| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. து³ச்சரிதஸுத்தங்
2. Duccaritasuttaṃ
108. ‘‘தயோமே, பி⁴க்க²வே, த⁴ம்மா. கதமே தயோ? காயது³ச்சரிதங், வசீது³ச்சரிதங், மனோது³ச்சரிதங். இமே கோ², பி⁴க்க²வே, தயோ த⁴ம்மா. இமேஸங் கோ², பி⁴க்க²வே, திண்ணங் த⁴ம்மானங் பஹானாய தயோ த⁴ம்மா பா⁴வேதப்³பா³. கதமே தயோ? காயது³ச்சரிதஸ்ஸ பஹானாய காயஸுசரிதங் பா⁴வேதப்³ப³ங், வசீது³ச்சரிதஸ்ஸ பஹானாய வசீஸுசரிதங் பா⁴வேதப்³ப³ங், மனோது³ச்சரிதஸ்ஸ பஹானாய மனோஸுசரிதங் பா⁴வேதப்³ப³ங். இமேஸங் கோ², பி⁴க்க²வே, திண்ணங் த⁴ம்மானங் பஹானாய இமே தயோ த⁴ம்மா பா⁴வேதப்³பா³’’தி. து³தியங்.
108. ‘‘Tayome, bhikkhave, dhammā. Katame tayo? Kāyaduccaritaṃ, vacīduccaritaṃ, manoduccaritaṃ. Ime kho, bhikkhave, tayo dhammā. Imesaṃ kho, bhikkhave, tiṇṇaṃ dhammānaṃ pahānāya tayo dhammā bhāvetabbā. Katame tayo? Kāyaduccaritassa pahānāya kāyasucaritaṃ bhāvetabbaṃ, vacīduccaritassa pahānāya vacīsucaritaṃ bhāvetabbaṃ, manoduccaritassa pahānāya manosucaritaṃ bhāvetabbaṃ. Imesaṃ kho, bhikkhave, tiṇṇaṃ dhammānaṃ pahānāya ime tayo dhammā bhāvetabbā’’ti. Dutiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-11. பாதுபா⁴வஸுத்தாதி³வண்ணனா • 1-11. Pātubhāvasuttādivaṇṇanā
