| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. தி³ட்டி²ஸுத்தங்
2. Diṭṭhisuttaṃ
222. ‘‘சதூஹி, பி⁴க்க²வே, த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங்; ப³ஹுஞ்ச அபுஞ்ஞங் பஸவதி. கதமேஹி சதூஹி? காயது³ச்சரிதேன, வசீது³ச்சரிதேன, மனோது³ச்சரிதேன, மிச்சா²தி³ட்டி²யா – இமேஹி கோ², பி⁴க்க²வே, சதூஹி த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி.
222. ‘‘Catūhi, bhikkhave, dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ; bahuñca apuññaṃ pasavati. Katamehi catūhi? Kāyaduccaritena, vacīduccaritena, manoduccaritena, micchādiṭṭhiyā – imehi kho, bhikkhave, catūhi dhammehi samannāgato bālo abyatto asappuriso khataṃ upahataṃ attānaṃ pariharati, sāvajjo ca hoti sānuvajjo ca viññūnaṃ, bahuñca apuññaṃ pasavati.
‘‘சதூஹி, பி⁴க்க²வே, த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ விஞ்ஞூனங், ப³ஹுஞ்ச புஞ்ஞங் பஸவதி. கதமேஹி சதூஹி? காயஸுசரிதேன, வசீஸுசரிதேன, மனோஸுசரிதேன, ஸம்மாதி³ட்டி²யா – இமேஹி கோ², பி⁴க்க²வே, சதூஹி த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ விஞ்ஞூனங்; ப³ஹுஞ்ச புஞ்ஞங் பஸவதீ’’தி. து³தியங்.
‘‘Catūhi, bhikkhave, dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ, bahuñca puññaṃ pasavati. Katamehi catūhi? Kāyasucaritena, vacīsucaritena, manosucaritena, sammādiṭṭhiyā – imehi kho, bhikkhave, catūhi dhammehi samannāgato paṇḍito viyatto sappuriso akkhataṃ anupahataṃ attānaṃ pariharati, anavajjo ca hoti ananuvajjo viññūnaṃ; bahuñca puññaṃ pasavatī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / (23) 3. து³ச்சரிதவக்³க³வண்ணனா • (23) 3. Duccaritavaggavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / (23) 3. து³ச்சரிதவக்³க³வண்ணனா • (23) 3. Duccaritavaggavaṇṇanā
