| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. து³தியஹிதஸுத்தங்
8. Dutiyahitasuttaṃ
18. ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ பி⁴க்கு² பரஹிதாய படிபன்னோ ஹோதி, நோ அத்தஹிதாய. கதமேஹி பஞ்சஹி? இத⁴, பி⁴க்க²வே, பி⁴க்கு² அத்தனா ந ஸீலஸம்பன்னோ ஹோதி, பரங் ஸீலஸம்பதா³ய ஸமாத³பேதி; அத்தனா ந ஸமாதி⁴ஸம்பன்னோ ஹோதி, பரங் ஸமாதி⁴ஸம்பதா³ய ஸமாத³பேதி; அத்தனா ந பஞ்ஞாஸம்பன்னோ ஹோதி, பரங் பஞ்ஞாஸம்பதா³ய ஸமாத³பேதி; அத்தனா ந விமுத்திஸம்பன்னோ ஹோதி, பரங் விமுத்திஸம்பதா³ய ஸமாத³பேதி; அத்தனா ந விமுத்திஞாணத³ஸ்ஸனஸம்பன்னோ ஹோதி, பரங் விமுத்திஞாணத³ஸ்ஸனஸம்பதா³ய ஸமாத³பேதி. இமேஹி கோ², பி⁴க்க²வே, பஞ்சஹி த⁴ம்மேஹி ஸமன்னாக³தோ பி⁴க்கு² பரஹிதாய படிபன்னோ ஹோதி, நோ அத்தஹிதாயா’’தி. அட்ட²மங்.
18. ‘‘Pañcahi, bhikkhave, dhammehi samannāgato bhikkhu parahitāya paṭipanno hoti, no attahitāya. Katamehi pañcahi? Idha, bhikkhave, bhikkhu attanā na sīlasampanno hoti, paraṃ sīlasampadāya samādapeti; attanā na samādhisampanno hoti, paraṃ samādhisampadāya samādapeti; attanā na paññāsampanno hoti, paraṃ paññāsampadāya samādapeti; attanā na vimuttisampanno hoti, paraṃ vimuttisampadāya samādapeti; attanā na vimuttiñāṇadassanasampanno hoti, paraṃ vimuttiñāṇadassanasampadāya samādapeti. Imehi kho, bhikkhave, pañcahi dhammehi samannāgato bhikkhu parahitāya paṭipanno hoti, no attahitāyā’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8-10. து³தியஹிதஸுத்தாதி³வண்ணனா • 8-10. Dutiyahitasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-10. த³ட்ட²ப்³ப³ஸுத்தாதி³வண்ணனா • 5-10. Daṭṭhabbasuttādivaṇṇanā
