| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૭. દુચ્ચરિતસુત્તવણ્ણના
7. Duccaritasuttavaṇṇanā
૪૧૩. એત્થાપિ મનોસુચરિતં સીલં નામાતિ દસ્સેતીતિ કત્વા વુત્તં ‘‘પચ્છિમાપિ તયો’’તિ. અનભિજ્ઝાઅબ્યાપાદસમ્માદિટ્ઠિધમ્મા સીલં હોતીતિ વેદિતબ્બા કાયવચીસુચરિતેહિ સદ્ધિં મનોસુચરિતમ્પિ વત્વા ‘‘તતો ત્વં ભિક્ખુ સીલં નિસ્સાય સીલે પતિટ્ઠાયા’’તિ વુત્તત્તા. સેસં વુત્તનયમેવ. છટ્ઠસત્તમેસૂતિ છટ્ઠસત્તમવગ્ગેસુ અપુબ્બં નત્થિ. તેન વુત્તં ‘‘હેટ્ઠા વુત્તનયેનેવ અત્થો વેદિતબ્બો’’તિ. વગ્ગપેય્યાલતો પન ઇમસ્મિં સતિપટ્ઠાનસંયુત્તે કતિપયવગ્ગા સઙ્ગહં આરૂળ્હા, તથાપિ તેસં અત્થવિસેસાભાવતો એકચ્ચેસુ પોત્થકેસુ મુખમત્તં દસ્સેત્વા સંખિત્તા, એકચ્ચેસુ અતિસંખિત્તાવ, તે સઙ્ખેપવસેન દ્વે કત્વા ‘‘છટ્ઠસત્તમેસૂ’’તિ વુત્તં.
413. Etthāpi manosucaritaṃ sīlaṃ nāmāti dassetīti katvā vuttaṃ ‘‘pacchimāpi tayo’’ti. Anabhijjhāabyāpādasammādiṭṭhidhammā sīlaṃ hotīti veditabbā kāyavacīsucaritehi saddhiṃ manosucaritampi vatvā ‘‘tato tvaṃ bhikkhu sīlaṃ nissāya sīle patiṭṭhāyā’’ti vuttattā. Sesaṃ vuttanayameva. Chaṭṭhasattamesūti chaṭṭhasattamavaggesu apubbaṃ natthi. Tena vuttaṃ ‘‘heṭṭhā vuttanayeneva attho veditabbo’’ti. Vaggapeyyālato pana imasmiṃ satipaṭṭhānasaṃyutte katipayavaggā saṅgahaṃ ārūḷhā, tathāpi tesaṃ atthavisesābhāvato ekaccesu potthakesu mukhamattaṃ dassetvā saṃkhittā, ekaccesu atisaṃkhittāva, te saṅkhepavasena dve katvā ‘‘chaṭṭhasattamesū’’ti vuttaṃ.
અમતવગ્ગવણ્ણના નિટ્ઠિતા.
Amatavaggavaṇṇanā niṭṭhitā.
સતિપટ્ઠાનસંયુત્તવણ્ણના નિટ્ઠિતા.
Satipaṭṭhānasaṃyuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. દુચ્ચરિતસુત્તં • 7. Duccaritasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૭. દુચ્ચરિતસુત્તવણ્ણના • 7. Duccaritasuttavaṇṇanā
