| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. து³தியஅகா³ரவஸுத்தங்
2. Dutiyaagāravasuttaṃ
22. ‘‘ஸோ வத, பி⁴க்க²வே, பி⁴க்கு² அகா³ரவோ அப்பதிஸ்ஸோ அஸபா⁴க³வுத்திகோ ‘ஸப்³ரஹ்மசாரீஸு ஆபி⁴ஸமாசாரிகங் த⁴ம்மங் பரிபூரெஸ்ஸதீ’தி நேதங் டா²னங் விஜ்ஜதி. ‘ஆபி⁴ஸமாசாரிகங் த⁴ம்மங் அபரிபூரெத்வா ஸேக²ங் த⁴ம்மங் பரிபூரெஸ்ஸதீ’தி நேதங் டா²னங் விஜ்ஜதி. ‘ஸேக²ங் த⁴ம்மங் அபரிபூரெத்வா ஸீலக்க²ந்த⁴ங் பரிபூரெஸ்ஸதீ’தி நேதங் டா²னங் விஜ்ஜதி. ‘ஸீலக்க²ந்த⁴ங் அபரிபூரெத்வா ஸமாதி⁴க்க²ந்த⁴ங் பரிபூரெஸ்ஸதீ’தி நேதங் டா²னங் விஜ்ஜதி. ‘ஸமாதி⁴க்க²ந்த⁴ங் அபரிபூரெத்வா பஞ்ஞாக்க²ந்த⁴ங் பரிபூரெஸ்ஸதீ’தி நேதங் டா²னங் விஜ்ஜதி.
22. ‘‘So vata, bhikkhave, bhikkhu agāravo appatisso asabhāgavuttiko ‘sabrahmacārīsu ābhisamācārikaṃ dhammaṃ paripūressatī’ti netaṃ ṭhānaṃ vijjati. ‘Ābhisamācārikaṃ dhammaṃ aparipūretvā sekhaṃ dhammaṃ paripūressatī’ti netaṃ ṭhānaṃ vijjati. ‘Sekhaṃ dhammaṃ aparipūretvā sīlakkhandhaṃ paripūressatī’ti netaṃ ṭhānaṃ vijjati. ‘Sīlakkhandhaṃ aparipūretvā samādhikkhandhaṃ paripūressatī’ti netaṃ ṭhānaṃ vijjati. ‘Samādhikkhandhaṃ aparipūretvā paññākkhandhaṃ paripūressatī’ti netaṃ ṭhānaṃ vijjati.
‘‘ஸோ வத, பி⁴க்க²வே, பி⁴க்கு² ஸகா³ரவோ ஸப்பதிஸ்ஸோ ஸபா⁴க³வுத்திகோ ‘ஸப்³ரஹ்மசாரீஸு ஆபி⁴ஸமாசாரிகங் த⁴ம்மங் பரிபூரெஸ்ஸதீ’தி டா²னமேதங் விஜ்ஜதி. ‘ஆபி⁴ஸமாசாரிகங் த⁴ம்மங் பரிபூரெத்வா ஸேக²ங் த⁴ம்மங் பரிபூரெஸ்ஸதீ’தி டா²னமேதங் விஜ்ஜதி. ஸேக²ங் த⁴ம்மங் பரிபூரெத்வா ஸீலக்க²ந்த⁴ங் பரிபூரெஸ்ஸதீ’தி டா²னமேதங் விஜ்ஜதி. ‘ஸீலக்க²ந்த⁴ங் பரிபூரெத்வா ஸமாதி⁴க்க²ந்த⁴ங் பரிபூரெஸ்ஸதீ’தி டா²னமேதங் விஜ்ஜதி. ‘ஸமாதி⁴க்க²ந்த⁴ங் பரிபூரெத்வா பஞ்ஞாக்க²ந்த⁴ங் பரிபூரெஸ்ஸதீ’தி டா²னமேதங் விஜ்ஜதீ’’தி. து³தியங்.
‘‘So vata, bhikkhave, bhikkhu sagāravo sappatisso sabhāgavuttiko ‘sabrahmacārīsu ābhisamācārikaṃ dhammaṃ paripūressatī’ti ṭhānametaṃ vijjati. ‘Ābhisamācārikaṃ dhammaṃ paripūretvā sekhaṃ dhammaṃ paripūressatī’ti ṭhānametaṃ vijjati. Sekhaṃ dhammaṃ paripūretvā sīlakkhandhaṃ paripūressatī’ti ṭhānametaṃ vijjati. ‘Sīlakkhandhaṃ paripūretvā samādhikkhandhaṃ paripūressatī’ti ṭhānametaṃ vijjati. ‘Samādhikkhandhaṃ paripūretvā paññākkhandhaṃ paripūressatī’ti ṭhānametaṃ vijjatī’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2. து³தியஅகா³ரவஸுத்தவண்ணனா • 2. Dutiyaagāravasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-2. பட²மஅகா³ரவஸுத்தாதி³வண்ணனா • 1-2. Paṭhamaagāravasuttādivaṇṇanā
