| Library / Tipiṭaka / திபிடக • Tipiṭaka / உதா³னபாளி • Udānapāḷi |
5. சுந்த³ஸுத்தங்
5. Cundasuttaṃ
75. ஏவங் மே ஸுதங் – ஏகங் ஸமயங் ப⁴க³வா மல்லேஸு சாரிகங் சரமானோ மஹதா பி⁴க்கு²ஸங்கே⁴ன ஸத்³தி⁴ங் யேன பாவா தத³வஸரி. தத்ர ஸுத³ங் ப⁴க³வா பாவாயங் விஹரதி சுந்த³ஸ்ஸ கம்மாரபுத்தஸ்ஸ அம்ப³வனே.
75. Evaṃ me sutaṃ – ekaṃ samayaṃ bhagavā mallesu cārikaṃ caramāno mahatā bhikkhusaṅghena saddhiṃ yena pāvā tadavasari. Tatra sudaṃ bhagavā pāvāyaṃ viharati cundassa kammāraputtassa ambavane.
அஸ்ஸோஸி கோ² சுந்தோ³ கம்மாரபுத்தோ – ‘‘ப⁴க³வா கிர மல்லேஸு சாரிகங் சரமானோ மஹதா பி⁴க்கு²ஸங்கே⁴ன ஸத்³தி⁴ங் பாவங் அனுப்பத்தோ பாவாயங் விஹரதி மய்ஹங் அம்ப³வனே’’தி. அத² கோ² சுந்தோ³ கம்மாரபுத்தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² சுந்த³ங் கம்மாரபுத்தங் ப⁴க³வா த⁴ம்மியா கதா²ய ஸந்த³ஸ்ஸேஸி ஸமாத³பேஸி ஸமுத்தேஜேஸி ஸம்பஹங்ஸேஸி. அத² கோ² சுந்தோ³ கம்மாரபுத்தோ ப⁴க³வதா த⁴ம்மியா கதா²ய ஸந்த³ஸ்ஸிதோ ஸமாத³பிதோ ஸமுத்தேஜிதோ ஸம்பஹங்ஸிதோ ப⁴க³வந்தங் ஏதத³வோச – ‘‘அதி⁴வாஸேது மே, ப⁴ந்தே, ப⁴க³வா ஸ்வாதனாய ப⁴த்தங் ஸத்³தி⁴ங் பி⁴க்கு²ஸங்கே⁴னா’’தி. அதி⁴வாஸேஸி ப⁴க³வா துண்ஹீபா⁴வேன.
Assosi kho cundo kammāraputto – ‘‘bhagavā kira mallesu cārikaṃ caramāno mahatā bhikkhusaṅghena saddhiṃ pāvaṃ anuppatto pāvāyaṃ viharati mayhaṃ ambavane’’ti. Atha kho cundo kammāraputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho cundaṃ kammāraputtaṃ bhagavā dhammiyā kathāya sandassesi samādapesi samuttejesi sampahaṃsesi. Atha kho cundo kammāraputto bhagavatā dhammiyā kathāya sandassito samādapito samuttejito sampahaṃsito bhagavantaṃ etadavoca – ‘‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
அத² கோ² சுந்தோ³ கம்மாரபுத்தோ ப⁴க³வதோ அதி⁴வாஸனங் விதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமி. அத² கோ² சுந்தோ³ கம்மாரபுத்தோ தஸ்ஸா ரத்தியா அச்சயேன ஸகே நிவேஸனே பணீதங் கா²த³னீயங் போ⁴ஜனீயங் படியாதா³பெத்வா பஹூதஞ்ச ஸூகரமத்³த³வங் ப⁴க³வதோ காலங் ஆரோசாபேஸி – ‘‘காலோ, ப⁴ந்தே, நிட்டி²தங் ப⁴த்த’’ந்தி.
Atha kho cundo kammāraputto bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho cundo kammāraputto tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā pahūtañca sūkaramaddavaṃ bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti.
அத² கோ² ப⁴க³வா புப்³ப³ண்ஹஸமயங் நிவாஸெத்வா பத்தசீவரமாதா³ய ஸத்³தி⁴ங் பி⁴க்கு²ஸங்கே⁴ன யேன சுந்த³ஸ்ஸ கம்மாரபுத்தஸ்ஸ நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ கோ² ப⁴க³வா சுந்த³ங் கம்மாரபுத்தங் ஆமந்தேஸி – ‘‘யங் தே, சுந்த³, ஸூகரமத்³த³வங் படியத்தங் தேன மங் பரிவிஸ, யங் பனஞ்ஞங் கா²த³னீயங் போ⁴ஜனீயங் படியத்தங் தேன பி⁴க்கு²ஸங்க⁴ங் பரிவிஸா’’தி. ‘‘ஏவங், ப⁴ந்தே’’தி கோ² சுந்தோ³ கம்மாரபுத்தோ ப⁴க³வதோ படிஸ்ஸுத்வா யங் அஹோஸி ஸூகரமத்³த³வங் படியத்தங் தேன ப⁴க³வந்தங் பரிவிஸி; யங் பனஞ்ஞங் கா²த³னீயங் போ⁴ஜனீயங் படியத்தங் தேன பி⁴க்கு²ஸங்க⁴ங் பரிவிஸி.
Atha kho bhagavā pubbaṇhasamayaṃ nivāsetvā pattacīvaramādāya saddhiṃ bhikkhusaṅghena yena cundassa kammāraputtassa nivesanaṃ tenupasaṅkami; upasaṅkamitvā paññatte āsane nisīdi. Nisajja kho bhagavā cundaṃ kammāraputtaṃ āmantesi – ‘‘yaṃ te, cunda, sūkaramaddavaṃ paṭiyattaṃ tena maṃ parivisa, yaṃ panaññaṃ khādanīyaṃ bhojanīyaṃ paṭiyattaṃ tena bhikkhusaṅghaṃ parivisā’’ti. ‘‘Evaṃ, bhante’’ti kho cundo kammāraputto bhagavato paṭissutvā yaṃ ahosi sūkaramaddavaṃ paṭiyattaṃ tena bhagavantaṃ parivisi; yaṃ panaññaṃ khādanīyaṃ bhojanīyaṃ paṭiyattaṃ tena bhikkhusaṅghaṃ parivisi.
அத² கோ² ப⁴க³வா சுந்த³ங் கம்மாரபுத்தங் ஆமந்தேஸி – ‘‘யங் தே, சுந்த³, ஸூகரமத்³த³வங் அவஸிட்ட²ங் தங் ஸொப்³பே⁴ நிக²ணாஹி. நாஹங் தங், சுந்த³, பஸ்ஸாமி ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய யஸ்ஸ தங் பரிபு⁴த்தங் ஸம்மா பரிணாமங் க³ச்செ²ய்ய அஞ்ஞத்ர ததா²க³தஸ்ஸா’’தி 1. ‘‘ஏவங், ப⁴ந்தே’’தி கோ² சுந்தோ³ கம்மாரபுத்தோ ப⁴க³வதோ படிஸ்ஸுத்வா யங் அஹோஸி ஸூகரமத்³த³வங் அவஸிட்ட²ங் தங் ஸொப்³பே⁴ நிக²ணித்வா யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² சுந்த³ங் கம்மாரபுத்தங் ப⁴க³வா த⁴ம்மியா கதா²ய ஸந்த³ஸ்ஸெத்வா ஸமாத³பெத்வா ஸமுத்தேஜெத்வா ஸம்பஹங்ஸெத்வா உட்டா²யாஸனா பக்காமி.
Atha kho bhagavā cundaṃ kammāraputtaṃ āmantesi – ‘‘yaṃ te, cunda, sūkaramaddavaṃ avasiṭṭhaṃ taṃ sobbhe nikhaṇāhi. Nāhaṃ taṃ, cunda, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yassa taṃ paribhuttaṃ sammā pariṇāmaṃ gaccheyya aññatra tathāgatassā’’ti 2. ‘‘Evaṃ, bhante’’ti kho cundo kammāraputto bhagavato paṭissutvā yaṃ ahosi sūkaramaddavaṃ avasiṭṭhaṃ taṃ sobbhe nikhaṇitvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho cundaṃ kammāraputtaṃ bhagavā dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi.
அத² கோ² ப⁴க³வதோ சுந்த³ஸ்ஸ கம்மாரபுத்தஸ்ஸ ப⁴த்தங் பு⁴த்தாவிஸ்ஸ க²ரோ ஆபா³தோ⁴ உப்பஜ்ஜி. லோஹிதபக்க²ந்தி³கா பபா³ள்ஹா 3 வேத³னா வத்தந்தி மாரணந்திகா. தத்ர ஸுத³ங் ப⁴க³வா ஸதோ ஸம்பஜானோ அதி⁴வாஸேஸி அவிஹஞ்ஞமானோ. அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஆயாமானந்த³, யேன குஸினாரா தேனுபஸங்கமிஸ்ஸாமா’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ பச்சஸ்ஸோஸி.
Atha kho bhagavato cundassa kammāraputtassa bhattaṃ bhuttāvissa kharo ābādho uppajji. Lohitapakkhandikā pabāḷhā 4 vedanā vattanti māraṇantikā. Tatra sudaṃ bhagavā sato sampajāno adhivāsesi avihaññamāno. Atha kho bhagavā āyasmantaṃ ānandaṃ āmantesi – ‘‘āyāmānanda, yena kusinārā tenupasaṅkamissāmā’’ti. ‘‘Evaṃ, bhante’’ti kho āyasmā ānando bhagavato paccassosi.
‘‘சுந்த³ஸ்ஸ ப⁴த்தங் பு⁴ஞ்ஜித்வா, கம்மாரஸ்ஸாதி மே ஸுதங்;
‘‘Cundassa bhattaṃ bhuñjitvā, kammārassāti me sutaṃ;
ஆபா³த⁴ங் ஸம்பு²ஸீ தீ⁴ரோ, பபா³ள்ஹங் மாரணந்திகங்.
Ābādhaṃ samphusī dhīro, pabāḷhaṃ māraṇantikaṃ.
‘‘பு⁴த்தஸ்ஸ ச ஸூகரமத்³த³வேன, ப்³யாதி⁴ப்பபா³ள்ஹோ உத³பாதி³ ஸத்து²னோ;
‘‘Bhuttassa ca sūkaramaddavena, byādhippabāḷho udapādi satthuno;
விரிச்சமானோ 5 ப⁴க³வா அவோச, ‘க³ச்சா²மஹங் குஸினாரங் நக³ர’’’ந்தி.
Viriccamāno 6 bhagavā avoca, ‘gacchāmahaṃ kusināraṃ nagara’’’nti.
அத² கோ² ப⁴க³வா மக்³கா³ ஓக்கம்ம யேன அஞ்ஞதரங் ருக்க²மூலங் தேனுபஸங்கமி; உபஸங்கமித்வா ஆயஸ்மந்தங் ஆனந்த³ங் ஆமந்தேஸி – ‘‘இங்க⁴ மே த்வங், ஆனந்த³, சதுக்³கு³ணங் ஸங்கா⁴டிங் பஞ்ஞாபேஹி; கிலந்தொஸ்மி, ஆனந்த³, நிஸீதி³ஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ படிஸ்ஸுத்வா சதுக்³கு³ணங் ஸங்கா⁴டிங் பஞ்ஞாபேஸி. நிஸீதி³ ப⁴க³வா பஞ்ஞத்தே ஆஸனே. நிஸஜ்ஜ கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘இங்க⁴ மே த்வங், ஆனந்த³, பானீயங் ஆஹர; பிபாஸிதொஸ்மி, ஆனந்த³, பிவிஸ்ஸாமீ’’தி.
Atha kho bhagavā maggā okkamma yena aññataraṃ rukkhamūlaṃ tenupasaṅkami; upasaṅkamitvā āyasmantaṃ ānandaṃ āmantesi – ‘‘iṅgha me tvaṃ, ānanda, catugguṇaṃ saṅghāṭiṃ paññāpehi; kilantosmi, ānanda, nisīdissāmī’’ti. ‘‘Evaṃ, bhante’’ti kho āyasmā ānando bhagavato paṭissutvā catugguṇaṃ saṅghāṭiṃ paññāpesi. Nisīdi bhagavā paññatte āsane. Nisajja kho bhagavā āyasmantaṃ ānandaṃ āmantesi – ‘‘iṅgha me tvaṃ, ānanda, pānīyaṃ āhara; pipāsitosmi, ānanda, pivissāmī’’ti.
ஏவங் வுத்தே, ஆயஸ்மா ஆனந்தோ³ ப⁴க³வந்தங் ஏதத³வோச – ‘‘இதா³னி, ப⁴ந்தே, பஞ்சமத்தானி ஸகடஸதானி அதிக்கந்தானி. தங் சக்கச்சி²ன்னங் உத³கங் பரித்தங் லுளிதங் ஆவிலங் ஸந்த³தி. அயங், ப⁴ந்தே, குகுட்டா² 7 நதீ³ அவிதூ³ரே அச்சோ²த³கா ஸாதோத³கா ஸீதோத³கா ஸேதோத³கா ஸுபதித்தா² ரமணீயா. எத்த² ப⁴க³வா பானீயஞ்ச பிவிஸ்ஸதி க³த்தானி ச ஸீதீகரிஸ்ஸதீ’’தி 8.
Evaṃ vutte, āyasmā ānando bhagavantaṃ etadavoca – ‘‘idāni, bhante, pañcamattāni sakaṭasatāni atikkantāni. Taṃ cakkacchinnaṃ udakaṃ parittaṃ luḷitaṃ āvilaṃ sandati. Ayaṃ, bhante, kukuṭṭhā 9 nadī avidūre acchodakā sātodakā sītodakā setodakā supatitthā ramaṇīyā. Ettha bhagavā pānīyañca pivissati gattāni ca sītīkarissatī’’ti 10.
து³தியம்பி கோ²…பே॰… ததியம்பி கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘இங்க⁴ மே த்வங், ஆனந்த³, பானீயங் ஆஹர; பிபாஸிதொஸ்மி, ஆனந்த³, பிவிஸ்ஸாமீ’’தி. ‘‘ஏவங், ப⁴ந்தே’’தி கோ² ஆயஸ்மா ஆனந்தோ³ ப⁴க³வதோ படிஸ்ஸுத்வா பத்தங் க³ஹெத்வா யேன ஸா நதீ³ தேனுபஸங்கமி. அத² கோ² ஸா நதீ³ சக்கச்சி²ன்னா பரித்தா லுளிதா ஆவிலா ஸந்த³மானா ஆயஸ்மந்தே ஆனந்தே³ உபஸங்கமந்தே அச்சா² விப்பஸன்னா அனாவிலா ஸந்த³தி.
Dutiyampi kho…pe… tatiyampi kho bhagavā āyasmantaṃ ānandaṃ āmantesi – ‘‘iṅgha me tvaṃ, ānanda, pānīyaṃ āhara; pipāsitosmi, ānanda, pivissāmī’’ti. ‘‘Evaṃ, bhante’’ti kho āyasmā ānando bhagavato paṭissutvā pattaṃ gahetvā yena sā nadī tenupasaṅkami. Atha kho sā nadī cakkacchinnā parittā luḷitā āvilā sandamānā āyasmante ānande upasaṅkamante acchā vippasannā anāvilā sandati.
அத² கோ² ஆயஸ்மதோ ஆனந்த³ஸ்ஸ ஏதத³ஹோஸி – ‘‘அச்ச²ரியங் வத, போ⁴, அப்³பு⁴தங் வத, போ⁴, ததா²க³தஸ்ஸ மஹித்³தி⁴கதா மஹானுபா⁴வதா! அயஞ்ஹி ஸா நதீ³ சக்கச்சி²ன்னா பரித்தா லுளிதா ஆவிலா ஸந்த³மானா மயி உபஸங்கமந்தே அச்சா² விப்பஸன்னா அனாவிலா ஸந்த³தீ’’தி!! பத்தேன பானீயங் ஆதா³ய யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் ஏதத³வோச – ‘‘அச்ச²ரியங், ப⁴ந்தே, அப்³பு⁴தங், ப⁴ந்தே, ததா²க³தஸ்ஸ மஹித்³தி⁴கதா மஹானுபா⁴வதா! அயஞ்ஹி ஸா, ப⁴ந்தே, நதீ³ சக்கச்சி²ன்னா பரித்தா லுளிதா ஆவிலா ஸந்த³மானா மயி உபஸங்கமந்தே அச்சா² விப்பஸன்னா அனாவிலா ஸந்த³தி!! பிவது ப⁴க³வா பானீயங் , பிவது ஸுக³தோ பானீய’’ந்தி.
Atha kho āyasmato ānandassa etadahosi – ‘‘acchariyaṃ vata, bho, abbhutaṃ vata, bho, tathāgatassa mahiddhikatā mahānubhāvatā! Ayañhi sā nadī cakkacchinnā parittā luḷitā āvilā sandamānā mayi upasaṅkamante acchā vippasannā anāvilā sandatī’’ti!! Pattena pānīyaṃ ādāya yena bhagavā tenupasaṅkami; upasaṅkamitvā bhagavantaṃ etadavoca – ‘‘acchariyaṃ, bhante, abbhutaṃ, bhante, tathāgatassa mahiddhikatā mahānubhāvatā! Ayañhi sā, bhante, nadī cakkacchinnā parittā luḷitā āvilā sandamānā mayi upasaṅkamante acchā vippasannā anāvilā sandati!! Pivatu bhagavā pānīyaṃ , pivatu sugato pānīya’’nti.
அத² கோ² ப⁴க³வா பானீயங் அபாயி 11. அத² கோ² ப⁴க³வா மஹதா பி⁴க்கு²ஸங்கே⁴ன ஸத்³தி⁴ங் யேன குகுட்டா² நதீ³ தேனுபஸங்கமி; உபஸங்கமித்வா குகுட்ட²ங் நதி³ங் அஜ்ஜோ²கா³ஹெத்வா ந்ஹத்வா ச பிவித்வா ச பச்சுத்தரித்வா யேன அம்ப³வனங் தேனுபஸங்கமி; உபஸங்கமித்வா ஆயஸ்மந்தங் சுந்த³கங் ஆமந்தேஸி – ‘‘இங்க⁴ மே த்வங், சுந்த³க, சதுக்³கு³ணங் ஸங்கா⁴டிங் பஞ்ஞாபேஹி; கிலந்தொஸ்மி, சுந்த³க, நிபஜ்ஜிஸ்ஸாமீ’’தி . ‘‘ஏவங், ப⁴ந்தே’’தி கோ² ஆயஸ்மா சுந்த³கோ ப⁴க³வதோ படிஸ்ஸுத்வா சதுக்³கு³ணங் ஸங்கா⁴டிங் பஞ்ஞாபேஸி. அத² கோ² ப⁴க³வா த³க்கி²ணேன பஸ்ஸேன ஸீஹஸெய்யங் கப்பேஸி பாதே³ பாத³ங் அச்சாதா⁴ய ஸதோ ஸம்பஜானோ உட்டா²னஸஞ்ஞங் மனஸி கரித்வா. ஆயஸ்மா பன சுந்த³கோ தத்தே²வ ப⁴க³வதோ புரதோ நிஸீதி³.
Atha kho bhagavā pānīyaṃ apāyi 12. Atha kho bhagavā mahatā bhikkhusaṅghena saddhiṃ yena kukuṭṭhā nadī tenupasaṅkami; upasaṅkamitvā kukuṭṭhaṃ nadiṃ ajjhogāhetvā nhatvā ca pivitvā ca paccuttaritvā yena ambavanaṃ tenupasaṅkami; upasaṅkamitvā āyasmantaṃ cundakaṃ āmantesi – ‘‘iṅgha me tvaṃ, cundaka, catugguṇaṃ saṅghāṭiṃ paññāpehi; kilantosmi, cundaka, nipajjissāmī’’ti . ‘‘Evaṃ, bhante’’ti kho āyasmā cundako bhagavato paṭissutvā catugguṇaṃ saṅghāṭiṃ paññāpesi. Atha kho bhagavā dakkhiṇena passena sīhaseyyaṃ kappesi pāde pādaṃ accādhāya sato sampajāno uṭṭhānasaññaṃ manasi karitvā. Āyasmā pana cundako tattheva bhagavato purato nisīdi.
‘‘க³ந்த்வான பு³த்³தோ⁴ நதி³கங் குகுட்ட²ங்,
‘‘Gantvāna buddho nadikaṃ kukuṭṭhaṃ,
ஓகா³ஹி ஸத்தா² ஸுகிலந்தரூபோ,
Ogāhi satthā sukilantarūpo,
ததா²க³தோ அப்படிமோத⁴ லோகே.
Tathāgato appaṭimodha loke.
புரக்க²தோ பி⁴க்கு²க³ணஸ்ஸ மஜ்ஜே²;
Purakkhato bhikkhugaṇassa majjhe;
ஸத்தா² பவத்தா ப⁴க³வா இத⁴ த⁴ம்மே,
Satthā pavattā bhagavā idha dhamme,
உபாக³மி அம்ப³வனங் மஹேஸி;
Upāgami ambavanaṃ mahesi;
ஆமந்தயி சுந்த³கங் நாம பி⁴க்கு²ங்,
Āmantayi cundakaṃ nāma bhikkhuṃ,
‘‘ஸோ சோதி³தோ பா⁴விதத்தேன சுந்தோ³,
‘‘So codito bhāvitattena cundo,
நிபஜ்ஜி ஸத்தா² ஸுகிலந்தரூபோ,
Nipajji satthā sukilantarūpo,
சுந்தோ³பி தத்த² பமுகே² நிஸீதீ³’’தி.
Cundopi tattha pamukhe nisīdī’’ti.
அத² கோ² ப⁴க³வா ஆயஸ்மந்தங் ஆனந்த³ங் ஆமந்தேஸி – ‘‘ஸியா கோ² , பனானந்த³, சுந்த³ஸ்ஸ கம்மாரபுத்தஸ்ஸ கோசி விப்படிஸாரங் உபத³ஹெய்ய – ‘தஸ்ஸ தே, ஆவுஸோ சுந்த³, அலாபா⁴, தஸ்ஸ தே து³ல்லத்³த⁴ங் யஸ்ஸ தே ததா²க³தோ பச்சி²மங் பிண்ட³பாதங் பு⁴ஞ்ஜித்வா பரினிப்³பு³தோ’தி. சுந்த³ஸ்ஸானந்த³, கம்மாரபுத்தஸ்ஸ ஏவங் விப்படிஸாரோ படிவினோதே³தப்³போ³ –
Atha kho bhagavā āyasmantaṃ ānandaṃ āmantesi – ‘‘siyā kho , panānanda, cundassa kammāraputtassa koci vippaṭisāraṃ upadaheyya – ‘tassa te, āvuso cunda, alābhā, tassa te dulladdhaṃ yassa te tathāgato pacchimaṃ piṇḍapātaṃ bhuñjitvā parinibbuto’ti. Cundassānanda, kammāraputtassa evaṃ vippaṭisāro paṭivinodetabbo –
‘‘‘தஸ்ஸ தே, ஆவுஸோ சுந்த³, லாபா⁴, தஸ்ஸ தே ஸுலத்³த⁴ங் யஸ்ஸ தே ததா²க³தோ பச்சி²மங் பிண்ட³பாதங் பரிபு⁴ஞ்ஜித்வா பரினிப்³பு³தோ. ஸம்முகா² மேதங், ஆவுஸோ சுந்த³, ப⁴க³வதோ ஸுதங், ஸம்முகா² படிக்³க³ஹிதங் – த்³வேமே பிண்ட³பாதா ஸமஸமப²லா ஸமஸமவிபாகா அதிவிய அஞ்ஞேஹி பிண்ட³பாதேஹி மஹப்ப²லதரா ச மஹானிஸங்ஸதரா ச. கதமே த்³வே? யஞ்ச பிண்ட³பாதங் பரிபு⁴ஞ்ஜித்வா ததா²க³தோ அனுத்தரங் ஸம்மாஸம்போ³தி⁴ங் அபி⁴ஸம்பு³ஜ்ஜ²தி, யஞ்ச பிண்ட³பாதங் பரிபு⁴ஞ்ஜித்வா அனுபாதி³ஸேஸாய நிப்³பா³னதா⁴துயா பரினிப்³பா³யதி. இமே த்³வே பிண்ட³பாதா ஸமஸமப²லா ஸமஸமவிபாகா அதிவிய அஞ்ஞேஹி பிண்ட³பாதேஹி மஹப்ப²லதரா ச மஹானிஸங்ஸதரா ச.
‘‘‘Tassa te, āvuso cunda, lābhā, tassa te suladdhaṃ yassa te tathāgato pacchimaṃ piṇḍapātaṃ paribhuñjitvā parinibbuto. Sammukhā metaṃ, āvuso cunda, bhagavato sutaṃ, sammukhā paṭiggahitaṃ – dveme piṇḍapātā samasamaphalā samasamavipākā ativiya aññehi piṇḍapātehi mahapphalatarā ca mahānisaṃsatarā ca. Katame dve? Yañca piṇḍapātaṃ paribhuñjitvā tathāgato anuttaraṃ sammāsambodhiṃ abhisambujjhati, yañca piṇḍapātaṃ paribhuñjitvā anupādisesāya nibbānadhātuyā parinibbāyati. Ime dve piṇḍapātā samasamaphalā samasamavipākā ativiya aññehi piṇḍapātehi mahapphalatarā ca mahānisaṃsatarā ca.
‘‘‘ஆயுஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங், வண்ணஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங், ஸுக²ஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங், ஸக்³க³ஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங், யஸஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசிதங், ஆதி⁴பதெய்யஸங்வத்தனிகங் ஆயஸ்மதா சுந்தே³ன கம்மாரபுத்தேன கம்மங் உபசித’ந்தி. சுந்த³ஸ்ஸானந்த³, கம்மாரபுத்தஸ்ஸ ஏவங் விப்படிஸாரோ படிவினோதே³தப்³போ³’’தி.
‘‘‘Āyusaṃvattanikaṃ āyasmatā cundena kammāraputtena kammaṃ upacitaṃ, vaṇṇasaṃvattanikaṃ āyasmatā cundena kammāraputtena kammaṃ upacitaṃ, sukhasaṃvattanikaṃ āyasmatā cundena kammāraputtena kammaṃ upacitaṃ, saggasaṃvattanikaṃ āyasmatā cundena kammāraputtena kammaṃ upacitaṃ, yasasaṃvattanikaṃ āyasmatā cundena kammāraputtena kammaṃ upacitaṃ, ādhipateyyasaṃvattanikaṃ āyasmatā cundena kammāraputtena kammaṃ upacita’nti. Cundassānanda, kammāraputtassa evaṃ vippaṭisāro paṭivinodetabbo’’ti.
அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘த³த³தோ புஞ்ஞங் பவட்³ட⁴தி,
‘‘Dadato puññaṃ pavaḍḍhati,
ஸங்யமதோ வேரங் ந சீயதி;
Saṃyamato veraṃ na cīyati;
குஸலோ ச ஜஹாதி பாபகங்,
Kusalo ca jahāti pāpakaṃ,
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / உதா³ன-அட்ட²கதா² • Udāna-aṭṭhakathā / 5. சுந்த³ஸுத்தவண்ணனா • 5. Cundasuttavaṇṇanā
