| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. து³தியஆஹுனெய்யஸுத்தங்
8. Dutiyaāhuneyyasuttaṃ
58. ‘‘அட்ட²ஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² ஆஹுனெய்யோ ஹோதி…பே॰… அனுத்தரங் புஞ்ஞக்கெ²த்தங் லோகஸ்ஸ. கதமேஹி அட்ட²ஹி? இத⁴, பி⁴க்க²வே, பி⁴க்கு² ஸீலவா ஹோதி …பே॰… ஸமாதா³ய ஸிக்க²தி ஸிக்கா²பதே³ஸு; ப³ஹுஸ்ஸுதோ ஹோதி…பே॰… தி³ட்டி²யா ஸுப்படிவித்³தா⁴; ஆரத்³த⁴வீரியோ விஹரதி தா²மவா த³ள்ஹபரக்கமோ அனிக்கி²த்தது⁴ரோ குஸலேஸு த⁴ம்மேஸு; ஆரஞ்ஞிகோ ஹோதி பந்தஸேனாஸனோ; அரதிரதிஸஹோ ஹோதி, உப்பன்னங் அரதிங் அபி⁴பு⁴ய்ய அபி⁴பு⁴ய்ய விஹரதி; ப⁴யபே⁴ரவஸஹோ ஹோதி, உப்பன்னங் ப⁴யபே⁴ரவங் அபி⁴பு⁴ய்ய அபி⁴பு⁴ய்ய விஹரதி ; சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴; ஆஸவானங் க²யா…பே॰… ஸச்சி²கத்வா உபஸம்பஜ்ஜ விஹரதி. இமேஹி கோ², பி⁴க்க²வே, அட்ட²ஹி த⁴ம்மேஹி ஸமன்னாக³தோ பி⁴க்கு² ஆஹுனெய்யோ…பே॰… அனுத்தரங் புஞ்ஞக்கெ²த்தங் லோகஸ்ஸா’’தி. அட்ட²மங்.
58. ‘‘Aṭṭhahi, bhikkhave, dhammehi samannāgato bhikkhu āhuneyyo hoti…pe… anuttaraṃ puññakkhettaṃ lokassa. Katamehi aṭṭhahi? Idha, bhikkhave, bhikkhu sīlavā hoti …pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; āraddhavīriyo viharati thāmavā daḷhaparakkamo anikkhittadhuro kusalesu dhammesu; āraññiko hoti pantasenāsano; aratiratisaho hoti, uppannaṃ aratiṃ abhibhuyya abhibhuyya viharati; bhayabheravasaho hoti, uppannaṃ bhayabheravaṃ abhibhuyya abhibhuyya viharati ; catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī; āsavānaṃ khayā…pe… sacchikatvā upasampajja viharati. Imehi kho, bhikkhave, aṭṭhahi dhammehi samannāgato bhikkhu āhuneyyo…pe… anuttaraṃ puññakkhettaṃ lokassā’’ti. Aṭṭhamaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6-8. ப⁴யஸுத்தாதி³வண்ணனா • 6-8. Bhayasuttādivaṇṇanā
