दुतियअञ्ञतरभिक्खुसुत्त

Dutiyaaññatarabhikkhusutta

A Bhikkhu (2nd)

सावत्थिनिदानं।

Sāvatthinidānaṁ.

At Sāvatthī.

अथ खो अञ्ञतरो भिक्खु येन भगवा …पे… एकमन्तं निसिन्नो खो सो भिक्खु भगवन्तं एतदवोच: “साधु मे, भन्ते, भगवा सङ्खित्तेन धम्मं देसेतु यमहं भगवतो धम्मं सुत्वा एको वूपकट्ठो अप्पमत्तो आतापी पहितत्तो विहरेय्यन्”ति।

Atha kho aññataro bhikkhu yena bhagavā …pe… ekamantaṁ nisinno kho so bhikkhu bhagavantaṁ etadavoca: “sādhu me, bhante, bhagavā saṅkhittena dhammaṁ desetu yamahaṁ bhagavato dhammaṁ sutvā eko vūpakaṭṭho appamatto ātāpī pahitatto vihareyyan”ti.

Then a bhikkhu went up to the Buddha … and asked him, “Sir, may the Buddha please teach me Dhamma in brief. When I’ve heard it, I’ll live alone, withdrawn, diligent, keen, and resolute.”

“यं खो, भिक्खु, अनुसेति तं अनुमीयति; यं अनुमीयति तेन सङ्खं गच्छति। यं नानुसेति न तं अनुमीयति; यं नानुमीयति न तेन सङ्खं गच्छती”ति।

“Yaṁ kho, bhikkhu, anuseti taṁ anumīyati; yaṁ anumīyati tena saṅkhaṁ gacchati. Yaṁ nānuseti na taṁ anumīyati; yaṁ nānumīyati na tena saṅkhaṁ gacchatī”ti.

“Bhikkhu, you’re measured against what you have an underlying tendency for, and you’re defined by what you’re measured against. You’re not measured against what you have no underlying tendency for, and you’re not defined by what you’re not measured against.”

“अञ्ञातं, भगवा, अञ्ञातं, सुगता”ति।

“Aññātaṁ, bhagavā, aññātaṁ, sugatā”ti.

“Understood, Blessed One! Understood, Holy One!”

“यथा कथं पन त्वं, भिक्खु, मया सङ्खित्तेन भासितस्स वित्थारेन अत्थं आजानासी”ति?

“Yathā kathaṁ pana tvaṁ, bhikkhu, mayā saṅkhittena bhāsitassa vitthārena atthaṁ ājānāsī”ti?

“But how do you see the detailed meaning of my brief statement?”

“रूपञ्चे, भन्ते, अनुसेति तं अनुमीयति; यं अनुमीयति तेन सङ्खं गच्छति। वेदनञ्चे अनुसेति … सञ्ञञ्चे अनुसेति … सङ्खारे चे अनुसेति … विञ्ञाणञ्चे अनुसेति तं अनुमीयति; यं अनुमीयति तेन सङ्खं गच्छति।

“Rūpañce, bhante, anuseti taṁ anumīyati; yaṁ anumīyati tena saṅkhaṁ gacchati. Vedanañce anuseti … saññañce anuseti … saṅkhāre ce anuseti … viññāṇañce anuseti taṁ anumīyati; yaṁ anumīyati tena saṅkhaṁ gacchati.

“If you have an underlying tendency for form, you’re measured against that, and you’re defined by what you’re measured against. If you have an underlying tendency for feeling … perception … choices … consciousness, you’re measured against that, and you’re defined by what you’re measured against.

रूपञ्चे, भन्ते, नानुसेति न तं अनुमीयति; यं नानुमीयति न तेन सङ्खं गच्छति। वेदनञ्चे नानुसेति … सञ्ञञ्चे नानुसेति … सङ्खारे चे नानुसेति … विञ्ञाणञ्चे नानुसेति न तं अनुमीयति; यं नानुमीयति न तेन सङ्खं गच्छति।

Rūpañce, bhante, nānuseti na taṁ anumīyati; yaṁ nānumīyati na tena saṅkhaṁ gacchati. Vedanañce nānuseti … saññañce nānuseti … saṅkhāre ce nānuseti … viññāṇañce nānuseti na taṁ anumīyati; yaṁ nānumīyati na tena saṅkhaṁ gacchati.

If you have no underlying tendency for form, you’re not measured against that, and you’re not defined by what you’re not measured against. If you have no underlying tendency for feeling … perception … choices … consciousness, you’re not measured against that, and you’re not defined by what you’re not measured against.

इमस्स ख्वाहं, भन्ते, भगवता सङ्खित्तेन भासितस्स एवं वित्थारेन अत्थं आजानामी”ति।

Imassa khvāhaṁ, bhante, bhagavatā saṅkhittena bhāsitassa evaṁ vitthārena atthaṁ ājānāmī”ti.

That’s how I understand the detailed meaning of the Buddha’s brief statement.”

“साधु साधु, भिक्खु। साधु खो त्वं, भिक्खु, मया सङ्खित्तेन भासितस्स वित्थारेन अत्थं आजानासि।

“Sādhu sādhu, bhikkhu. Sādhu kho tvaṁ, bhikkhu, mayā saṅkhittena bhāsitassa vitthārena atthaṁ ājānāsi.

“Good, good, bhikkhu! It’s good that you understand the detailed meaning of what I’ve said in brief like this.

रूपञ्चे, भिक्खु, अनुसेति तं अनुमीयति; यं अनुमीयति तेन सङ्खं गच्छति। वेदनञ्चे, भिक्खु … सञ्ञञ्चे, भिक्खु … सङ्खारे चे, भिक्खु … विञ्ञाणञ्चे, भिक्खु, अनुसेति तं अनुमीयति; यं अनुमीयति तेन सङ्खं गच्छति।

Rūpañce, bhikkhu, anuseti taṁ anumīyati; yaṁ anumīyati tena saṅkhaṁ gacchati. Vedanañce, bhikkhu … saññañce, bhikkhu … saṅkhāre ce, bhikkhu … viññāṇañce, bhikkhu, anuseti taṁ anumīyati; yaṁ anumīyati tena saṅkhaṁ gacchati.

If you have an underlying tendency for form, you’re measured against that, and you’re defined by what you’re measured against. If you have an underlying tendency for feeling … perception … choices … consciousness, you’re measured against that, and you’re defined by what you’re measured against.

रूपञ्चे, भिक्खु, नानुसेति न तं अनुमीयति; यं नानुमीयति न तेन सङ्खं गच्छति। वेदनञ्चे नानुसेति … सञ्ञञ्चे नानुसेति … सङ्खारे चे नानुसेति … विञ्ञाणञ्चे नानुसेति न तं अनुमीयति; यं नानुमीयति न तेन सङ्खं गच्छति।

Rūpañce, bhikkhu, nānuseti na taṁ anumīyati; yaṁ nānumīyati na tena saṅkhaṁ gacchati. Vedanañce nānuseti … saññañce nānuseti … saṅkhāre ce nānuseti … viññāṇañce nānuseti na taṁ anumīyati; yaṁ nānumīyati na tena saṅkhaṁ gacchati.

इमस्स खो, भिक्खु, मया सङ्खित्तेन भासितस्स एवं वित्थारेन अत्थो दट्ठब्बो”ति …पे…

Imassa kho, bhikkhu, mayā saṅkhittena bhāsitassa evaṁ vitthārena attho daṭṭhabbo”ti …pe…

This is how to understand the detailed meaning of what I said in brief.” …

अञ्ञतरो च पन सो भिक्खु अरहतं अहोसीति।

aññataro ca pana so bhikkhu arahataṁ ahosīti.

And that bhikkhu became one of the perfected.

चतुत्थं।

Catutthaṁ.

Next: आनन्दसुत्त • Ānandasutta • With Ānanda

The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]

दुतियअञ्ञतरभिक्खुसुत्त

Dutiyaaññatarabhikkhusutta

A Bhikkhu (2nd)

YOU MAY ALSO LIKE: