| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬. ધમ્મકથિકસુત્તવણ્ણના
6. Dhammakathikasuttavaṇṇanā
૧૬. છટ્ઠે નિબ્બિદાયાતિ નિબ્બિન્દનત્થાય. વિરાગાયાતિ વિરજ્જનત્થાય. નિરોધાયાતિ નિરુજ્ઝનત્થાય. પટિપન્નો હોતીતિ એત્થ સીલતો પટ્ઠાય યાવ અરહત્તમગ્ગા પટિપન્નોતિ વેદિતબ્બો. ધમ્માનુધમ્મપ્પટિપન્નોતિ લોકુત્તરસ્સ નિબ્બાનધમ્મસ્સ અનુધમ્મભૂતં પટિપદં પટિપન્નો. અનુધમ્મભૂતન્તિ અનુરૂપસભાવભૂતં. નિબ્બિદા વિરાગા નિરોધાતિ નિબ્બિદાય ચેવ વિરાગેન ચ નિરોધેન ચ. અનુપાદા વિમુત્તોતિ ચતૂહિ ઉપાદાનેહિ કિઞ્ચિ ધમ્મં અનુપાદિયિત્વા વિમુત્તો. દિટ્ઠધમ્મનિબ્બાનપ્પત્તોતિ દિટ્ઠેવ ધમ્મે નિબ્બાનપ્પત્તો. અલં વચનાયાતિ, એવં વત્તબ્બતં અરહતિ, યુત્તો અનુચ્છવિકોતિ અત્થો . એવમેત્થ એકેન નયેન ધમ્મકથિકસ્સ પુચ્છા કથિતા, દ્વીહિ તં વિસેસેત્વા સેક્ખાસેક્ખભૂમિયો નિદ્દિટ્ઠાતિ. છટ્ઠં.
16. Chaṭṭhe nibbidāyāti nibbindanatthāya. Virāgāyāti virajjanatthāya. Nirodhāyāti nirujjhanatthāya. Paṭipanno hotīti ettha sīlato paṭṭhāya yāva arahattamaggā paṭipannoti veditabbo. Dhammānudhammappaṭipannoti lokuttarassa nibbānadhammassa anudhammabhūtaṃ paṭipadaṃ paṭipanno. Anudhammabhūtanti anurūpasabhāvabhūtaṃ. Nibbidā virāgā nirodhāti nibbidāya ceva virāgena ca nirodhena ca. Anupādā vimuttoti catūhi upādānehi kiñci dhammaṃ anupādiyitvā vimutto. Diṭṭhadhammanibbānappattoti diṭṭheva dhamme nibbānappatto. Alaṃ vacanāyāti, evaṃ vattabbataṃ arahati, yutto anucchavikoti attho . Evamettha ekena nayena dhammakathikassa pucchā kathitā, dvīhi taṃ visesetvā sekkhāsekkhabhūmiyo niddiṭṭhāti. Chaṭṭhaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. ધમ્મકથિકસુત્તં • 6. Dhammakathikasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. ધમ્મકથિકસુત્તવણ્ણના • 6. Dhammakathikasuttavaṇṇanā
