| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. દુતિયબ્રહ્મચરિયસુત્તં
10. Dutiyabrahmacariyasuttaṃ
૪૦. સાવત્થિનિદાનં. ‘‘બ્રહ્મચરિયઞ્ચ વો, ભિક્ખવે, દેસેસ્સામિ, બ્રહ્મચરિયત્થઞ્ચ. તં સુણાથ. કતમઞ્ચ, ભિક્ખવે, બ્રહ્મચરિયં? અયમેવ અરિયો અટ્ઠઙ્ગિકો મગ્ગો, સેય્યથિદં – સમ્માદિટ્ઠિ…પે॰… સમ્માસમાધિ. ઇદં વુચ્ચતિ, ભિક્ખવે, બ્રહ્મચરિયં. કતમો ચ, ભિક્ખવે, બ્રહ્મચરિયત્થો? યો ખો, ભિક્ખવે, રાગક્ખયો દોસક્ખયો મોહક્ખયો – અયં વુચ્ચતિ, ભિક્ખવે, બ્રહ્મચરિયત્થો’’તિ. દસમં.
40. Sāvatthinidānaṃ. ‘‘Brahmacariyañca vo, bhikkhave, desessāmi, brahmacariyatthañca. Taṃ suṇātha. Katamañca, bhikkhave, brahmacariyaṃ? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, brahmacariyaṃ. Katamo ca, bhikkhave, brahmacariyattho? Yo kho, bhikkhave, rāgakkhayo dosakkhayo mohakkhayo – ayaṃ vuccati, bhikkhave, brahmacariyattho’’ti. Dasamaṃ.
પટિપત્તિવગ્ગો ચતુત્થો.
Paṭipattivaggo catuttho.
તસ્સુદ્દાનં –
Tassuddānaṃ –
પટિપત્તિ પટિપન્નો ચ, વિરદ્ધઞ્ચ પારંગમા;
Paṭipatti paṭipanno ca, viraddhañca pāraṃgamā;
સામઞ્ઞેન ચ દ્વે વુત્તા, બ્રહ્મઞ્ઞા અપરે દુવે;
Sāmaññena ca dve vuttā, brahmaññā apare duve;
બ્રહ્મચરિયેન દ્વે વુત્તા, વગ્ગો તેન પવુચ્ચતીતિ.
Brahmacariyena dve vuttā, vaggo tena pavuccatīti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. પટિપત્તિવગ્ગવણ્ણના • 4. Paṭipattivaggavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. પટિપત્તિવગ્ગવણ્ણના • 4. Paṭipattivaggavaṇṇanā
