| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨. દુતિયઅસ્સુતવાસુત્તવણ્ણના
2. Dutiyaassutavāsuttavaṇṇanā
૬૨. દુતિયે સુખવેદનિયન્તિ સુખવેદનાય પચ્ચયં. ફસ્સન્તિ ચક્ખુસમ્ફસ્સાદિં. નનુ ચ ચક્ખુસમ્ફસ્સો સુખવેદનાય પચ્ચયો ન હોતીતિ? સહજાતપચ્ચયેન ન હોતિ, ઉપનિસ્સયપચ્ચયેન પન જવનવેદનાય હોતિ , તં સન્ધાયેતં વુત્તં. સોતસમ્ફસ્સાદીસુપિ એસેવ નયો. તજ્જન્તિ તજ્જાતિકં તસ્સારુપ્પં, તસ્સ ફસ્સસ્સ અનુરૂપન્તિ અત્થો. દુક્ખવેદનિયન્તિઆદિ વુત્તનયેનેવ વેદિતબ્બં. સઙ્ઘટ્ટનસમોધાનાતિ સઙ્ઘટ્ટનેન ચેવ સમોધાનેન ચ, સઙ્ઘટ્ટનસમ્પિણ્ડનેનાતિ અત્થો. ઉસ્માતિ ઉણ્હાકારો. તેજો અભિનિબ્બત્તતીતિ અગ્ગિચુણ્ણો નિક્ખમતીતિ ન ગહેતબ્બં, ઉસ્માકારસ્સેવ પન એતં વેવચનં. તત્થ દ્વિન્નં કટ્ઠાનન્તિ દ્વિન્નં અરણીનં. તત્થ અધોઅરણી વિય વત્થુ, ઉત્તરારણી વિય આરમ્મણં, સઙ્ઘટ્ટનં વિય ફસ્સો, ઉસ્માધાતુ વિય વેદના. દુતિયં.
62. Dutiye sukhavedaniyanti sukhavedanāya paccayaṃ. Phassanti cakkhusamphassādiṃ. Nanu ca cakkhusamphasso sukhavedanāya paccayo na hotīti? Sahajātapaccayena na hoti, upanissayapaccayena pana javanavedanāya hoti , taṃ sandhāyetaṃ vuttaṃ. Sotasamphassādīsupi eseva nayo. Tajjanti tajjātikaṃ tassāruppaṃ, tassa phassassa anurūpanti attho. Dukkhavedaniyantiādi vuttanayeneva veditabbaṃ. Saṅghaṭṭanasamodhānāti saṅghaṭṭanena ceva samodhānena ca, saṅghaṭṭanasampiṇḍanenāti attho. Usmāti uṇhākāro. Tejo abhinibbattatīti aggicuṇṇo nikkhamatīti na gahetabbaṃ, usmākārasseva pana etaṃ vevacanaṃ. Tattha dvinnaṃ kaṭṭhānanti dvinnaṃ araṇīnaṃ. Tattha adhoaraṇī viya vatthu, uttarāraṇī viya ārammaṇaṃ, saṅghaṭṭanaṃ viya phasso, usmādhātu viya vedanā. Dutiyaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૨. દુતિયઅસ્સુતવાસુત્તં • 2. Dutiyaassutavāsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨. દુતિયઅસ્સુતવાસુત્તવણ્ણના • 2. Dutiyaassutavāsuttavaṇṇanā
