| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. து³தியஅனுஸயஸுத்தங்
2. Dutiyaanusayasuttaṃ
12. ‘‘ஸத்தன்னங், பி⁴க்க²வே, அனுஸயானங் பஹானாய ஸமுச்சே²தா³ய ப்³ரஹ்மசரியங் வுஸ்ஸதி. கதமேஸங் ஸத்தன்னங்? காமராகா³னுஸயஸ்ஸ பஹானாய ஸமுச்சே²தா³ய ப்³ரஹ்மசரியங் வுஸ்ஸதி, படிகா⁴னுஸயஸ்ஸ…பே॰… தி³ட்டா²னுஸயஸ்ஸ… விசிகிச்சா²னுஸயஸ்ஸ… மானானுஸயஸ்ஸ… ப⁴வராகா³னுஸயஸ்ஸ… அவிஜ்ஜானுஸயஸ்ஸ பஹானாய ஸமுச்சே²தா³ய ப்³ரஹ்மசரியங் வுஸ்ஸதி. இமேஸங் கோ², பி⁴க்க²வே, ஸத்தன்னங் அனுஸயானங் பஹானாய ஸமுச்சே²தா³ய ப்³ரஹ்மசரியங் வுஸ்ஸதி.
12. ‘‘Sattannaṃ, bhikkhave, anusayānaṃ pahānāya samucchedāya brahmacariyaṃ vussati. Katamesaṃ sattannaṃ? Kāmarāgānusayassa pahānāya samucchedāya brahmacariyaṃ vussati, paṭighānusayassa…pe… diṭṭhānusayassa… vicikicchānusayassa… mānānusayassa… bhavarāgānusayassa… avijjānusayassa pahānāya samucchedāya brahmacariyaṃ vussati. Imesaṃ kho, bhikkhave, sattannaṃ anusayānaṃ pahānāya samucchedāya brahmacariyaṃ vussati.
‘‘யதோ ச கோ², பி⁴க்க²வே, பி⁴க்கு²னோ காமராகா³னுஸயோ பஹீனோ ஹோதி உச்சி²ன்னமூலோ தாலாவத்து²கதோ அனபா⁴வங்கதோ ஆயதிங் அனுப்பாத³த⁴ம்மோ. படிகா⁴னுஸயோ…பே॰… தி³ட்டா²னுஸயோ… விசிகிச்சா²னுஸயோ… மானானுஸயோ… ப⁴வராகா³னுஸயோ… அவிஜ்ஜானுஸயோ பஹீனோ ஹோதி உச்சி²ன்னமூலோ தாலாவத்து²கதோ அனபா⁴வங்கதோ ஆயதிங் அனுப்பாத³த⁴ம்மோ. அயங் வுச்சதி, பி⁴க்க²வே, பி⁴க்கு² அச்செ²ச்சி² தண்ஹங், விவத்தயி ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’’தி. து³தியங்.
‘‘Yato ca kho, bhikkhave, bhikkhuno kāmarāgānusayo pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Paṭighānusayo…pe… diṭṭhānusayo… vicikicchānusayo… mānānusayo… bhavarāgānusayo… avijjānusayo pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Dutiyaṃ.
