| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. દુતિયબાહિરફસ્સનાનત્તસુત્તં
10. Dutiyabāhiraphassanānattasuttaṃ
૯૪. સાવત્થિયં વિહરતિ…પે॰… ‘‘ધાતુનાનત્તં, ભિક્ખવે, પટિચ્ચ ઉપ્પજ્જતિ સઞ્ઞાનાનત્તં, સઞ્ઞાનાનત્તં પટિચ્ચ ઉપ્પજ્જતિ સઙ્કપ્પનાનત્તં , ફસ્સ… વેદના… છન્દ… પરિળાહ… પરિયેસનાનાનત્તં પટિચ્ચ ઉપ્પજ્જતિ લાભનાનત્તં; નો લાભનાનત્તં પટિચ્ચ ઉપ્પજ્જતિ પરિયેસનાનાનત્તં, નો પરિયેસનાનાનત્તં પટિચ્ચ ઉપ્પજ્જતિ પરિળાહનાનત્તં, નો પરિળાહનાનત્તં પટિચ્ચ ઉપ્પજ્જતિ…પે॰… છન્દ… વેદના… ફસ્સ… સઙ્કપ્પ… સઞ્ઞાનાનત્તં , નો સઞ્ઞાનાનત્તં પટિચ્ચ ઉપ્પજ્જતિ ધાતુનાનત્તં. કતમઞ્ચ, ભિક્ખવે, ધાતુનાનત્તં? રૂપધાતુ…પે॰… ધમ્મધાતુ – ઇદં વુચ્ચતિ, ભિક્ખવે, ધાતુનાનત્તં’’.
94. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ , phassa… vedanā… chanda… pariḷāha… pariyesanānānattaṃ paṭicca uppajjati lābhanānattaṃ; no lābhanānattaṃ paṭicca uppajjati pariyesanānānattaṃ, no pariyesanānānattaṃ paṭicca uppajjati pariḷāhanānattaṃ, no pariḷāhanānattaṃ paṭicca uppajjati…pe… chanda… vedanā… phassa… saṅkappa… saññānānattaṃ , no saññānānattaṃ paṭicca uppajjati dhātunānattaṃ. Katamañca, bhikkhave, dhātunānattaṃ? Rūpadhātu…pe… dhammadhātu – idaṃ vuccati, bhikkhave, dhātunānattaṃ’’.
‘‘કથઞ્ચ, ભિક્ખવે, ધાતુનાનત્તં પટિચ્ચ ઉપ્પજ્જતિ સઞ્ઞાનાનત્તં, સઞ્ઞાનાનત્તં પટિચ્ચ ઉપ્પજ્જતિ સઙ્કપ્પનાનત્તં? ફસ્સ… વેદના… છન્દ… પરિળાહ… પરિયેસના… લાભ… નો લાભનાનત્તં પટિચ્ચ ઉપ્પજ્જતિ પરિયેસનાનાનત્તં, નો પરિયેસનાનાનત્તં પટિચ્ચ ઉપ્પજ્જતિ પરિળાહ… છન્દ… વેદના… ફસ્સ… નો સઙ્કપ્પનાનત્તં પટિચ્ચ ઉપ્પજ્જતિ સઞ્ઞાનાનત્તં, નો સઞ્ઞાનાનત્તં પટિચ્ચ ઉપ્પજ્જતિ ધાતુનાનત્તં?
‘‘Kathañca, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati saṅkappanānattaṃ? Phassa… vedanā… chanda… pariḷāha… pariyesanā… lābha… no lābhanānattaṃ paṭicca uppajjati pariyesanānānattaṃ, no pariyesanānānattaṃ paṭicca uppajjati pariḷāha… chanda… vedanā… phassa… no saṅkappanānattaṃ paṭicca uppajjati saññānānattaṃ, no saññānānattaṃ paṭicca uppajjati dhātunānattaṃ?
‘‘રૂપધાતું, ભિક્ખવે, પટિચ્ચ ઉપ્પજ્જતિ રૂપસઞ્ઞા…પે॰… ધમ્મધાતું પટિચ્ચ ઉપ્પજ્જતિ ધમ્મસઞ્ઞા, ધમ્મસઞ્ઞં પટિચ્ચ ઉપ્પજ્જતિ…પે॰… ધમ્મપરિયેસના, ધમ્મપરિયેસનં પટિચ્ચ ઉપ્પજ્જતિ ધમ્મલાભો; નો ધમ્મલાભં પટિચ્ચ ઉપ્પજ્જતિ ધમ્મપરિયેસના, નો ધમ્મપરિયેસનં પટિચ્ચ ઉપ્પજ્જતિ ધમ્મપરિળાહો , નો ધમ્મપરિળાહં પટિચ્ચ ઉપ્પજ્જતિ ધમ્મચ્છન્દો, નો ધમ્મચ્છન્દં પટિચ્ચ ઉપ્પજ્જતિ ધમ્મસમ્ફસ્સજા વેદના, નો ધમ્મસમ્ફસ્સજં વેદનં પટિચ્ચ ઉપ્પજ્જતિ ધમ્મસમ્ફસ્સો, નો ધમ્મસમ્ફસ્સં પટિચ્ચ ઉપ્પજ્જતિ ધમ્મસઙ્કપ્પો, નો ધમ્મસઙ્કપ્પં પટિચ્ચ ઉપ્પજ્જતિ ધમ્મસઞ્ઞા, નો ધમ્મસઞ્ઞં પટિચ્ચ ઉપ્પજ્જતિ ધમ્મધાતુ.
‘‘Rūpadhātuṃ, bhikkhave, paṭicca uppajjati rūpasaññā…pe… dhammadhātuṃ paṭicca uppajjati dhammasaññā, dhammasaññaṃ paṭicca uppajjati…pe… dhammapariyesanā, dhammapariyesanaṃ paṭicca uppajjati dhammalābho; no dhammalābhaṃ paṭicca uppajjati dhammapariyesanā, no dhammapariyesanaṃ paṭicca uppajjati dhammapariḷāho , no dhammapariḷāhaṃ paṭicca uppajjati dhammacchando, no dhammacchandaṃ paṭicca uppajjati dhammasamphassajā vedanā, no dhammasamphassajaṃ vedanaṃ paṭicca uppajjati dhammasamphasso, no dhammasamphassaṃ paṭicca uppajjati dhammasaṅkappo, no dhammasaṅkappaṃ paṭicca uppajjati dhammasaññā, no dhammasaññaṃ paṭicca uppajjati dhammadhātu.
‘‘એવં ખો, ભિક્ખવે, ધાતુનાનત્તં પટિચ્ચ ઉપ્પજ્જતિ સઞ્ઞાનાનત્તં, સઞ્ઞાનાનત્તં પટિચ્ચ ઉપ્પજ્જતિ…પે॰… સઙ્કપ્પ… ફસ્સ… વેદના… છન્દ… પરિળાહ… પરિયેસના… લાભ… નો લાભનાનત્તં પટિચ્ચ ઉપ્પજ્જતિ પરિયેસનાનાનત્તં, નો પરિયેસનાનાનત્તં પટિચ્ચ ઉપ્પજ્જતિ પરિળાહનાનત્તં, નો પરિળાહનાનત્તં પટિચ્ચ ઉપ્પજ્જતિ છન્દનાનત્તં, નો છન્દનાનત્તં પટિચ્ચ ઉપ્પજ્જતિ વેદનાનાનત્તં, નો વેદનાનાનત્તં પટિચ્ચ ઉપ્પજ્જતિ ફસ્સનાનત્તં, નો ફસ્સનાનત્તં પટિચ્ચ ઉપ્પજ્જતિ સઙ્કપ્પનાનત્તં, નો સઙ્કપ્પનાનત્તં પટિચ્ચ ઉપ્પજ્જતિ સઞ્ઞાનાનત્તં, નો સઞ્ઞાનાનત્તં પટિચ્ચ ઉપ્પજ્જતિ ધાતુનાનત્ત’’ન્તિ. દસમં.
‘‘Evaṃ kho, bhikkhave, dhātunānattaṃ paṭicca uppajjati saññānānattaṃ, saññānānattaṃ paṭicca uppajjati…pe… saṅkappa… phassa… vedanā… chanda… pariḷāha… pariyesanā… lābha… no lābhanānattaṃ paṭicca uppajjati pariyesanānānattaṃ, no pariyesanānānattaṃ paṭicca uppajjati pariḷāhanānattaṃ, no pariḷāhanānattaṃ paṭicca uppajjati chandanānattaṃ, no chandanānattaṃ paṭicca uppajjati vedanānānattaṃ, no vedanānānattaṃ paṭicca uppajjati phassanānattaṃ, no phassanānattaṃ paṭicca uppajjati saṅkappanānattaṃ, no saṅkappanānattaṃ paṭicca uppajjati saññānānattaṃ, no saññānānattaṃ paṭicca uppajjati dhātunānatta’’nti. Dasamaṃ.
નાનત્તવગ્ગો પઠમો.
Nānattavaggo paṭhamo.
તસ્સુદ્દાનં –
Tassuddānaṃ –
ધાતુફસ્સઞ્ચ નો ચેતં, વેદના અપરે દુવે;
Dhātuphassañca no cetaṃ, vedanā apare duve;
એતં અજ્ઝત્તપઞ્ચકં, ધાતુસઞ્ઞઞ્ચ નો ચેતં;
Etaṃ ajjhattapañcakaṃ, dhātusaññañca no cetaṃ;
ફસ્સસ્સ અપરે દુવે, એતં બાહિરપઞ્ચકન્તિ.
Phassassa apare duve, etaṃ bāhirapañcakanti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૯. બાહિરફસ્સનાનત્તસુત્તાદિવણ્ણના • 9. Bāhiraphassanānattasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૯. બાહિરફસ્સનાનત્તસુત્તાદિવણ્ણના • 9. Bāhiraphassanānattasuttādivaṇṇanā
