| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. து³தியஅபரிஹானஸுத்தங்
3. Dutiyaaparihānasuttaṃ
33. ‘‘இமங், பி⁴க்க²வே, ரத்திங் அஞ்ஞதரா தே³வதா அபி⁴க்கந்தாய ரத்தியா அபி⁴க்கந்தவண்ணா கேவலகப்பங் ஜேதவனங் ஓபா⁴ஸெத்வா யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தா கோ², பி⁴க்க²வே, ஸா தே³வதா மங் ஏதத³வோச – ‘ச²யிமே, ப⁴ந்தே, த⁴ம்மா பி⁴க்கு²னோ அபரிஹானாய ஸங்வத்தந்தி. கதமே ச²? ஸத்து²கா³ரவதா, த⁴ம்மகா³ரவதா, ஸங்க⁴கா³ரவதா, ஸிக்கா²கா³ரவதா, ஹிரிகா³ரவதா, ஒத்தப்பகா³ரவதா – இமே கோ², ப⁴ந்தே, ச² த⁴ம்மா பி⁴க்கு²னோ அபரிஹானாய ஸங்வத்தந்தீ’தி. இத³மவோச, பி⁴க்க²வே, ஸா தே³வதா. இத³ங் வத்வா மங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீ’’தி.
33. ‘‘Imaṃ, bhikkhave, rattiṃ aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhitā kho, bhikkhave, sā devatā maṃ etadavoca – ‘chayime, bhante, dhammā bhikkhuno aparihānāya saṃvattanti. Katame cha? Satthugāravatā, dhammagāravatā, saṅghagāravatā, sikkhāgāravatā, hirigāravatā, ottappagāravatā – ime kho, bhante, cha dhammā bhikkhuno aparihānāya saṃvattantī’ti. Idamavoca, bhikkhave, sā devatā. Idaṃ vatvā maṃ abhivādetvā padakkhiṇaṃ katvā tatthevantaradhāyī’’ti.
‘‘ஸத்து²க³ரு த⁴ம்மக³ரு, ஸங்கே⁴ ச திப்³ப³கா³ரவோ;
‘‘Satthugaru dhammagaru, saṅghe ca tibbagāravo;
ஹிரிஒத்தப்பஸம்பன்னோ, ஸப்பதிஸ்ஸோ ஸகா³ரவோ;
Hiriottappasampanno, sappatisso sagāravo;
அப⁴ப்³போ³ பரிஹானாய, நிப்³பா³னஸ்ஸேவ ஸந்திகே’’தி. ததியங்;
Abhabbo parihānāya, nibbānasseva santike’’ti. tatiyaṃ;
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 2-3. அபரிஹானஸுத்தத்³வயவண்ணனா • 2-3. Aparihānasuttadvayavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-4. ஸேக²ஸுத்தாதி³வண்ணனா • 1-4. Sekhasuttādivaṇṇanā
