| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. த³ட்ட²ப்³ப³ஸுத்தவண்ணனா
5. Daṭṭhabbasuttavaṇṇanā
253. விபரிணாமனவஸேன து³க்க²தோ த³ட்ட²ப்³பா³தி கிஞ்சாபி ஸுகா², பரிணாமது³க்க²தா பன ஸுக²வேத³னாய ஏகந்திகாதி. வினிவிஜ்ஜ²னட்டே²னாதி பீளனவஸேன அத்தபா⁴வஸ்ஸ விஜ்ஜ²னட்டே²ன. ஹுத்வாதி பச்சயஸமாக³மேன உப்பஜ்ஜித்வா. தேன பாகபா⁴வபுப்³ப³கோ அத்தலாபோ⁴ வுத்தோ. அபா⁴வாகாரேனாதி ப⁴ங்கு³பக³மனாகாரேன. தேன வித்³த⁴ங்ஸபா⁴வோ வுத்தோ. உப⁴யேன உத³யப்³ப³யபரிச்சி²ன்னதாய ஸிக²ப்பத்தங் அனிச்சதங் த³ஸ்ஸேதி. ஸ்வாயங் ஹுத்வா அபா⁴வாகாரோ இதராஸுபி வேத³னாஸு லப்³ப⁴தேவ, அதி⁴கோ ச பன த்³வின்னங் து³க்க²ஸபா⁴வோ. து³க்க²தாவஸேன புரிமானங் வேத³னானங் த³ட்ட²ப்³ப³தாய த³ஸ்ஸிதத்தா பச்சி²மாய வேத³னாய ஏவங் த³ட்ட²ப்³ப³தா த³ஸ்ஸிதா. அத்³தா³தி ஞாணக³தியா ஸச்சி²கத்வா அத³க்கி². ஞாணக³மனஞ்ஹேதங், யதி³த³ங் து³க்க²தோ த³ஸ்ஸனங். ஸந்தஸபா⁴வங் ஸுக²து³க்க²தோ உபஸந்தரூபத்தா.
253.Vipariṇāmanavasenadukkhato daṭṭhabbāti kiñcāpi sukhā, pariṇāmadukkhatā pana sukhavedanāya ekantikāti. Vinivijjhanaṭṭhenāti pīḷanavasena attabhāvassa vijjhanaṭṭhena. Hutvāti paccayasamāgamena uppajjitvā. Tena pākabhāvapubbako attalābho vutto. Abhāvākārenāti bhaṅgupagamanākārena. Tena viddhaṃsabhāvo vutto. Ubhayena udayabbayaparicchinnatāya sikhappattaṃ aniccataṃ dasseti. Svāyaṃ hutvā abhāvākāro itarāsupi vedanāsu labbhateva, adhiko ca pana dvinnaṃ dukkhasabhāvo. Dukkhatāvasena purimānaṃ vedanānaṃ daṭṭhabbatāya dassitattā pacchimāya vedanāya evaṃ daṭṭhabbatā dassitā. Addāti ñāṇagatiyā sacchikatvā adakkhi. Ñāṇagamanañhetaṃ, yadidaṃ dukkhato dassanaṃ. Santasabhāvaṃ sukhadukkhato upasantarūpattā.
த³ட்ட²ப்³ப³ஸுத்தவண்ணனா நிட்டி²தா.
Daṭṭhabbasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. த³ட்ட²ப்³ப³ஸுத்தங் • 5. Daṭṭhabbasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. த³ட்ட²ப்³ப³ஸுத்தவண்ணனா • 5. Daṭṭhabbasuttavaṇṇanā
