| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. து³ச்சரிதஸுத்தவண்ணனா
7. Duccaritasuttavaṇṇanā
413. எத்தா²பி மனோஸுசரிதங் ஸீலங் நாமாதி த³ஸ்ஸேதீதி கத்வா வுத்தங் ‘‘பச்சி²மாபி தயோ’’தி. அனபி⁴ஜ்ஜா²அப்³யாபாத³ஸம்மாதி³ட்டி²த⁴ம்மா ஸீலங் ஹோதீதி வேதி³தப்³பா³ காயவசீஸுசரிதேஹி ஸத்³தி⁴ங் மனோஸுசரிதம்பி வத்வா ‘‘ததோ த்வங் பி⁴க்கு² ஸீலங் நிஸ்ஸாய ஸீலே பதிட்டா²யா’’தி வுத்தத்தா. ஸேஸங் வுத்தனயமேவ. ச²ட்ட²ஸத்தமேஸூதி ச²ட்ட²ஸத்தமவக்³கே³ஸு அபுப்³ப³ங் நத்தி². தேன வுத்தங் ‘‘ஹெட்டா² வுத்தனயேனேவ அத்தோ² வேதி³தப்³போ³’’தி. வக்³க³பெய்யாலதோ பன இமஸ்மிங் ஸதிபட்டா²னஸங்யுத்தே கதிபயவக்³கா³ ஸங்க³ஹங் ஆரூள்ஹா, ததா²பி தேஸங் அத்த²விஸேஸாபா⁴வதோ ஏகச்சேஸு பொத்த²கேஸு முக²மத்தங் த³ஸ்ஸெத்வா ஸங்கி²த்தா, ஏகச்சேஸு அதிஸங்கி²த்தாவ, தே ஸங்கே²பவஸேன த்³வே கத்வா ‘‘ச²ட்ட²ஸத்தமேஸூ’’தி வுத்தங்.
413. Etthāpi manosucaritaṃ sīlaṃ nāmāti dassetīti katvā vuttaṃ ‘‘pacchimāpi tayo’’ti. Anabhijjhāabyāpādasammādiṭṭhidhammā sīlaṃ hotīti veditabbā kāyavacīsucaritehi saddhiṃ manosucaritampi vatvā ‘‘tato tvaṃ bhikkhu sīlaṃ nissāya sīle patiṭṭhāyā’’ti vuttattā. Sesaṃ vuttanayameva. Chaṭṭhasattamesūti chaṭṭhasattamavaggesu apubbaṃ natthi. Tena vuttaṃ ‘‘heṭṭhā vuttanayeneva attho veditabbo’’ti. Vaggapeyyālato pana imasmiṃ satipaṭṭhānasaṃyutte katipayavaggā saṅgahaṃ ārūḷhā, tathāpi tesaṃ atthavisesābhāvato ekaccesu potthakesu mukhamattaṃ dassetvā saṃkhittā, ekaccesu atisaṃkhittāva, te saṅkhepavasena dve katvā ‘‘chaṭṭhasattamesū’’ti vuttaṃ.
அமதவக்³க³வண்ணனா நிட்டி²தா.
Amatavaggavaṇṇanā niṭṭhitā.
ஸதிபட்டா²னஸங்யுத்தவண்ணனா நிட்டி²தா.
Satipaṭṭhānasaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. து³ச்சரிதஸுத்தங் • 7. Duccaritasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. து³ச்சரிதஸுத்தவண்ணனா • 7. Duccaritasuttavaṇṇanā
