| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. ச²வாலாதஸுத்தங்
5. Chavālātasuttaṃ
95. ‘‘சத்தாரோமே, பி⁴க்க²வே, புக்³க³லா ஸந்தோ ஸங்விஜ்ஜமானா லோகஸ்மிங். கதமே சத்தாரோ? நேவத்தஹிதாய படிபன்னோ நோ பரஹிதாய, பரஹிதாய படிபன்னோ நோ அத்தஹிதாய, அத்தஹிதாய படிபன்னோ நோ பரஹிதாய, அத்தஹிதாய சேவ 1 படிபன்னோ பரஹிதாய ச.
95. ‘‘Cattārome, bhikkhave, puggalā santo saṃvijjamānā lokasmiṃ. Katame cattāro? Nevattahitāya paṭipanno no parahitāya, parahitāya paṭipanno no attahitāya, attahitāya paṭipanno no parahitāya, attahitāya ceva 2 paṭipanno parahitāya ca.
‘‘தத்ர, பி⁴க்க²வே, ய்வாயங் புக்³க³லோ பரஹிதாய படிபன்னோ நோ அத்தஹிதாய, அயங் இமேஸங் த்³வின்னங் புக்³க³லானங் அபி⁴க்கந்ததரோ ச பணீததரோ ச. தத்ர, பி⁴க்க²வே, ய்வாயங் புக்³க³லோ அத்தஹிதாய படிபன்னோ நோ பரஹிதாய, அயங் இமேஸங் திண்ணங் புக்³க³லானங் அபி⁴க்கந்ததரோ ச பணீததரோ ச. தத்ர, பி⁴க்க²வே, ய்வாயங் புக்³க³லோ அத்தஹிதாய சேவ படிபன்னோ பரஹிதாய ச, அயங் இமேஸங் சதுன்னங் புக்³க³லானங் அக்³கோ³ ச ஸெட்டோ² ச பாமொக்கோ² 7 ச உத்தமோ ச பவரோ ச.
‘‘Tatra, bhikkhave, yvāyaṃ puggalo parahitāya paṭipanno no attahitāya, ayaṃ imesaṃ dvinnaṃ puggalānaṃ abhikkantataro ca paṇītataro ca. Tatra, bhikkhave, yvāyaṃ puggalo attahitāya paṭipanno no parahitāya, ayaṃ imesaṃ tiṇṇaṃ puggalānaṃ abhikkantataro ca paṇītataro ca. Tatra, bhikkhave, yvāyaṃ puggalo attahitāya ceva paṭipanno parahitāya ca, ayaṃ imesaṃ catunnaṃ puggalānaṃ aggo ca seṭṭho ca pāmokkho 8 ca uttamo ca pavaro ca.
‘‘ஸெய்யதா²பி, பி⁴க்க²வே, க³வா கீ²ரங், கீ²ரம்ஹா த³தி⁴, த³தி⁴ம்ஹா நவனீதங், நவனீதம்ஹா ஸப்பி, ஸப்பிம்ஹா ஸப்பிமண்டோ³, ஸப்பிமண்டோ³ 9 தத்த² 10 அக்³க³மக்கா²யதி; ஏவமேவங் கோ², பி⁴க்க²வே, ய்வாயங் புக்³க³லோ அத்தஹிதாய சேவ படிபன்னோ பரஹிதாய ச, அயங் இமேஸங் சதுன்னங் புக்³க³லானங் அக்³கோ³ ச ஸெட்டோ² ச பாமொக்கோ² ச உத்தமோ ச பவரோ ச. இமே கோ², பி⁴க்க²வே, சத்தாரோ புக்³க³லா ஸந்தோ ஸங்விஜ்ஜமானா லோகஸ்மி’’ந்தி. பஞ்சமங்.
‘‘Seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo, sappimaṇḍo 11 tattha 12 aggamakkhāyati; evamevaṃ kho, bhikkhave, yvāyaṃ puggalo attahitāya ceva paṭipanno parahitāya ca, ayaṃ imesaṃ catunnaṃ puggalānaṃ aggo ca seṭṭho ca pāmokkho ca uttamo ca pavaro ca. Ime kho, bhikkhave, cattāro puggalā santo saṃvijjamānā lokasmi’’nti. Pañcamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. ச²வாலாதஸுத்தவண்ணனா • 5. Chavālātasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-6. ச²வாலாதஸுத்தாதி³வண்ணனா • 5-6. Chavālātasuttādivaṇṇanā
