| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬-૧૧. છેદનસુત્તાદિવણ્ણના
6-11. Chedanasuttādivaṇṇanā
૧૧૬૬-૭૧. છેદનાદીસુ છેદનન્તિ હત્થચ્છેદનાદિ. વધોતિ મરણં. બન્ધોતિ રજ્જુબન્ધનાદીહિ બન્ધનં. વિપરામોસોતિ હિમવિપરામોસો, ગુમ્બવિપરામોસોતિ દુવિધો. યં હિમપાતસમયે હિમેન પટિચ્છન્ના હુત્વા મગ્ગપટિપન્નં જનં મુસન્તિ, અયં હિમવિપરામોસો. યં ગુમ્બાદિપટિચ્છન્ના મુસન્તિ, અયં ગુમ્બવિપરામોસો.
1166-71.Chedanādīsu chedananti hatthacchedanādi. Vadhoti maraṇaṃ. Bandhoti rajjubandhanādīhi bandhanaṃ. Viparāmosoti himaviparāmoso, gumbaviparāmosoti duvidho. Yaṃ himapātasamaye himena paṭicchannā hutvā maggapaṭipannaṃ janaṃ musanti, ayaṃ himaviparāmoso. Yaṃ gumbādipaṭicchannā musanti, ayaṃ gumbaviparāmoso.
આલોપો વુચ્ચતિ ગામનિગમાદીનં વિલોપકરણં. સહસાકારોતિ સાહસકિરિયા, ગેહં પવિસિત્વા, મનુસ્સાનં ઉરે સત્થં ઠપેત્વા, ઇચ્છિતભણ્ડગ્ગહણં. એવમેતસ્મા છેદનવધબન્ધનવિપરામોસઆલોપસહસાકારા પટિવિરતા. સેસં સબ્બત્થ ઉત્તાનત્થમેવાતિ.
Ālopo vuccati gāmanigamādīnaṃ vilopakaraṇaṃ. Sahasākāroti sāhasakiriyā, gehaṃ pavisitvā, manussānaṃ ure satthaṃ ṭhapetvā, icchitabhaṇḍaggahaṇaṃ. Evametasmā chedanavadhabandhanaviparāmosaālopasahasākārā paṭiviratā. Sesaṃ sabbattha uttānatthamevāti.
આમકધઞ્ઞપેય્યાલવણ્ણના નિટ્ઠિતા.
Āmakadhaññapeyyālavaṇṇanā niṭṭhitā.
ઇતિ સારત્થપ્પકાસિનિયા સંયુત્તનિકાય-અટ્ઠકથાય
Iti sāratthappakāsiniyā saṃyuttanikāya-aṭṭhakathāya
મહાવગ્ગવણ્ણના નિટ્ઠિતા.
Mahāvaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬-૧૧. છેદનાદિસુત્તં • 6-11. Chedanādisuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬-૧૧. છેદનસુત્તાદિવણ્ણના • 6-11. Chedanasuttādivaṇṇanā
