| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. து³தியஅக்க²ந்திஸுத்தங்
6. Dutiyaakkhantisuttaṃ
216. ‘‘பஞ்சிமே , பி⁴க்க²வே, ஆதீ³னவா அக்க²ந்தியா. கதமே பஞ்ச? ப³ஹுனோ ஜனஸ்ஸ அப்பியோ ஹோதி அமனாபோ, லுத்³தோ³ ச ஹோதி, விப்படிஸாரீ ச, ஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபஜ்ஜதி. இமே கோ², பி⁴க்க²வே, பஞ்ச ஆதீ³னவா அக்க²ந்தியா.
216. ‘‘Pañcime , bhikkhave, ādīnavā akkhantiyā. Katame pañca? Bahuno janassa appiyo hoti amanāpo, luddo ca hoti, vippaṭisārī ca, sammūḷho kālaṃ karoti, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Ime kho, bhikkhave, pañca ādīnavā akkhantiyā.
‘‘பஞ்சிமே, பி⁴க்க²வே, ஆனிஸங்ஸா க²ந்தியா. கதமே பஞ்ச? ப³ஹுனோ ஜனஸ்ஸ பியோ ஹோதி மனாபோ, அலுத்³தோ³ ச ஹோதி, அவிப்படிஸாரீ ச, அஸம்மூள்ஹோ காலங் கரோதி, காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜதி. இமே கோ², பி⁴க்க²வே, பஞ்ச ஆனிஸங்ஸா க²ந்தியா’’தி. ச²ட்ட²ங்.
‘‘Pañcime, bhikkhave, ānisaṃsā khantiyā. Katame pañca? Bahuno janassa piyo hoti manāpo, aluddo ca hoti, avippaṭisārī ca, asammūḷho kālaṃ karoti, kāyassa bhedā paraṃ maraṇā sugatiṃ saggaṃ lokaṃ upapajjati. Ime kho, bhikkhave, pañca ānisaṃsā khantiyā’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 6. து³தியஅக்க²ந்திஸுத்தவண்ணனா • 6. Dutiyaakkhantisuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3-10. ஸீலஸுத்தாதி³வண்ணனா • 3-10. Sīlasuttādivaṇṇanā
