| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. து³தியதீ³க⁴சாரிகஸுத்தங்
2. Dutiyadīghacārikasuttaṃ
222. ‘‘பஞ்சிமே , பி⁴க்க²வே, ஆதீ³னவா தீ³க⁴சாரிகங் அனவத்த²சாரிகங் அனுயுத்தஸ்ஸ விஹரதோ. கதமே பஞ்ச? அனதி⁴க³தங் நாதி⁴க³ச்ச²தி, அதி⁴க³தா பரிஹாயதி, அதி⁴க³தேனேகச்சேன அவிஸாரதோ³ ஹோதி, கா³ள்ஹங் ரோகா³தங்கங் பு²ஸதி, ந ச மித்தவா ஹோதி. இமே கோ², பி⁴க்க²வே, பஞ்ச ஆதீ³னவா தீ³க⁴சாரிகங் அனவத்த²சாரிகங் அனுயுத்தஸ்ஸ விஹரதோ.
222. ‘‘Pañcime , bhikkhave, ādīnavā dīghacārikaṃ anavatthacārikaṃ anuyuttassa viharato. Katame pañca? Anadhigataṃ nādhigacchati, adhigatā parihāyati, adhigatenekaccena avisārado hoti, gāḷhaṃ rogātaṅkaṃ phusati, na ca mittavā hoti. Ime kho, bhikkhave, pañca ādīnavā dīghacārikaṃ anavatthacārikaṃ anuyuttassa viharato.
‘‘பஞ்சிமே, பி⁴க்க²வே, ஆனிஸங்ஸா ஸமவத்த²சாரே. கதமே பஞ்ச? அனதி⁴க³தங் அதி⁴க³ச்ச²தி, அதி⁴க³தா ந பரிஹாயதி, அதி⁴க³தேனேகச்சேன விஸாரதோ³ ஹோதி, ந கா³ள்ஹங் ரோகா³தங்கங் பு²ஸதி, மித்தவா ச ஹோதி. இமே கோ², பி⁴க்க²வே, பஞ்ச ஆனிஸங்ஸா ஸமவத்த²சாரே’’தி. து³தியங்.
‘‘Pañcime, bhikkhave, ānisaṃsā samavatthacāre. Katame pañca? Anadhigataṃ adhigacchati, adhigatā na parihāyati, adhigatenekaccena visārado hoti, na gāḷhaṃ rogātaṅkaṃ phusati, mittavā ca hoti. Ime kho, bhikkhave, pañca ānisaṃsā samavatthacāre’’ti. Dutiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மதீ³க⁴சாரிகஸுத்தாதி³வண்ணனா • 1-10. Paṭhamadīghacārikasuttādivaṇṇanā
