| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
7. து³தியஅவண்ணாரஹஸுத்தங்
7. Dutiyaavaṇṇārahasuttaṃ
237. ‘‘பஞ்சஹி , பி⁴க்க²வே, த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் நிரயே. கதமேஹி பஞ்சஹி? அனநுவிச்ச அபரியோகா³ஹெத்வா அவண்ணாரஹஸ்ஸ வண்ணங் பா⁴ஸதி; அனநுவிச்ச அபரியோகா³ஹெத்வா வண்ணாரஹஸ்ஸ அவண்ணங் பா⁴ஸதி; ஆவாஸமச்ச²ரீ ஹோதி ஆவாஸபலிகே³தீ⁴; குலமச்ச²ரீ ஹோதி குலபலிகே³தீ⁴; ஸத்³தா⁴தெ³ய்யங் வினிபாதேதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் நிரயே.
237. ‘‘Pañcahi , bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati; ananuvicca apariyogāhetvā vaṇṇārahassa avaṇṇaṃ bhāsati; āvāsamaccharī hoti āvāsapaligedhī; kulamaccharī hoti kulapaligedhī; saddhādeyyaṃ vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் ஸக்³கே³. கதமேஹி பஞ்சஹி? அனுவிச்ச பரியோகா³ஹெத்வா அவண்ணாரஹஸ்ஸ அவண்ணங் பா⁴ஸதி; அனுவிச்ச பரியோகா³ஹெத்வா வண்ணாரஹஸ்ஸ வண்ணங் பா⁴ஸதி; ந ஆவாஸமச்ச²ரீ ஹோதி ந ஆவாஸபலிகே³தீ⁴; ந குலமச்ச²ரீ ஹோதி ந குலபலிகே³தீ⁴; ஸத்³தா⁴தெ³ய்யங் ந வினிபாதேதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ ஆவாஸிகோ பி⁴க்கு² யதா²ப⁴தங் நிக்கி²த்தோ ஏவங் ஸக்³கே³’’தி. ஸத்தமங்.
‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati; anuvicca pariyogāhetvā vaṇṇārahassa vaṇṇaṃ bhāsati; na āvāsamaccharī hoti na āvāsapaligedhī; na kulamaccharī hoti na kulapaligedhī; saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7. து³தியஅவண்ணாரஹஸுத்தவண்ணனா • 7. Dutiyaavaṇṇārahasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மதீ³க⁴சாரிகஸுத்தாதி³வண்ணனா • 1-10. Paṭhamadīghacārikasuttādivaṇṇanā
