| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. து³க்கரஸுத்தவண்ணனா
7. Dukkarasuttavaṇṇanā
17. து³க்க²ங் திதிக்க²ந்தி து³த்திதிக்க²ங். தஞ்ச து³க்க²மங் து³ஸ்ஸஹனங் ஆரம்ப⁴வஸேன து³க்கரங், அனுயுஞ்ஜனவஸேன து³த்திதிக்க²ந்தி. அப்³யத்தேனாதி ஸாமஞ்ஞஸ்ஸ உபகாரானுபகாரே த⁴ம்மே ஜானநஸமத்தா²ய வெய்யத்தியஸங்கா²தாய பஞ்ஞாய அபா⁴வதோ ந ப்³யத்தேன. தேனாஹ ‘‘பா³லேனா’’தி. யஸ்மிங் த⁴ம்மே ஸதி ஸமணோதி வுச்சதி, தங் ஸாமஞ்ஞந்தி ஆஹ ‘‘ஸமணத⁴ம்மோ’’தி. இமினாதி ‘‘து³க்கரங் து³த்திதிக்க²ஞ்ச, அப்³யத்தேன ச ஸாமஞ்ஞ’’ந்தி இமினா கா³த²த்³தே⁴ன இத³ங் த³ஸ்ஸேதீதி இத³ங் இதா³னி வுச்சமானங் அத்த²ஜாதங் த³ஸ்ஸேதி. அபி⁴த³ந்தந்தி அபி⁴ப⁴வனத³ந்தங், உபரித³ந்தந்தி அத்தோ². ஸோ ஹி இதரங் முஸலங் விய உது³க்க²லங் விஸேஸதோ கஸ்ஸசி கா²த³னகாலே அபி⁴பு⁴ய்ய வத்ததி. ஆதா⁴யாதி நிப்பீளனவஸேனேவ ட²பெத்வா. தாலுங் ஆஹச்சாதி தாலுபதே³ஸமாஹனித்வா விய. சேதஸாதி குஸலசித்தேன. சித்தந்தி அகுஸலசித்தங். அபி⁴னிக்³க³ண்ஹித்வாதி யதா² அதிஸமுதா³சாரோ ந ஹோதி, ஏவங் விபா³த⁴னவஸேன நிக்³க³ஹெத்வா. ஆபாணகோடிகந்தி பாணகோடிபரியோஸானங், பரிஜீவந்தி அத்தோ². ஸம்பா³தே⁴தீதி ஸம்பா³தோ⁴, அந்தராயிகோ. ப³ஹூ பரிஸ்ஸயாதி அயோனிஸோ காமவிதக்காதி³வஸேன.
17. Dukkhaṃ titikkhanti duttitikkhaṃ. Tañca dukkhamaṃ dussahanaṃ ārambhavasena dukkaraṃ, anuyuñjanavasena duttitikkhanti. Abyattenāti sāmaññassa upakārānupakāre dhamme jānanasamatthāya veyyattiyasaṅkhātāya paññāya abhāvato na byattena. Tenāha ‘‘bālenā’’ti. Yasmiṃ dhamme sati samaṇoti vuccati, taṃ sāmaññanti āha ‘‘samaṇadhammo’’ti. Imināti ‘‘dukkaraṃ duttitikkhañca, abyattena ca sāmañña’’nti iminā gāthaddhena idaṃ dassetīti idaṃ idāni vuccamānaṃ atthajātaṃ dasseti. Abhidantanti abhibhavanadantaṃ, uparidantanti attho. So hi itaraṃ musalaṃ viya udukkhalaṃ visesato kassaci khādanakāle abhibhuyya vattati. Ādhāyāti nippīḷanavaseneva ṭhapetvā. Tāluṃ āhaccāti tālupadesamāhanitvā viya. Cetasāti kusalacittena. Cittanti akusalacittaṃ. Abhiniggaṇhitvāti yathā atisamudācāro na hoti, evaṃ vibādhanavasena niggahetvā. Āpāṇakoṭikanti pāṇakoṭipariyosānaṃ, parijīvanti attho. Sambādhetīti sambādho, antarāyiko. Bahū parissayāti ayoniso kāmavitakkādivasena.
பஜ்ஜதி சித்தமெத்தா²தி பத³ங், ஆரம்மணங். இரியாபத²ங் ஏவ பத³ங் இரியாபத²பத³ங்.
Pajjati cittametthāti padaṃ, ārammaṇaṃ. Iriyāpathaṃ eva padaṃ iriyāpathapadaṃ.
கீ³வா சத்தாரோ பாதா³தி கீ³வபஞ்சமானி. ஸமோத³ஹந்தி வா ஸமோதா⁴னஹேதூதி அயமெத்த² அத்தோ²தி ஆஹ – ‘‘ஸமோத³ஹித்வா வா’’தி, ஸம்மா ஓதா⁴ய அந்தோ பவேஸெத்வாதி அத்தோ². ஸகே ஆரம்மணகபாலேதி கோ³சரஜ்ஜ²த்தங் வத³தி. ஸமோத³ஹந்தி ஸமோத³ஹந்தோ. அனிஸ்ஸிதோதி தேபூ⁴மகத⁴ம்மேஸு கஞ்சிபி த⁴ம்மங் தண்ஹாதி³ட்டா²பி⁴னிவேஸவஸேன அனிஸ்ஸிதோ. அவிஹிங்ஸமானோ விஹிங்ஸானிமித்தானங் பஜஹனேன. உல்லும்பனஸபா⁴வஸண்டி²தேனாதி ஸீலப்³யஸனதோ உத்³த⁴ரணரூபே ஸண்டி²தேன, கருணாயுத்தேனாதி அத்தோ². தேனாஹ ‘‘காருஞ்ஞதங் படிச்சா’’தி.
Gīvā cattāro pādāti gīvapañcamāni. Samodahanti vā samodhānahetūti ayamettha atthoti āha – ‘‘samodahitvā vā’’ti, sammā odhāya anto pavesetvāti attho. Sake ārammaṇakapāleti gocarajjhattaṃ vadati. Samodahanti samodahanto. Anissitoti tebhūmakadhammesu kañcipi dhammaṃ taṇhādiṭṭhābhinivesavasena anissito. Avihiṃsamāno vihiṃsānimittānaṃ pajahanena. Ullumpanasabhāvasaṇṭhitenāti sīlabyasanato uddharaṇarūpe saṇṭhitena, karuṇāyuttenāti attho. Tenāha ‘‘kāruññataṃ paṭiccā’’ti.
து³க்கரஸுத்தவண்ணனா நிட்டி²தா.
Dukkarasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. து³க்கரஸுத்தங் • 7. Dukkarasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. து³க்கரஸுத்தவண்ணனா • 7. Dukkarasuttavaṇṇanā
