| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૨. દુકનિદ્દેસવણ્ણના
2. Dukaniddesavaṇṇanā
૬૩. કસ્સચિ કિલેસસ્સ અવિક્ખમ્ભિતત્તા કસ્સચિ કથઞ્ચિ અવિમુત્તો કામભવો અજ્ઝત્તગ્ગહણસ્સ વિસેસપચ્ચયોતિ અજ્ઝત્તં નામ. તત્થ બન્ધનં અજ્ઝત્તસંયોજનં, તેન સમ્પયુત્તો અજ્ઝત્તસંયોજનો.
63. Kassaci kilesassa avikkhambhitattā kassaci kathañci avimutto kāmabhavo ajjhattaggahaṇassa visesapaccayoti ajjhattaṃ nāma. Tattha bandhanaṃ ajjhattasaṃyojanaṃ, tena sampayutto ajjhattasaṃyojano.
૮૩. કારણેન વિના પવત્તહિતચિત્તો અકારણવચ્છલો. અનાગતમ્પિ પયોજનં અપેક્ખમાનો પુરિમગ્ગહિતં તં કતં ઉપાદાય કતઞ્ઞૂ એવ નામ હોતિ, ન પુબ્બકારીતિ આહ ‘‘કરિસ્સતિ મે’’તિઆદિ. તમોજોતિપરાયણો પુઞ્ઞફલં અનુપજીવન્તો એવ પુઞ્ઞાનિ કરોતીતિ ‘‘પુબ્બકારી’’તિ વુત્તો. ‘‘ઇણં દેમી’’તિ સઞ્ઞં કરોતીતિ એવંસઞ્ઞં અકરોન્તોપિ કરોન્તો વિય હોતીતિ અત્થો.
83. Kāraṇena vinā pavattahitacitto akāraṇavacchalo. Anāgatampi payojanaṃ apekkhamāno purimaggahitaṃ taṃ kataṃ upādāya kataññū eva nāma hoti, na pubbakārīti āha ‘‘karissati me’’tiādi. Tamojotiparāyaṇo puññaphalaṃ anupajīvanto eva puññāni karotīti ‘‘pubbakārī’’ti vutto. ‘‘Iṇaṃ demī’’ti saññaṃ karotīti evaṃsaññaṃ akarontopi karonto viya hotīti attho.
૮૬. અચ્છમંસં લભિત્વા સૂકરમંસન્તિ ન કુક્કુચ્ચાયતીતિ અચ્છમંસન્તિ જાનન્તોપિ સૂકરમંસન્તિ ન કુક્કુચ્ચાયતિ, મદ્દિત્વા વીતિક્કમતીતિ વુત્તં હોતિ.
86. Acchamaṃsaṃlabhitvā sūkaramaṃsanti na kukkuccāyatīti acchamaṃsanti jānantopi sūkaramaṃsanti na kukkuccāyati, madditvā vītikkamatīti vuttaṃ hoti.
૯૦. તિત્તોતિ નિટ્ઠિતકિચ્ચતાય નિરુસ્સુક્કો.
90. Tittoti niṭṭhitakiccatāya nirussukko.
દુકનિદ્દેસવણ્ણના નિટ્ઠિતા.
Dukaniddesavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / પુગ્ગલપઞ્ઞત્તિપાળિ • Puggalapaññattipāḷi / ૨. દુકપુગ્ગલપઞ્ઞત્તિ • 2. Dukapuggalapaññatti
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૨. દુકનિદ્દેસવણ્ણના • 2. Dukaniddesavaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૨. દુકનિદ્દેસવણ્ણના • 2. Dukaniddesavaṇṇanā
