| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. து³தியஅபுத்தகஸுத்தவண்ணனா
10. Dutiyaaputtakasuttavaṇṇanā
131. பிண்ட³பாதேனாதி ஸஹயோகே³ கரணவசனங். படிபாத³னங் தேன ஸஹ யோஜனந்தி ஆஹ ‘‘பிண்ட³பாதேன ஸத்³தி⁴ங் ஸங்யோஜேஸி, பிண்ட³பாதங் அதா³ஸீதி அத்தோ²’’தி. ‘‘பணீதபோ⁴ஜனங் பு⁴ஞ்ஜித்வா’’தி வுத்தங், பாளியங் பன ‘‘கணாஜகங் பு⁴ஞ்ஜதி பி³லங்க³து³திய’’ந்தி. தங் தங் பவத்திதங் யேபு⁴ய்யவஸேன வுத்தந்தி த³ட்ட²ப்³ப³ங். இதா³னி ‘‘இமஸ்ஸ ஸெட்டி²ஸ்ஸ கஸ்ஸசி ஸமணஸ்ஸ வா ப்³ராஹ்மணஸ்ஸ வா தே³தா²’’தி வசனங் ந ஸுதபுப்³ப³ங், யஸ்மா பச்சேகபு³த்³தா⁴ நாம அத்தனோ கு³ணானுபா⁴வேஹி லோகே பாகடா ஸஞ்ஜாதா ஏவ ஹொந்தி, தஸ்மா ஸெட்டி²ப⁴ரியாய ‘‘ந யஸ்ஸ வா தஸ்ஸ வா’’திஆதி³ சிந்திதங். ததா² ஹி தேஸங் தெ³ந்தாபி ஸக்கச்சங் யேபு⁴ய்யேன பணீதமேவ தெ³ந்தி. நாஸாபுடங் பஹரி அத்தனோ ஆனுபா⁴வேன. ஸோ லுத்³த⁴தாய ‘‘ப³ஹு வத த⁴ஞ்ஞங் மமஸ்ஸா’’தி சித்தங் ஸங்யமேதுங் ஸந்தா⁴ரேதுங் அஸக்கொந்தோ.
131.Piṇḍapātenāti sahayoge karaṇavacanaṃ. Paṭipādanaṃ tena saha yojananti āha ‘‘piṇḍapātena saddhiṃ saṃyojesi, piṇḍapātaṃ adāsīti attho’’ti. ‘‘Paṇītabhojanaṃ bhuñjitvā’’ti vuttaṃ, pāḷiyaṃ pana ‘‘kaṇājakaṃ bhuñjati bilaṅgadutiya’’nti. Taṃ taṃ pavattitaṃ yebhuyyavasena vuttanti daṭṭhabbaṃ. Idāni ‘‘imassa seṭṭhissa kassaci samaṇassa vā brāhmaṇassa vā dethā’’ti vacanaṃ na sutapubbaṃ, yasmā paccekabuddhā nāma attano guṇānubhāvehi loke pākaṭā sañjātā eva honti, tasmā seṭṭhibhariyāya ‘‘na yassa vā tassa vā’’tiādi cintitaṃ. Tathā hi tesaṃ dentāpi sakkaccaṃ yebhuyyena paṇītameva denti. Nāsāpuṭaṃ pahari attano ānubhāvena. So luddhatāya ‘‘bahu vata dhaññaṃ mamassā’’ti cittaṃ saṃyametuṃ sandhāretuṃ asakkonto.
விப்படிஸாருப்பன்னாகாரங் த³ஸ்ஸேதுங் ‘‘வரமேத’’ந்திஆதி³ வுத்தங். ‘‘இமஸ்ஸ ஸமணஸ்ஸ பிண்ட³பாதங் தே³ஹீ’’தி வத³தோ ந ஏகாய ஏவ ஜவனவீதி²யா வஸேன அத்த²ஸித்³தி⁴. அத² கோ² தத்த² ஆதி³தோ பவத்தஜவனவாரோபி அத்தி² மஜ்ஜே² பவத்தஜவனவாரோபி, தங் ஸந்தா⁴யாஹ ‘‘புப்³ப³பச்சி²மசேதனாவஸேனா’’தி. ஏகா சேதனா த்³வே படிஸந்தி⁴யோ ந தே³தீதி எத்த² ஸாகேதபஞ்ஹவஸேன நிச்ச²யோ வேதி³தப்³போ³. சுத்³த³ஸன்னங் சேதனானங் புப்³பே³ புரேதரங் கதத்தா புராணங்.
Vippaṭisāruppannākāraṃ dassetuṃ ‘‘varameta’’ntiādi vuttaṃ. ‘‘Imassa samaṇassa piṇḍapātaṃ dehī’’ti vadato na ekāya eva javanavīthiyā vasena atthasiddhi. Atha kho tattha ādito pavattajavanavāropi atthi majjhe pavattajavanavāropi, taṃ sandhāyāha ‘‘pubbapacchimacetanāvasenā’’ti. Ekā cetanā dve paṭisandhiyo na detīti ettha sāketapañhavasena nicchayo veditabbo. Cuddasannaṃ cetanānaṃ pubbe puretaraṃ katattā purāṇaṃ.
பரிக³ய்ஹதீதி பரிக்³க³ஹோதி ஆஹ ‘‘பரிக்³க³ஹிதங் வத்து²’’ந்தி. அன்வாய உபனிஸ்ஸாய ஜீவந்தீதி அனுஜீவினோ. ஸப்³ப³மேதந்தி த⁴னத⁴ஞ்ஞாதி³ஸப்³ப³ங் ஏதங் யதா²வுத்தபரிக்³க³ஹவத்து²ங். நிக்கி²ப்பகா³மினந்தி நிக்கி²பிதப்³ப³தாகா³மினங். நிக்கி²பிதப்³ப³ஸபா⁴வங் ஹோதீதி ஆஹ ‘‘நிக்கி²ப்பஸபா⁴வ’’ந்தி. பஹாய க³மனீயந்தி அயமெத்த² அத்தோ²தி ஆஹ ‘‘பரிச்சஜிதப்³ப³ஸபா⁴வமேவா’’தி.
Parigayhatīti pariggahoti āha ‘‘pariggahitaṃ vatthu’’nti. Anvāya upanissāya jīvantīti anujīvino. Sabbametanti dhanadhaññādisabbaṃ etaṃ yathāvuttapariggahavatthuṃ. Nikkhippagāminanti nikkhipitabbatāgāminaṃ. Nikkhipitabbasabhāvaṃ hotīti āha ‘‘nikkhippasabhāva’’nti. Pahāya gamanīyanti ayamettha atthoti āha ‘‘pariccajitabbasabhāvamevā’’ti.
து³தியஅபுத்தகஸுத்தவண்ணனா நிட்டி²தா.
Dutiyaaputtakasuttavaṇṇanā niṭṭhitā.
து³தியவக்³க³வண்ணனா நிட்டி²தா.
Dutiyavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. து³தியஅபுத்தகஸுத்தங் • 10. Dutiyaaputtakasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. து³தியஅபுத்தகஸுத்தவண்ணனா • 10. Dutiyaaputtakasuttavaṇṇanā
