| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૫. દુતિયઅપરિજાનનસુત્તં
5. Dutiyaaparijānanasuttaṃ
૨૭. ‘‘સબ્બં , ભિક્ખવે, અનભિજાનં અપરિજાનં અવિરાજયં અપ્પજહં અભબ્બો દુક્ખક્ખયાય. કિઞ્ચ, ભિક્ખવે, સબ્બં અનભિજાનં અપરિજાનં અવિરાજયં અપ્પજહં અભબ્બો દુક્ખક્ખયાય? યઞ્ચ, ભિક્ખવે , ચક્ખુ, યે ચ રૂપા, યઞ્ચ ચક્ખુવિઞ્ઞાણં, યે ચ ચક્ખુવિઞ્ઞાણવિઞ્ઞાતબ્બા ધમ્મા…પે॰… યા ચ જિવ્હા, યે ચ રસા, યઞ્ચ જિવ્હાવિઞ્ઞાણં, યે ચ જિવ્હાવિઞ્ઞાણવિઞ્ઞાતબ્બા ધમ્મા; યો ચ કાયો, યે ચ ફોટ્ઠબ્બા, યઞ્ચ કાયવિઞ્ઞાણં, યે ચ કાયવિઞ્ઞાણવિઞ્ઞાતબ્બા ધમ્મા; યો ચ મનો, યે ચ ધમ્મા, યઞ્ચ મનોવિઞ્ઞાણં, યે ચ મનોવિઞ્ઞાણવિઞ્ઞાતબ્બા ધમ્મા – ઇદં ખો, ભિક્ખવે, સબ્બં અનભિજાનં અપરિજાનં અવિરાજયં અપ્પજહં અભબ્બો દુક્ખક્ખયાય.
27. ‘‘Sabbaṃ , bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāya. Kiñca, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya? Yañca, bhikkhave , cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ anabhijānaṃ aparijānaṃ avirājayaṃ appajahaṃ abhabbo dukkhakkhayāya.
‘‘સબ્બં, ભિક્ખવે, અભિજાનં પરિજાનં વિરાજયં પજહં ભબ્બો દુક્ખક્ખયાય. કિઞ્ચ, ભિક્ખવે, સબ્બં અભિજાનં પરિજાનં વિરાજયં પજહં ભબ્બો દુક્ખક્ખયાય? યઞ્ચ, ભિક્ખવે, ચક્ખુ, યે ચ રૂપા, યઞ્ચ ચક્ખુવિઞ્ઞાણં, યે ચ ચક્ખુવિઞ્ઞાણવિઞ્ઞાતબ્બા ધમ્મા…પે॰… યા ચ જિવ્હા, યે ચ રસા, યઞ્ચ જિવ્હાવિઞ્ઞાણં, યે ચ જિવ્હાવિઞ્ઞાણવિઞ્ઞાતબ્બા ધમ્મા; યો ચ કાયો, યે ચ ફોટ્ઠબ્બા, યઞ્ચ કાયવિઞ્ઞાણં, યે ચ કાયવિઞ્ઞાણવિઞ્ઞાતબ્બા ધમ્મા; યો ચ મનો, યે ચ ધમ્મા, યઞ્ચ મનોવિઞ્ઞાણં, યે ચ મનોવિઞ્ઞાણવિઞ્ઞાતબ્બા ધમ્મા – ઇદં ખો, ભિક્ખવે, સબ્બં અભિજાનં પરિજાનં વિરાજયં પજહં ભબ્બો દુક્ખક્ખયાયા’’તિ. પઞ્ચમં.
‘‘Sabbaṃ, bhikkhave, abhijānaṃ parijānaṃ virājayaṃ pajahaṃ bhabbo dukkhakkhayāya. Kiñca, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāya? Yañca, bhikkhave, cakkhu, ye ca rūpā, yañca cakkhuviññāṇaṃ, ye ca cakkhuviññāṇaviññātabbā dhammā…pe… yā ca jivhā, ye ca rasā, yañca jivhāviññāṇaṃ, ye ca jivhāviññāṇaviññātabbā dhammā; yo ca kāyo, ye ca phoṭṭhabbā, yañca kāyaviññāṇaṃ, ye ca kāyaviññāṇaviññātabbā dhammā; yo ca mano, ye ca dhammā, yañca manoviññāṇaṃ, ye ca manoviññāṇaviññātabbā dhammā – idaṃ kho, bhikkhave, sabbaṃ abhijānaṃ parijānaṃ virājayaṃ pajahaṃ bhabbo dukkhakkhayāyā’’ti. Pañcamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫. દુતિયઅપરિજાનનસુત્તવણ્ણના • 5. Dutiyaaparijānanasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫. દુતિયઅપરિજાનનસુત્તવણ્ણના • 5. Dutiyaaparijānanasuttavaṇṇanā
