| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय ४५।३८
Saṁyutta Nikāya 45.38
The Related Suttas Collection 45.38
४। पटिपत्तिवग्ग
4. Paṭipattivagga
4. Practice
दुतियब्रह्मञ्ञसुत्त
Dutiyabrahmaññasutta
The Brahmin Life (2nd)
सावत्थिनिदानं।
Sāvatthinidānaṁ.
At Sāvatthī.
“ब्रह्मञ्ञञ्च वो, भिक्खवे, देसेस्सामि, ब्रह्मञ्ञत्थञ्च। तं सुणाथ।
“Brahmaññañca vo, bhikkhave, desessāmi, brahmaññatthañca. Taṁ suṇātha.
“Bhikkhus, I will teach you life as a brahmin and the goal of life as a brahmin. Listen …
कतमञ्च, भिक्खवे, ब्रह्मञ्ञं? अयमेव अरियो अट्ठङ्गिको मग्गो, सेय्यथिदं—सम्मादिट्ठि …पे… सम्मासमाधि। इदं वुच्चति, भिक्खवे, ब्रह्मञ्ञं।
Katamañca, bhikkhave, brahmaññaṁ? Ayameva ariyo aṭṭhaṅgiko maggo, seyyathidaṁ—sammādiṭṭhi …pe… sammāsamādhi. Idaṁ vuccati, bhikkhave, brahmaññaṁ.
And what is life as a brahmin? It is simply this noble eightfold path, that is: right view, right thought, right speech, right action, right livelihood, right effort, right mindfulness, and right immersion. This is called life as a brahmin.
कतमो च, भिक्खवे, ब्रह्मञ्ञत्थो? यो खो, भिक्खवे, रागक्खयो दोसक्खयो मोहक्खयो—अयं वुच्चति, भिक्खवे, ब्रह्मञ्ञत्थो”ति।
Katamo ca, bhikkhave, brahmaññattho? Yo kho, bhikkhave, rāgakkhayo dosakkhayo mohakkhayo—ayaṁ vuccati, bhikkhave, brahmaññattho”ti.
And what is the goal of life as a brahmin? The ending of greed, hate, and delusion. This is called the goal of life as a brahmin.”
अट्ठमं।
Aṭṭhamaṁ.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
