| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
5. து³ச்சரிதஸுத்தவண்ணனா
5. Duccaritasuttavaṇṇanā
64. பஞ்சமே து³ட்டு² சரிதானி, து³ட்டா²னி வா சரிதானி து³ச்சரிதானி. காயேன து³ச்சரிதங், காயதோ வா பவத்தங் து³ச்சரிதங் காயது³ச்சரிதங். ஸேஸேஸுபி ஏஸேவ நயோ . இமானி ச து³ச்சரிதானி பஞ்ஞத்தியா வா கதே²தப்³பா³னி கம்மபதே²ஹி வா. தத்த² பஞ்ஞத்தியா தாவ காயத்³வாரே பஞ்ஞத்தஸிக்கா²பத³ஸ்ஸ வீதிக்கமோ காயது³ச்சரிதங், வசீத்³வாரே பஞ்ஞத்தஸிக்கா²பத³ஸ்ஸ வீதிக்கமோ வசீது³ச்சரிதங், உப⁴யத்த² பஞ்ஞத்தஸ்ஸ வீதிக்கமோ மனோது³ச்சரிதந்தி அயங் பஞ்ஞத்திகதா². பாணாதிபாதாத³யோ பன திஸ்ஸோ சேதனா காயத்³வாரேபி, வசீத்³வாரேபி, உப்பன்னா காயது³ச்சரிதங், ததா² சதஸ்ஸோ முஸாவாதா³தி³சேதனா வசீது³ச்சரிதங், அபி⁴ஜ்ஜா², ப்³யாபாதோ³, மிச்சா²தி³ட்டீ²தி தயோ சேதனாஸம்பயுத்தத⁴ம்மா மனோது³ச்சரிதந்தி அயங் கம்மபத²கதா².
64. Pañcame duṭṭhu caritāni, duṭṭhāni vā caritāni duccaritāni. Kāyena duccaritaṃ, kāyato vā pavattaṃ duccaritaṃ kāyaduccaritaṃ. Sesesupi eseva nayo . Imāni ca duccaritāni paññattiyā vā kathetabbāni kammapathehi vā. Tattha paññattiyā tāva kāyadvāre paññattasikkhāpadassa vītikkamo kāyaduccaritaṃ, vacīdvāre paññattasikkhāpadassa vītikkamo vacīduccaritaṃ, ubhayattha paññattassa vītikkamo manoduccaritanti ayaṃ paññattikathā. Pāṇātipātādayo pana tisso cetanā kāyadvārepi, vacīdvārepi, uppannā kāyaduccaritaṃ, tathā catasso musāvādādicetanā vacīduccaritaṃ, abhijjhā, byāpādo, micchādiṭṭhīti tayo cetanāsampayuttadhammā manoduccaritanti ayaṃ kammapathakathā.
கா³தா²யங் கம்மபத²ப்பத்தோயேவ பாபத⁴ம்மோ காயது³ச்சரிதாதி³பா⁴வேன வுத்தோதி தத³ஞ்ஞங் பாபத⁴ம்மங் ஸங்க³ண்ஹிதுங் ‘‘யஞ்சஞ்ஞங் தோ³ஸஸஞ்ஹித’’ந்தி வுத்தங். தத்த² தோ³ஸஸஞ்ஹிதந்தி ராகா³தி³கிலேஸஸங்ஹிதங். ஸேஸங் ஸுவிஞ்ஞெய்யமேவ.
Gāthāyaṃ kammapathappattoyeva pāpadhammo kāyaduccaritādibhāvena vuttoti tadaññaṃ pāpadhammaṃ saṅgaṇhituṃ ‘‘yañcaññaṃ dosasañhita’’nti vuttaṃ. Tattha dosasañhitanti rāgādikilesasaṃhitaṃ. Sesaṃ suviññeyyameva.
பஞ்சமஸுத்தவண்ணனா நிட்டி²தா.
Pañcamasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 5. து³ச்சரிதஸுத்தங் • 5. Duccaritasuttaṃ
