| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. து³தியஅவிஜ்ஜாபஹானஸுத்தவண்ணனா
7. Dutiyaavijjāpahānasuttavaṇṇanā
80. அனிச்சாதி³வஸேன அபி⁴னிவிஸனங் அபி⁴னிவேஸோ, ஸோ ஏவ த⁴ம்மஸபா⁴வங் அதிக்கமித்வா பரதோ ஆமஸனதோ பராமாஸோ, ஸோ ஏவ கா³ஹோ. தேன அபி⁴னிவேஸபராமாஸக்³கா³ஹேன க³ண்ஹிதுங் ந யுத்தா அனிச்சாதி³ஸபா⁴வத்தா. ஸங்கா²ரா ஏவ பவத்தியா காரணபா⁴வதோ ஸங்கா²ரனிமித்தானி. யோ ஸங்கா²ரேஸு அபரிஞ்ஞாதாபி⁴னிவேஸேன பஸ்ஸிதப்³போ³ அத்தாகாரோ, ஸோ ந ஹோதீதி அஞ்ஞோ அனத்தாகாரோ, ததோ அஞ்ஞதோ பஸ்ஸதி. பரிஞ்ஞாதாபி⁴னிவேஸோதி தீரணபரிஞ்ஞாய பரிச்சி²ஜ்ஜ ஞாதமிச்சா²பி⁴னிவேஸோ. பரிஞ்ஞாதாபி⁴னிவேஸோதி வா பரிஞ்ஞாதவிபஸ்ஸனாபி⁴னிவேஸோ. விபஸ்ஸனாதி அரூபஸத்தகவஸேன விபஸ்ஸனாய பரிஜானிதப்³பா³.
80. Aniccādivasena abhinivisanaṃ abhiniveso, so eva dhammasabhāvaṃ atikkamitvā parato āmasanato parāmāso, so eva gāho. Tena abhinivesaparāmāsaggāhena gaṇhituṃ na yuttā aniccādisabhāvattā. Saṅkhārā eva pavattiyā kāraṇabhāvato saṅkhāranimittāni. Yo saṅkhāresu apariññātābhinivesena passitabbo attākāro, so na hotīti añño anattākāro, tato aññato passati. Pariññātābhinivesoti tīraṇapariññāya paricchijja ñātamicchābhiniveso. Pariññātābhinivesoti vā pariññātavipassanābhiniveso. Vipassanāti arūpasattakavasena vipassanāya parijānitabbā.
து³தியஅவிஜ்ஜாபஹானஸுத்தவண்ணனா நிட்டி²தா.
Dutiyaavijjāpahānasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. து³தியஅவிஜ்ஜாபஹானஸுத்தங் • 7. Dutiyaavijjāpahānasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. து³தியஅவிஜ்ஜாபஹானஸுத்தவண்ணனா • 7. Dutiyaavijjāpahānasuttavaṇṇanā
