| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૩. દુક્ખનિબ્બાનસપ્પાયસુત્તં
3. Dukkhanibbānasappāyasuttaṃ
૧૪૮. ‘‘નિબ્બાનસપ્પાયં વો, ભિક્ખવે, પટિપદં દેસેસ્સામિ. તં સુણાથ…પે॰… કતમા ચ સા, ભિક્ખવે, નિબ્બાનસપ્પાયા પટિપદા? ઇધ, ભિક્ખવે, ચક્ખું દુક્ખન્તિ પસ્સતિ, રૂપા દુક્ખાતિ પસ્સતિ, ચક્ખુવિઞ્ઞાણં દુક્ખન્તિ પસ્સતિ, ચક્ખુસમ્ફસ્સો દુક્ખોતિ પસ્સતિ, યમ્પિદં ચક્ખુસમ્ફસ્સપચ્ચયા ઉપ્પજ્જતિ વેદયિતં સુખં વા દુક્ખં વા અદુક્ખમસુખં વા તમ્પિ દુક્ખન્તિ પસ્સતિ…પે॰… જિવ્હા દુક્ખાતિ પસ્સતિ…પે॰… મનો દુક્ખોતિ પસ્સતિ, ધમ્મા દુક્ખાતિ પસ્સતિ, મનોવિઞ્ઞાણં દુક્ખન્તિ પસ્સતિ, મનોસમ્ફસ્સો દુક્ખોતિ પસ્સતિ, યમ્પિદં મનોસમ્ફસ્સપચ્ચયા ઉપ્પજ્જતિ વેદયિતં સુખં વા દુક્ખં વા અદુક્ખમસુખં વા તમ્પિ દુક્ખન્તિ પસ્સતિ. અયં ખો સા, ભિક્ખવે, નિબ્બાનસપ્પાયા પટિપદા’’તિ. તતિયં.
148. ‘‘Nibbānasappāyaṃ vo, bhikkhave, paṭipadaṃ desessāmi. Taṃ suṇātha…pe… katamā ca sā, bhikkhave, nibbānasappāyā paṭipadā? Idha, bhikkhave, cakkhuṃ dukkhanti passati, rūpā dukkhāti passati, cakkhuviññāṇaṃ dukkhanti passati, cakkhusamphasso dukkhoti passati, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhanti passati…pe… jivhā dukkhāti passati…pe… mano dukkhoti passati, dhammā dukkhāti passati, manoviññāṇaṃ dukkhanti passati, manosamphasso dukkhoti passati, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi dukkhanti passati. Ayaṃ kho sā, bhikkhave, nibbānasappāyā paṭipadā’’ti. Tatiyaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨-૫. અનિચ્ચનિબ્બાનસપ્પાયસુત્તાદિવણ્ણના • 2-5. Aniccanibbānasappāyasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨-૫. અનિચ્ચનિબ્બાનસપ્પાયસુત્તાદિવણ્ણના • 2-5. Aniccanibbānasappāyasuttādivaṇṇanā
