| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. து³தியஅஸ்ஸாத³ஸுத்தங்
3. Dutiyaassādasuttaṃ
106. ‘‘நோ சேத³ங் 1, பி⁴க்க²வே, லோகே அஸ்ஸாதோ³ அப⁴விஸ்ஸ, நயித³ங் ஸத்தா லோகே ஸாரஜ்ஜெய்யுங். யஸ்மா ச கோ², பி⁴க்க²வே, அத்தி² லோகே அஸ்ஸாதோ³, தஸ்மா ஸத்தா லோகே ஸாரஜ்ஜந்தி. நோ சேத³ங், பி⁴க்க²வே, லோகே ஆதீ³னவோ அப⁴விஸ்ஸ, நயித³ங் ஸத்தா லோகே நிப்³பி³ந்தெ³ய்யுங். யஸ்மா ச கோ², பி⁴க்க²வே, அத்தி² லோகே ஆதீ³னவோ, தஸ்மா ஸத்தா லோகே நிப்³பி³ந்த³ந்தி. நோ சேத³ங், பி⁴க்க²வே, லோகே நிஸ்ஸரணங் அப⁴விஸ்ஸ, நயித³ங் ஸத்தா லோகம்ஹா 2 நிஸ்ஸரெய்யுங். யஸ்மா ச கோ², பி⁴க்க²வே, அத்தி² லோகே நிஸ்ஸரணங், தஸ்மா ஸத்தா லோகம்ஹா நிஸ்ஸரந்தி. யாவகீவஞ்ச, பி⁴க்க²வே, ஸத்தா லோகஸ்ஸ அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ யதா²பூ⁴தங் நாப்³ப⁴ஞ்ஞாஸுங் 3, நேவ தாவ, பி⁴க்க²வே, ஸத்தா ஸதே³வகா லோகா ஸமாரகா ஸப்³ரஹ்மகா ஸஸ்ஸமணப்³ராஹ்மணியா பஜாய ஸதே³வமனுஸ்ஸாய நிஸ்ஸடா விஸங்யுத்தா விப்பமுத்தா 4 விமரியாதீ³கதேன 5 சேதஸா விஹரிங்ஸு. யதோ ச கோ², பி⁴க்க²வே, ஸத்தா லோகஸ்ஸ அஸ்ஸாத³ஞ்ச அஸ்ஸாத³தோ ஆதீ³னவஞ்ச ஆதீ³னவதோ நிஸ்ஸரணஞ்ச நிஸ்ஸரணதோ யதா²பூ⁴தங் அப்³ப⁴ஞ்ஞாஸுங், அத², பி⁴க்க²வே, ஸத்தா ஸதே³வகா லோகா ஸமாரகா ஸப்³ரஹ்மகா ஸஸ்ஸமணப்³ராஹ்மணியா பஜாய ஸதே³வமனுஸ்ஸாய நிஸ்ஸடா விஸங்யுத்தா விப்பமுத்தா விமரியாதீ³கதேன சேதஸா விஹரந்தீ’’தி. ததியங்.
106. ‘‘No cedaṃ 6, bhikkhave, loke assādo abhavissa, nayidaṃ sattā loke sārajjeyyuṃ. Yasmā ca kho, bhikkhave, atthi loke assādo, tasmā sattā loke sārajjanti. No cedaṃ, bhikkhave, loke ādīnavo abhavissa, nayidaṃ sattā loke nibbindeyyuṃ. Yasmā ca kho, bhikkhave, atthi loke ādīnavo, tasmā sattā loke nibbindanti. No cedaṃ, bhikkhave, loke nissaraṇaṃ abhavissa, nayidaṃ sattā lokamhā 7 nissareyyuṃ. Yasmā ca kho, bhikkhave, atthi loke nissaraṇaṃ, tasmā sattā lokamhā nissaranti. Yāvakīvañca, bhikkhave, sattā lokassa assādañca assādato ādīnavañca ādīnavato nissaraṇañca nissaraṇato yathābhūtaṃ nābbhaññāsuṃ 8, neva tāva, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā 9 vimariyādīkatena 10 cetasā vihariṃsu. Yato ca kho, bhikkhave, sattā lokassa assādañca assādato ādīnavañca ādīnavato nissaraṇañca nissaraṇato yathābhūtaṃ abbhaññāsuṃ, atha, bhikkhave, sattā sadevakā lokā samārakā sabrahmakā sassamaṇabrāhmaṇiyā pajāya sadevamanussāya nissaṭā visaṃyuttā vippamuttā vimariyādīkatena cetasā viharantī’’ti. Tatiyaṃ.
Footnotes:
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-3. புப்³பே³வஸம்போ³த⁴ஸுத்தாதி³வண்ணனா • 1-3. Pubbevasambodhasuttādivaṇṇanā
