| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. தா³மலிஸுத்தவண்ணனா
5. Dāmalisuttavaṇṇanā
86. தேன காரணேனாதி தேன பதா⁴னேன காரணபூ⁴தேன, பதா⁴னகரணனிமித்தந்தி அத்தோ². யங் கிஞ்சி கு²த்³த³கம்பி மஹந்தம்பி ஹீனம்பி பணீதம்பி ப⁴வங். ஆயதபக்³க³ஹோதி தீ³க⁴ரத்தஸ்ஸ வீரியாரம்போ⁴. கிச்சவோஸானந்தி கிச்சனிட்டா²னங். ததே²வாதி யதா² அரஹத்துப்பத்திதோ புப்³பே³, ததோ பச்சா²பி ததே²வ ‘‘பு³த்³தி⁴பக்³க³ஹோ’’தி வீரியங் த³ள்ஹங் கரோதூதி குப்பத⁴ம்மங் விய மஞ்ஞமானோ வத³தி. தி³ட்ட²த⁴ம்மஸுக²விஹாராதி³அத்த²ங் பன வீரியகரணங் இச்சி²தப்³ப³மேவ.
86.Tena kāraṇenāti tena padhānena kāraṇabhūtena, padhānakaraṇanimittanti attho. Yaṃ kiñci khuddakampi mahantampi hīnampi paṇītampi bhavaṃ. Āyatapaggahoti dīgharattassa vīriyārambho. Kiccavosānanti kiccaniṭṭhānaṃ. Tathevāti yathā arahattuppattito pubbe, tato pacchāpi tatheva ‘‘buddhipaggaho’’ti vīriyaṃ daḷhaṃ karotūti kuppadhammaṃ viya maññamāno vadati. Diṭṭhadhammasukhavihārādiatthaṃ pana vīriyakaraṇaṃ icchitabbameva.
அஸங்கிண்ணாதி அவோமிஸ்ஸா ஏவங் அஞ்ஞத்த² அனாக³தத்தா. தேனாஹ ‘‘ப⁴க³வதா ஹீ’’திஆதி³. யதி³ ஏவங் இதே⁴வ கஸ்மா ஏதங் வுத்தந்தி ஆஹ ‘‘இத⁴ பனா’’திஆதி³. பதிட்ட²ந்தி நதீ³ நாம அனவட்டி²ததீரா, தத்த² பதிட்டா²தப்³ப³ட்டா²னங்.
Asaṃkiṇṇāti avomissā evaṃ aññattha anāgatattā. Tenāha ‘‘bhagavatā hī’’tiādi. Yadi evaṃ idheva kasmā etaṃ vuttanti āha ‘‘idha panā’’tiādi. Patiṭṭhanti nadī nāma anavaṭṭhitatīrā, tattha patiṭṭhātabbaṭṭhānaṃ.
தா³மலிஸுத்தவண்ணனா நிட்டி²தா.
Dāmalisuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. தா³மலிஸுத்தங் • 5. Dāmalisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. தா³மலிஸுத்தவண்ணனா • 5. Dāmalisuttavaṇṇanā
