| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૫. દામલિસુત્તવણ્ણના
5. Dāmalisuttavaṇṇanā
૮૬. પઞ્ચમે ન તેનાસીસતે ભવન્તિ તેન કારણેન યં કિઞ્ચિ ભવં ન પત્થેતિ. આયતપગ્ગહો નામેસ દેવપુત્તો, ખીણાસવસ્સ કિચ્ચવોસાનં નત્થિ. ખીણાસવેન હિ આદિતો અરહત્તપ્પત્તિયા વીરિયં કતં , અપરભાગે મયા અરહત્તં પત્તન્તિ મા તુણ્હી ભવતુ, તથેવ વીરિયં દળ્હં કરોતુ પરક્કમતૂતિ ચિન્તેત્વા એવમાહ.
86. Pañcame na tenāsīsate bhavanti tena kāraṇena yaṃ kiñci bhavaṃ na pattheti. Āyatapaggaho nāmesa devaputto, khīṇāsavassa kiccavosānaṃ natthi. Khīṇāsavena hi ādito arahattappattiyā vīriyaṃ kataṃ , aparabhāge mayā arahattaṃ pattanti mā tuṇhī bhavatu, tatheva vīriyaṃ daḷhaṃ karotu parakkamatūti cintetvā evamāha.
અથ ભગવા ‘‘અયં દેવપુત્તો ખીણાસવસ્સ કિચ્ચવોસાનં અકથેન્તો મમ સાસનં અનિય્યાનિકં કથેતિ, કિચ્ચવોસાનમસ્સ કથેસ્સામી’’તિ ચિન્તેત્વા નત્થિ કિચ્ચન્તિઆદિમાહ. તીસુ કિર પિટકેસુ અયં ગાથા અસંકિણ્ણા. ભગવતા હિ અઞ્ઞત્થ વીરિયસ્સ દોસો નામ દસ્સિતો નત્થિ. ઇધ પન ઇમં દેવપુત્તં પટિબાહિત્વા ‘‘ખીણાસવેન પુબ્બભાગે આસવક્ખયત્થાય અરઞ્ઞે વસન્તેન કમ્મટ્ઠાનં આદાય વીરિયં કતં, અપરભાગે સચે ઇચ્છતિ, કરોતુ, નો ચે ઇચ્છતિ, યથાસુખં વિહરતૂ’’તિ ખીણાસવસ્સ કિચ્ચવોસાનદસ્સનત્થં એવમાહ. તત્થ ગાધન્તિ પતિટ્ઠં. પઞ્ચમં.
Atha bhagavā ‘‘ayaṃ devaputto khīṇāsavassa kiccavosānaṃ akathento mama sāsanaṃ aniyyānikaṃ katheti, kiccavosānamassa kathessāmī’’ti cintetvā natthi kiccantiādimāha. Tīsu kira piṭakesu ayaṃ gāthā asaṃkiṇṇā. Bhagavatā hi aññattha vīriyassa doso nāma dassito natthi. Idha pana imaṃ devaputtaṃ paṭibāhitvā ‘‘khīṇāsavena pubbabhāge āsavakkhayatthāya araññe vasantena kammaṭṭhānaṃ ādāya vīriyaṃ kataṃ, aparabhāge sace icchati, karotu, no ce icchati, yathāsukhaṃ viharatū’’ti khīṇāsavassa kiccavosānadassanatthaṃ evamāha. Tattha gādhanti patiṭṭhaṃ. Pañcamaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૫. દામલિસુત્તં • 5. Dāmalisuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫. દામલિસુત્તવણ્ણના • 5. Dāmalisuttavaṇṇanā
