| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. து³தியஅனிச்சஸுத்தவண்ணனா
4. Dutiyaaniccasuttavaṇṇanā
46. புப்³ப³ந்தங் அதீதக²ந்த⁴கொட்டா²ஸங். அனுக³தாதி ஸஸ்ஸதாதீ³னி கப்பெத்வா க³ஹணவஸேன அனுக³தா. அட்டா²ரஸ தி³ட்டி²யோதி சதஸ்ஸோ ஸஸ்ஸததி³ட்டி²யோ, சதஸ்ஸோ ஏகச்சஸஸ்ஸததி³ட்டி²யோ, சதஸ்ஸோ அந்தானந்திகதி³ட்டி²யோ, சதஸ்ஸோ அமராவிக்கே²பதி³ட்டி²யோ, த்³வே அதி⁴ச்சஸமுப்பன்னதி³ட்டி²யோதி ஏவங் அட்டா²ரஸ தி³ட்டி²யோ ந ஹொந்தி பச்சயகா⁴தேன. அபரந்தந்தி அனாக³தங் க²ந்த⁴கொட்டா²ஸங் ஸஸ்ஸதாதி³பா⁴வங் கப்பெத்வா க³ஹணவஸேன அனுக³தா. ஸோளஸ ஸஞ்ஞீவாதா³, அட்ட² அஸஞ்ஞீவாதா³, அட்ட² நேவஸஞ்ஞீனாஸஞ்ஞீவாதா³, ஸத்த உச்சே²த³வாதா³, பஞ்ச பரமதி³ட்ட²த⁴ம்மனிப்³பா³னவாதா³தி ஏவங் சதுசத்தாலீஸ தி³ட்டி²யோ ந ஹொந்தி பச்சயகா⁴தேன. ஸஸ்ஸததி³ட்டி²தா²மஸோ சேவ ஸீலப்³ப³ததி³ட்டி²பராமாஸோ ச ந ஹோதி பச்சயகா⁴தேன. தேனாஹ ‘‘எத்தாவதா பட²மமக்³கோ³ த³ஸ்ஸிதோ’’தி அனவஸேஸதி³ட்டி²பஹானகித்தனதோ. பஹீனா விக்க²ம்பி⁴தா. இத³ங் பனாதி ‘‘ரூபஸ்மி’’ந்திஆதி³.
46.Pubbantaṃ atītakhandhakoṭṭhāsaṃ. Anugatāti sassatādīni kappetvā gahaṇavasena anugatā. Aṭṭhārasa diṭṭhiyoti catasso sassatadiṭṭhiyo, catasso ekaccasassatadiṭṭhiyo, catasso antānantikadiṭṭhiyo, catasso amarāvikkhepadiṭṭhiyo, dve adhiccasamuppannadiṭṭhiyoti evaṃ aṭṭhārasa diṭṭhiyo na honti paccayaghātena. Aparantanti anāgataṃ khandhakoṭṭhāsaṃ sassatādibhāvaṃ kappetvā gahaṇavasena anugatā. Soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca paramadiṭṭhadhammanibbānavādāti evaṃ catucattālīsa diṭṭhiyo na honti paccayaghātena. Sassatadiṭṭhithāmaso ceva sīlabbatadiṭṭhiparāmāso ca na hoti paccayaghātena. Tenāha ‘‘ettāvatā paṭhamamaggo dassito’’ti anavasesadiṭṭhipahānakittanato. Pahīnā vikkhambhitā. Idaṃ panāti ‘‘rūpasmi’’ntiādi.
து³தியஅனிச்சஸுத்தவண்ணனா நிட்டி²தா.
Dutiyaaniccasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. து³தியஅனிச்சஸுத்தங் • 4. Dutiyaaniccasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. து³தியஅனிச்சஸுத்தவண்ணனா • 4. Dutiyaaniccasuttavaṇṇanā
