසෝ මේ අත්තා(අ)ති සමනුපස්සසි …පේ…
“Friend Channa, do you regard the eye, eye consciousness, and things knowable by eye consciousness in this way: ‘This is mine, I am this, this is my self’?
ජිව්හං, ආවුසෝ ඡන්න, ජිව්හාවිඤ්ඤාණං ජිව්හාවිඤ්ඤාණවිඤ්ඤාතබ්බේ ධම්මේ ‘ඒතං මම, ඒසෝහමස්මි, ඒසෝ මේ අත්තා(අ)ති සමනුපස්සසි …පේ… මනං, ආවුසෝ ඡන්න, මනෝවිඤ්ඤාණං මනෝවිඤ්ඤාණවිඤ්ඤාතබ්බේ ධම්මේ ‘ඒතං මම, ඒසෝහමස්මි, ඒසෝ මේ අත්තා(අ)ති සමනුපස්සසී”ති?
Do you regard the ear … nose … tongue … body … mind, mind consciousness, and things knowable by mind consciousness in this way: ‘This is mine, I am this, this is my self’?”
“චක්ඛුං, ආවුසෝ සාරිපුත්ත, චක්ඛුවිඤ්ඤාණං චක්ඛුවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සාමි …පේ…
“Friend Sāriputta, I regard the eye, eye consciousness, and things knowable by eye consciousness in this way: ‘This is not mine, I am not this, this is not my self.’
ජිව්හං, ආවුසෝ සාරිපුත්ත, ජිව්හාවිඤ්ඤාණං ජිව්හාවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සාමි …පේ… මනං, ආවුසෝ සාරිපුත්ත, මනෝවිඤ්ඤාණං මනෝවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සාමී”ති.
I regard the ear … nose … tongue … body … mind, mind consciousness, and things knowable by mind consciousness in this way: ‘This is not mine, I am not this, this is not my self’.”
“චක්ඛුස්මිං, ආවුසෝ ඡන්න, චක්ඛුවිඤ්ඤාණේ චක්ඛුවිඤ්ඤාණවිඤ්ඤාතබ්බේසු ධම්මේසු කිං දිස්වා කිං අභිඤ්ඤාය චක්ඛුං චක්ඛුවිඤ්ඤාණං චක්ඛුවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සසි … ජිව්හාය, ආවුසෝ ඡන්න, ජිව්හාවිඤ්ඤාණේ ජිව්හාවිඤ්ඤාණවිඤ්ඤාතබ්බේසු ධම්මේසු කිං දිස්වා කිං අභිඤ්ඤාය ජිව්හං ජිව්හාවිඤ්ඤාණං ජිව්හාවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සසි … මනස්මිං, ආවුසෝ ඡන්න, මනෝවිඤ්ඤාණේ මනෝවිඤ්ඤාණවිඤ්ඤාතබ්බේසු ධම්මේසු කිං දිස්වා කිං අභිඤ්ඤාය මනං මනෝවිඤ්ඤාණං මනෝවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සසී”ති?
“Friend Channa, what have you seen, what have you directly known in these things that you regard them in this way: ‘This is not mine, I am not this, this is not my self’?”
“චක්ඛුස්මිං, ආවුසෝ සාරිපුත්ත, චක්ඛුවිඤ්ඤාණේ චක්ඛුවිඤ්ඤාණවිඤ්ඤාතබ්බේසු ධම්මේසු නිරෝධං දිස්වා නිරෝධං අභිඤ්ඤාය චක්ඛුං චක්ඛුවිඤ්ඤාණං චක්ඛුවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සාමි …පේ… ජිව්හාය, ආවුසෝ සාරිපුත්ත, ජිව්හාවිඤ්ඤාණේ ජිව්හාවිඤ්ඤාණවිඤ්ඤාතබ්බේසු ධම්මේසු නිරෝධං දිස්වා නිරෝධං අභිඤ්ඤාය ජිව්හං ජිව්හාවිඤ්ඤාණං ජිව්හාවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සාමි …පේ… මනස්මිං, ආවුසෝ සාරිපුත්ත, මනෝවිඤ්ඤාණේ මනෝවිඤ්ඤාණවිඤ්ඤාතබ්බේසු ධම්මේසු නිරෝධං දිස්වා නිරෝධං අභිඤ්ඤාය මනං මනෝවිඤ්ඤාණං මනෝවිඤ්ඤාණවිඤ්ඤාතබ්බේ ධම්මේ ‘නේතං මම, නේසෝහමස්මි, න මේසෝ අත්තා(අ)ති සමනුපස්සාමී”ති.
“Friend Sāriputta, after seeing cessation, after directly knowing cessation in these things I regard them in this way: ‘This is not mine, I am not this, this is not my self’.”
ඒවං වුත්තේ, ආයස්මා මහාචුන්දෝ ආයස්මන්තං ඡන්නං ඒතදවෝච: “තස්මාතිහ, ආවුසෝ ඡන්න, ඉදම්පි තස්ස භගවතෝ සාසනං නිච්චකප්පං සාධුකං මනසි කාතබ්බං:
When he said this, Venerable Mahācunda said to Venerable Channa, “So, Friend Channa, you should regularly apply your mind well to this instruction of the Buddha:
‘නිස්සිතස්ස චලිතං, අනිස්සිතස්ස චලිතං නත්ථි. චලිතේ අසති පස්සද්ධි හෝති. පස්සද්ධියා සති නති න හෝති. නතියා අසති ආගතිගති න හෝති. ආගතිගතියා අසති චුතූපපාතෝ න හෝති. චුතූපපාතේ අසති නේවිධ න හුරං න උභයමන්තරේන. ඒසේවන්තෝ දුක්ඛස්සා(අ)”ති.
‘For the dependent there is agitation. For the independent there’s no agitation. When there’s no agitation there is tranquility. When there’s tranquility there’s no inclination. When there’s no inclination, there’s no coming and going. When there’s no coming and going, there’s no passing away and reappearing. When there’s no passing away and reappearing, there’s no this world or world beyond or between the two. Just this is the end of suffering.’”
අථ ඛෝ ආයස්මා ච සාරිපුත්තෝ ආයස්මා ච මහාචුන්දෝ ආයස්මන්තං ඡන්නං ඉමිනා ඕවාදේන ඕවදිත්වා උට්ඨායාසනා පක්කමිංසු. අථ ඛෝ ආයස්මා ඡන්නෝ අචිරපක්කන්තේසු තේසු ආයස්මන්තේසු සත්ථං ආහරේසි.
And when the venerables Sāriputta and Mahācunda had given Venerable Channa this advice they got up from their seat and left. Not long after those venerables had left, Venerable Channa slit his wrists.
අථ ඛෝ ආයස්මා සාරිපුත්තෝ යේන භගවා තේනුපසඞ්කමි; උපසඞ්කමිත්වා භගවන්තං අභිවාදේත්වා ඒකමන්තං නිසීදි. ඒකමන්තං නිසින්නෝ ඛෝ ආයස්මා සාරිපුත්තෝ භගවන්තං ඒතදවෝච: “ආයස්මතා, භන්තේ, ඡන්නේන සත්ථං ආහරිතං. තස්ස කා ගති කෝ අභිසම්පරායෝ”ති?
Then Sāriputta went up to the Buddha, bowed, sat down to one side, and said to him, “Sir, Venerable Channa has slit his wrists. Where has he been reborn in his next life?”
“නනු තේ, සාරිපුත්ත, ඡන්නේන භික්ඛුනා සම්මුඛායේව අනුපවජ්ජතා බ්‍යාකතා”ති?
“Sāriputta, didn’t the bhikkhu Channa declare his blamelessness to you personally?”
“අත්ථි, භන්තේ, පුබ්බවිජ්ජනං නාම වජ්ජිගාමෝ. තත්ථායස්මතෝ ඡන්නස්ස මිත්තකුලානි සුහජ්ජකුලානි උපවජ්ජකුලානී”ති.
“Sir, there is a Vajjian village named Pubbavijjhana where Channa had families with whom he was friendly, intimate, and familiar.”
“හෝන්ති හේතේ, සාරිපුත්ත, ඡන්නස්ස භික්ඛුනෝ මිත්තකුලානි සුහජ්ජකුලානි උපවජ්ජකුලානි. න ඛෝ පනාහං, සාරිපුත්ත, ඒත්තාවතා සෞපවජ්ජෝති වදාමි. යෝ ඛෝ, සාරිපුත්ත, තඤ්ච කායං නික්ඛිපති, අඤ්ඤඤ්ච කායං උපාදියති, තමහං සෞපවජ්ජෝති වදාමි. තං ඡන්නස්ස භික්ඛුනෝ නත්ථි.
“The bhikkhu Channa did indeed have such families, Sāriputta. But this is not enough for me to call someone ‘blameworthy’. When someone lays down this body and takes up another body, I call them ‘blameworthy’. But the bhikkhu Channa did no such thing.
‘අනුපවජ්ජං ඡන්නේන භික්ඛුනා සත්ථං ආහරිතන්(අ)ති—ඒවමේතං, සාරිපුත්ත, ධාරේහී”ති.
You should remember this: ‘The bhikkhu Channa slit his wrists blamelessly.’”
චතුත්ථං.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
