| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૭. દુતિયઅવિજ્જાપહાનસુત્તવણ્ણના
7. Dutiyaavijjāpahānasuttavaṇṇanā
૮૦. સત્તમે સબ્બે ધમ્માતિ સબ્બે તેભૂમકધમ્મા. નાલં અભિનિવેસાયાતિ અભિનિવેસપરામાસગ્ગાહેન ગણ્હિતું ન યુત્તા. સબ્બનિમિત્તાનીતિ સબ્બાનિ સઙ્ખારનિમિત્તાનિ. અઞ્ઞતો પસ્સતીતિ યથા અપરિઞ્ઞાતાભિનિવેસો જનો પસ્સતિ, તતો અઞ્ઞતો પસ્સતિ. અપરિઞ્ઞાતાભિનિવેસો હિ જનો સબ્બનિમિત્તાનિપિ અત્તતો પસ્સતિ. પરિઞ્ઞાતાભિનિવેસો પન અનત્તતો પસ્સતિ, નો અત્તતોતિ એવં ઇમસ્મિં સુત્તે અનત્તલક્ખણમેવ કથિતં.
80. Sattame sabbe dhammāti sabbe tebhūmakadhammā. Nālaṃ abhinivesāyāti abhinivesaparāmāsaggāhena gaṇhituṃ na yuttā. Sabbanimittānīti sabbāni saṅkhāranimittāni. Aññato passatīti yathā apariññātābhiniveso jano passati, tato aññato passati. Apariññātābhiniveso hi jano sabbanimittānipi attato passati. Pariññātābhiniveso pana anattato passati, no attatoti evaṃ imasmiṃ sutte anattalakkhaṇameva kathitaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૭. દુતિયઅવિજ્જાપહાનસુત્તં • 7. Dutiyaavijjāpahānasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૭. દુતિયઅવિજ્જાપહાનસુત્તવણ્ણના • 7. Dutiyaavijjāpahānasuttavaṇṇanā
