| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. து³க்க²ஸுத்தங்
3. Dukkhasuttaṃ
3. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² தி³ட்டே²வ த⁴ம்மே து³க்க²ங் விஹரதி ஸவிகா⁴தங் ஸஉபாயாஸங் ஸபரிளாஹங், காயஸ்ஸ ச பே⁴தா³ பரங் மரணா து³க்³க³தி பாடிகங்கா². கதமேஹி பஞ்சஹி? இத⁴, பி⁴க்க²வே, பி⁴க்கு² அஸ்ஸத்³தோ⁴ ஹோதி, அஹிரிகோ ஹோதி, அனொத்தப்பீ ஹோதி, குஸீதோ ஹோதி, து³ப்பஞ்ஞோ ஹோதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² தி³ட்டே²வ த⁴ம்மே து³க்க²ங் விஹரதி ஸவிகா⁴தங் ஸஉபாயாஸங் ஸபரிளாஹங், காயஸ்ஸ ச பே⁴தா³ பரங் மரணா து³க்³க³தி பாடிகங்கா².
3. ‘‘Pañcahi, bhikkhave, dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃ sapariḷāhaṃ, kāyassa ca bhedā paraṃ maraṇā duggati pāṭikaṅkhā. Katamehi pañcahi? Idha, bhikkhave, bhikkhu assaddho hoti, ahiriko hoti, anottappī hoti, kusīto hoti, duppañño hoti. Imehi kho, bhikkhave, pañcahi dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃ sapariḷāhaṃ, kāyassa ca bhedā paraṃ maraṇā duggati pāṭikaṅkhā.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² தி³ட்டே²வ த⁴ம்மே ஸுக²ங் விஹரதி அவிகா⁴தங் அனுபாயாஸங் அபரிளாஹங், காயஸ்ஸ ச பே⁴தா³ பரங் மரணா ஸுக³தி பாடிகங்கா². கதமேஹி பஞ்சஹி? இத⁴, பி⁴க்க²வே, பி⁴க்கு² ஸத்³தோ⁴ ஹோதி, ஹிரீமா ஹோதி, ஒத்தப்பீ ஹோதி, ஆரத்³த⁴வீரியோ ஹோதி, பஞ்ஞவா ஹோதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² தி³ட்டே²வ த⁴ம்மே ஸுக²ங் விஹரதி அவிகா⁴தங் அனுபாயாஸங் அபரிளாஹங், காயஸ்ஸ ச பே⁴தா³ பரங் மரணா ஸுக³தி பாடிகங்கா²’’தி. ததியங்.
‘‘Pañcahi, bhikkhave, dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ, kāyassa ca bhedā paraṃ maraṇā sugati pāṭikaṅkhā. Katamehi pañcahi? Idha, bhikkhave, bhikkhu saddho hoti, hirīmā hoti, ottappī hoti, āraddhavīriyo hoti, paññavā hoti. Imehi kho, bhikkhave, pañcahi dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ, kāyassa ca bhedā paraṃ maraṇā sugati pāṭikaṅkhā’’ti. Tatiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. மஹாஸுபினஸுத்தவண்ணனா • 6. Mahāsupinasuttavaṇṇanā
