| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૯. ધમ્મતણ્હાઅબ્યાકતાતિકથાવણ્ણના
9. Dhammataṇhāabyākatātikathāvaṇṇanā
૬૭૬-૬૮૦. ઇદાનિ ધમ્મતણ્હા અબ્યાકતાતિકથા નામ હોતિ. તત્થ રૂપતણ્હા…પે॰… ધમ્મતણ્હાતિ ઇમાસુ છસુ તણ્હાસુ યસ્મા સબ્બપચ્છિમા તણ્હા ધમ્મતણ્હાતિ વુત્તા, તસ્મા સા અબ્યાકતાતિ યેસં લદ્ધિ, સેય્યથાપિ પુબ્બસેલિયાનં; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ. સેસપઞ્હાનં પાળિયા અત્થો નિય્યાતિ. કામતણ્હાતિઆદીહિ તીહિ કોટ્ઠાસેહિ છપિ તણ્હા સઙ્ખિપિત્વા દસ્સિતા. રૂપાદીસુ હિ છસુ આરમ્મણેસુ કામસ્સાદવસેન પવત્તા તણ્હા કામતણ્હા. ‘‘ભવિસ્સતિ અત્તા ચ લોકો ચા’’તિ સસ્સતદિટ્ઠિસહગતા તણ્હા ભવતણ્હા. ‘‘ન ભવિસ્સતી’’તિ ઉચ્છેદદિટ્ઠિસહગતા તણ્હા વિભવતણ્હાતિ. નનુ સા ધમ્મતણ્હાતિ પદં તણ્હાય ધમ્મારમ્મણં આરબ્ભ પવત્તિં દીપેતિ, ન અબ્યાકતભાવં તસ્મા અસાધકન્તિ.
676-680. Idāni dhammataṇhā abyākatātikathā nāma hoti. Tattha rūpataṇhā…pe… dhammataṇhāti imāsu chasu taṇhāsu yasmā sabbapacchimā taṇhā dhammataṇhāti vuttā, tasmā sā abyākatāti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Sesapañhānaṃ pāḷiyā attho niyyāti. Kāmataṇhātiādīhi tīhi koṭṭhāsehi chapi taṇhā saṅkhipitvā dassitā. Rūpādīsu hi chasu ārammaṇesu kāmassādavasena pavattā taṇhā kāmataṇhā. ‘‘Bhavissati attā ca loko cā’’ti sassatadiṭṭhisahagatā taṇhā bhavataṇhā. ‘‘Na bhavissatī’’ti ucchedadiṭṭhisahagatā taṇhā vibhavataṇhāti. Nanu sā dhammataṇhāti padaṃ taṇhāya dhammārammaṇaṃ ārabbha pavattiṃ dīpeti, na abyākatabhāvaṃ tasmā asādhakanti.
ધમ્મતણ્હા અબ્યાકતાતિકથાવણ્ણના.
Dhammataṇhā abyākatātikathāvaṇṇanā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૩૪) ૯. ધમ્મતણ્હા અબ્યાકતાતિકથા • (134) 9. Dhammataṇhā abyākatātikathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૯. ધમ્મતણ્હાઅબ્યાકતાતિકથાવણ્ણના • 9. Dhammataṇhāabyākatātikathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૯. ધમ્મતણ્હાઅબ્યાકતાતિકથાવણ્ણના • 9. Dhammataṇhāabyākatātikathāvaṇṇanā
