| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. தோ³ணபாகஸுத்தவண்ணனா
3. Doṇapākasuttavaṇṇanā
124. ‘‘தோ³ணபாககுர’’ந்தி எத்த² விப⁴த்திலோபங் கத்வா நித்³தே³ஸோதி ஆஹ ‘‘தோ³ணபாகங் குர’’ந்தி. தோ³ணஸ்ஸாதி சதுன்னங் ஆள்ஹகானங், ஸோளஸனாளீனந்தி அத்தோ². தது³பியந்தி தத³னுரூபங், தஸ்ஸ வுத்தபரிமாணஸ்ஸ அனுச்ச²விகந்தி அத்தோ². புப்³பே³தி தங்தி³வஸதோ புரிமதரதி³வஸேஸு. ப³லவாதி மஹா. ப⁴த்தபரிளாஹோதி ப⁴த்தஸம்மத³ஹேதுகோ. அஸ்ஸ ரஞ்ஞோ உபோ⁴ஸு பஸ்ஸேஸு க³ஹிததாலவண்டா பீ³ஜந்தி யமகதாலவண்டேஹி. பா²ஸுவிஹாரந்தி போ⁴ஜனே மத்தஞ்ஞுதாய லத்³த⁴ப்³ப³ஸுக²விஹாரங். போ⁴ஜனமத்தஞ்ஞூ ஹி ஸுக²விஹாரோ ஹோதி. தேனாஹ ‘‘தனுகஸ்ஸ ப⁴வந்தி வேத³னா, ஸணிகங் ஜீரதி ஆயு பாலய’’ந்தி.
124. ‘‘Doṇapākakura’’nti ettha vibhattilopaṃ katvā niddesoti āha ‘‘doṇapākaṃ kura’’nti. Doṇassāti catunnaṃ āḷhakānaṃ, soḷasanāḷīnanti attho. Tadupiyanti tadanurūpaṃ, tassa vuttaparimāṇassa anucchavikanti attho. Pubbeti taṃdivasato purimataradivasesu. Balavāti mahā. Bhattapariḷāhoti bhattasammadahetuko. Assa rañño ubhosu passesu gahitatālavaṇṭā bījanti yamakatālavaṇṭehi. Phāsuvihāranti bhojane mattaññutāya laddhabbasukhavihāraṃ. Bhojanamattaññū hi sukhavihāro hoti. Tenāha ‘‘tanukassa bhavanti vedanā, saṇikaṃ jīrati āyu pālaya’’nti.
தனுகஸ்ஸாதி தனுகா அஸ்ஸ புக்³க³லஸ்ஸ, பு⁴த்தபச்சயா விஸபா⁴க³வேத³னா ந ஹொந்தீதி அத்தோ². ஸணிகந்தி மந்த³ங் முது³கங், அபரிஸ்ஸயமேவாதி அத்தோ². ஜீரதீதி பரிபு⁴த்தாஹாரோ பச்சதி. ஆயுபாலயந்தி நிரோதோ⁴ அவேத³னோ ஜீவிதங் ரக்க²ந்தோ. அத² வா ஸணிகங் ஜீரதீதி ஸோ போ⁴ஜனே மத்தஞ்ஞூ புக்³க³லோ பரிமிதாஹாரதாய ஸணிகங் சிரேன ஜீரதி ஜரங் பாபுணாதி ஜீவிதங் பாலெந்தோ.
Tanukassāti tanukā assa puggalassa, bhuttapaccayā visabhāgavedanā na hontīti attho. Saṇikanti mandaṃ mudukaṃ, aparissayamevāti attho. Jīratīti paribhuttāhāro paccati. Āyupālayanti nirodho avedano jīvitaṃ rakkhanto. Atha vā saṇikaṃ jīratīti so bhojane mattaññū puggalo parimitāhāratāya saṇikaṃ cirena jīrati jaraṃ pāpuṇāti jīvitaṃ pālento.
பரியாபுணித்வாதி எத்த² யதா² ஸப்³ப³ங் ஸோ பரியாபுணி, ததோ பரஞ்ச யதா² படிபஜ்ஜி, தங் த³ஸ்ஸேதுங் ‘‘ரஞ்ஞா ஸத்³தி⁴’’ந்திஆதி³ வுத்தங். தாவதகே தண்டு³லே ஹாரெய்யாஸி தது³பியஞ்ச ப்³யஞ்ஜனந்தி ஆனெத்வா ஸம்ப³ந்தோ⁴.
Pariyāpuṇitvāti ettha yathā sabbaṃ so pariyāpuṇi, tato parañca yathā paṭipajji, taṃ dassetuṃ ‘‘raññā saddhi’’ntiādi vuttaṃ. Tāvatake taṇḍule hāreyyāsi tadupiyañca byañjananti ānetvā sambandho.
புரிஸபா⁴கோ³ ஏஸாதி மஜ்ஜி²மேன புரிஸேன பு⁴ஞ்ஜிதப்³ப³பா⁴கோ³ ஏஸோ, யதி³த³ங் நாளிகோத³னமத்தங். ஸல்லிகி²தஸரீரதாதி ப⁴மங் ஆரோபெத்வா உல்லிகி²தஸ்ஸ விய ஸப்³ப³பரிளாஹவூபஸமஸ்ஸ புது²லதாபக³தஸரீரஸ்ஸ. ஸீலங் ஸம்பராயிகத்தோ²தி வுத்தங், குதோ பனெத்த² ஸீலந்தி ஆஹ ‘‘போ⁴ஜனே’’திஆதி³. ஸீலங்க³ங் நாம ஹோதீதி சதுபாரிஸுத்³தி⁴ஸீலஸ்ஸ அவயவோ ஏகோ பா⁴கோ³ ஹோதி.
Purisabhāgo esāti majjhimena purisena bhuñjitabbabhāgo eso, yadidaṃ nāḷikodanamattaṃ. Sallikhitasarīratāti bhamaṃ āropetvā ullikhitassa viya sabbapariḷāhavūpasamassa puthulatāpagatasarīrassa. Sīlaṃ samparāyikatthoti vuttaṃ, kuto panettha sīlanti āha ‘‘bhojane’’tiādi. Sīlaṅgaṃ nāma hotīti catupārisuddhisīlassa avayavo eko bhāgo hoti.
தோ³ணபாகஸுத்தவண்ணனா நிட்டி²தா.
Doṇapākasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. தோ³ணபாகஸுத்தங் • 3. Doṇapākasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. தோ³ணபாகஸுத்தவண்ணனா • 3. Doṇapākasuttavaṇṇanā
