| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. தே³வலோகஸுத்தங்
8. Devalokasuttaṃ
18. ‘‘ஸசே வோ, பி⁴க்க²வே, அஞ்ஞதித்தி²யா பரிப்³பா³ஜகா ஏவங் புச்செ²ய்யுங் – ‘தே³வலோகூபபத்தியா, ஆவுஸோ, ஸமணே கோ³தமே ப்³ரஹ்மசரியங் வுஸ்ஸதா²’தி? நனு தும்ஹே, பி⁴க்க²வே, ஏவங் புட்டா² அட்டீயெய்யாத² ஹராயெய்யாத² ஜிகு³ச்செ²ய்யாதா²’’தி? ‘‘ஏவங், ப⁴ந்தே’’. ‘‘இதி கிர தும்ஹே, பி⁴க்க²வே, தி³ப்³பே³ன ஆயுனா அட்டீயத² ஹராயத² ஜிகு³ச்ச²த², தி³ப்³பே³ன வண்ணேன தி³ப்³பே³ன ஸுகே²ன தி³ப்³பே³ன யஸேன தி³ப்³பே³னாதி⁴பதெய்யேன அட்டீயத² ஹராயத² ஜிகு³ச்ச²த²; பகே³வ கோ² பன, பி⁴க்க²வே, தும்ஹேஹி காயது³ச்சரிதேன அட்டீயிதப்³ப³ங் ஹராயிதப்³ப³ங் ஜிகு³ச்சி²தப்³ப³ங், வசீது³ச்சரிதேன… மனோது³ச்சரிதேன அட்டீயிதப்³ப³ங் ஹராயிதப்³ப³ங் ஜிகு³ச்சி²தப்³ப³’’ந்தி. அட்ட²மங்.
18. ‘‘Sace vo, bhikkhave, aññatitthiyā paribbājakā evaṃ puccheyyuṃ – ‘devalokūpapattiyā, āvuso, samaṇe gotame brahmacariyaṃ vussathā’ti? Nanu tumhe, bhikkhave, evaṃ puṭṭhā aṭṭīyeyyātha harāyeyyātha jiguccheyyāthā’’ti? ‘‘Evaṃ, bhante’’. ‘‘Iti kira tumhe, bhikkhave, dibbena āyunā aṭṭīyatha harāyatha jigucchatha, dibbena vaṇṇena dibbena sukhena dibbena yasena dibbenādhipateyyena aṭṭīyatha harāyatha jigucchatha; pageva kho pana, bhikkhave, tumhehi kāyaduccaritena aṭṭīyitabbaṃ harāyitabbaṃ jigucchitabbaṃ, vacīduccaritena… manoduccaritena aṭṭīyitabbaṃ harāyitabbaṃ jigucchitabba’’nti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. தே³வலோகஸுத்தவண்ணனா • 8. Devalokasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. தே³வலோகஸுத்தவண்ணனா • 8. Devalokasuttavaṇṇanā
