| Library / Tipiṭaka / તિપિટક • Tipiṭaka / અપદાનપાળિ • Apadānapāḷi |
૫. દણ્ડદાયકત્થેરઅપદાનં
5. Daṇḍadāyakattheraapadānaṃ
૧૮.
18.
‘‘કાનનં વનમોગય્હ, વેળું છેત્વાનહં તદા;
‘‘Kānanaṃ vanamogayha, veḷuṃ chetvānahaṃ tadā;
આલમ્બનં કરિત્વાન, સઙ્ઘસ્સ અદદં અહં.
Ālambanaṃ karitvāna, saṅghassa adadaṃ ahaṃ.
૧૯.
19.
‘‘તેન ચિત્તપ્પસાદેન, સુબ્બતે અભિવાદિય;
‘‘Tena cittappasādena, subbate abhivādiya;
આલમ્બનમ્પિ દત્વાન, પક્કામિં ઉત્તરામુખો.
Ālambanampi datvāna, pakkāmiṃ uttarāmukho.
૨૦.
20.
‘‘ચતુન્નવુતિતો કપ્પે, યં દણ્ડમદદિં તદા;
‘‘Catunnavutito kappe, yaṃ daṇḍamadadiṃ tadā;
દુગ્ગતિં નાભિજાનામિ, દણ્ડદાનસ્સિદં ફલં.
Duggatiṃ nābhijānāmi, daṇḍadānassidaṃ phalaṃ.
૨૧.
21.
‘‘પટિસમ્ભિદા ચતસ્સો…પે॰… કતં બુદ્ધસ્સ સાસનં’’.
‘‘Paṭisambhidā catasso…pe… kataṃ buddhassa sāsanaṃ’’.
ઇત્થં સુદં આયસ્મા દણ્ડદાયકો થેરો ઇમા ગાથાયો અભાસિત્થાતિ.
Itthaṃ sudaṃ āyasmā daṇḍadāyako thero imā gāthāyo abhāsitthāti.
દણ્ડદાયકત્થેરસ્સાપદાનં પઞ્ચમં.
Daṇḍadāyakattherassāpadānaṃ pañcamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / અપદાન-અટ્ઠકથા • Apadāna-aṭṭhakathā / ૧-૧૦. પદુમકેસરિયત્થેરઅપદાનાદિવણ્ણના • 1-10. Padumakesariyattheraapadānādivaṇṇanā
