| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. ச²ன்னஸுத்தவண்ணனா
8. Channasuttavaṇṇanā
90. மக்கீ²தி கு³ணமக்க²னலக்க²ணேன மக்கே²ன ஸமன்னாக³தோ. பளாஸீதி யுக³க்³கா³ஹலக்க²ணேன பளாஸேன ஸமன்னாக³தோ. ஏதங் அவோசாதி ‘‘ஓவத³ந்து மங்…பே॰… பஸ்ஸெய்ய’’ந்தி ஏதங் அவோச.
90.Makkhīti guṇamakkhanalakkhaṇena makkhena samannāgato. Paḷāsīti yugaggāhalakkhaṇena paḷāsena samannāgato. Etaṃ avocāti ‘‘ovadantu maṃ…pe… passeyya’’nti etaṃ avoca.
தே²ரந்தி ச²ன்னத்தே²ரங். அத்தனோ து³க்³க³ஹணேன கஞ்சி உபாரம்ப⁴ம்பி கரெய்ய. தேன வுத்தங் ‘‘ஏவங் கிர நேஸங் அஹோஸீ’’திஆதி³. நித்³தோ³ஸமேவஸ்ஸ கத்வாதி ஆதி³தோ அனுரூபத்தமேவ கத்வா ஸத்³த⁴ம்மங் கதெ²ஸ்ஸாமாதி.
Theranti channattheraṃ. Attano duggahaṇena kañci upārambhampi kareyya. Tena vuttaṃ ‘‘evaṃ kira nesaṃ ahosī’’tiādi. Niddosamevassa katvāti ādito anurūpattameva katvā saddhammaṃ kathessāmāti.
பரிதஸ்ஸனா உபாதா³னந்தி ப⁴யபரிதஸ்ஸனா தி³ட்டு²பாதா³னங். அனத்தனி ஸதி அனத்தகதானி கம்மானி கமத்தானங் பு²ஸிஸ்ஸந்தீதி ப⁴யபரிதஸ்ஸனா சேவ தி³ட்டு²பாதா³னஞ்ச உப்பஜ்ஜதி. படினிவத்ததீதி யதா²ரத்³த⁴விபஸ்ஸனாதோ படினிவத்ததி, நாஸக்கீ²தி அத்தோ². கஸ்மா பனேதஸ்ஸ விபஸ்ஸனமனுயுஞ்ஜந்தஸ்ஸ ஏவங் அஹோஸீதி தத்த² காரணங் வத³தி ‘‘அயங் கிரா’’திஆதி³னா. ஏவந்தி ‘‘கோ நு கோ² மே அத்தா’’தி ஏவங் ந ஹோதி. தாவதிகா விஸ்ஸத்தீ²தி ‘‘மய்ஹங் த⁴ம்மங் தே³ஸேதூ’’தி வுத்தவிஸ்ஸாஸோ அத்தீ²தி அத்தோ². இத³ங் கச்சானஸத்த²ங் அத்³த³ஸாதி யோஜனா. ‘‘த்³வயனிஸ்ஸிதோ, கச்சான, லோகோ’’திஆதி³ தி³ட்டி²வினிவேட²னா. ‘‘ஏதே தே, கச்சான, உபோ⁴ அந்தே அனுபக³ம்மா’’திஆதி³ பு³த்³த⁴ப³லதீ³பனா.
Paritassanā upādānanti bhayaparitassanā diṭṭhupādānaṃ. Anattani sati anattakatāni kammāni kamattānaṃ phusissantīti bhayaparitassanā ceva diṭṭhupādānañca uppajjati. Paṭinivattatīti yathāraddhavipassanāto paṭinivattati, nāsakkhīti attho. Kasmā panetassa vipassanamanuyuñjantassa evaṃ ahosīti tattha kāraṇaṃ vadati ‘‘ayaṃ kirā’’tiādinā. Evanti ‘‘ko nu kho me attā’’ti evaṃ na hoti. Tāvatikā vissatthīti ‘‘mayhaṃ dhammaṃ desetū’’ti vuttavissāso atthīti attho. Idaṃ kaccānasatthaṃ addasāti yojanā. ‘‘Dvayanissito, kaccāna, loko’’tiādi diṭṭhiviniveṭhanā. ‘‘Ete te, kaccāna, ubho ante anupagammā’’tiādi buddhabaladīpanā.
ச²ன்னஸுத்தவண்ணனா நிட்டி²தா.
Channasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ச²ன்னஸுத்தங் • 8. Channasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. ச²ன்னஸுத்தவண்ணனா • 8. Channasuttavaṇṇanā
