| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
426. தீ³பிஜாதகங் (10)
426. Dīpijātakaṃ (10)
88.
88.
க²மனீயங் யாபனீயங், கச்சி மாதுல தே ஸுக²ங்;
Khamanīyaṃ yāpanīyaṃ, kacci mātula te sukhaṃ;
89.
89.
ஸாஜ்ஜ மாதுலவாதே³ன, முஞ்சிதப்³பா³ நு மஞ்ஞஸி.
Sājja mātulavādena, muñcitabbā nu maññasi.
90.
90.
புரத்தா²முகோ² நிஸின்னோஸி, அஹங் தே முக²மாக³தா;
Puratthāmukho nisinnosi, ahaṃ te mukhamāgatā;
பச்ச²தோ துய்ஹங் நங்கு³ட்ட²ங், கத²ங் க்²வாஹங் அவக்கமிங் 9.
Pacchato tuyhaṃ naṅguṭṭhaṃ, kathaṃ khvāhaṃ avakkamiṃ 10.
91.
91.
யாவதா சதுரோ தீ³பா, ஸஸமுத்³தா³ ஸபப்³ப³தா;
Yāvatā caturo dīpā, sasamuddā sapabbatā;
தாவதா மய்ஹங் நங்கு³ட்ட²ங், கத²ங் கோ² த்வங் விவஜ்ஜயி.
Tāvatā mayhaṃ naṅguṭṭhaṃ, kathaṃ kho tvaṃ vivajjayi.
92.
92.
தீ³க⁴ங் து³ட்ட²ஸ்ஸ நங்கு³ட்ட²ங், ஸாம்ஹி வேஹாயஸாக³தா.
Dīghaṃ duṭṭhassa naṅguṭṭhaṃ, sāmhi vehāyasāgatā.
93.
93.
தஞ்ச தி³ஸ்வான ஆயந்திங், அந்தலிக்க²ஸ்மி ஏளிகே;
Tañca disvāna āyantiṃ, antalikkhasmi eḷike;
மிக³ஸங்கோ⁴ பலாயித்த², ப⁴க்கோ² மே நாஸிதோ தயா.
Migasaṅgho palāyittha, bhakkho me nāsito tayā.
94.
94.
இச்சேவங் விலபந்தியா, ஏளகியா ருஹக்³க⁴ஸோ;
Iccevaṃ vilapantiyā, eḷakiyā ruhagghaso;
க³லகங் அன்வாவமத்³தி³, நத்தி² து³ட்டே² ஸுபா⁴ஸிதங்.
Galakaṃ anvāvamaddi, natthi duṭṭhe subhāsitaṃ.
95.
95.
நேவ து³ட்டே² நயோ அத்தி², ந த⁴ம்மோ ந ஸுபா⁴ஸிதங்;
Neva duṭṭhe nayo atthi, na dhammo na subhāsitaṃ;
நிக்கமங் து³ட்டே² யுஞ்ஜேத², ஸோ ச ஸப்³பி⁴ங் ந ரஞ்ஜதீதி.
Nikkamaṃ duṭṭhe yuñjetha, so ca sabbhiṃ na rañjatīti.
தீ³பிஜாதகங் த³ஸமங்.
Dīpijātakaṃ dasamaṃ.
அட்ட²கனிபாதங் நிட்டி²தங்.
Aṭṭhakanipātaṃ niṭṭhitaṃ.
தஸ்ஸுத்³தா³னங் –
Tassuddānaṃ –
பரிஸுத்³தா⁴ மனாவிலா வத்த²த⁴ரா, ப³கராஜஸ்ஸ காயுரங் த³ண்ட³வரோ;
Parisuddhā manāvilā vatthadharā, bakarājassa kāyuraṃ daṇḍavaro;
அத² அங்கா³ர சேதிய தே³விலினா, அத² ஆதி³த்த க³ங்கா³ த³ஸேளகினாதி.
Atha aṅgāra cetiya devilinā, atha āditta gaṅgā daseḷakināti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [426] 10. தீ³பிஜாதகவண்ணனா • [426] 10. Dīpijātakavaṇṇanā
