| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. து³தியஇத்³தி⁴பாத³ஸுத்தங்
8. Dutiyaiddhipādasuttaṃ
68. ‘‘புப்³பே³வாஹங், பி⁴க்க²வே, ஸம்போ³தா⁴ அனபி⁴ஸம்பு³த்³தோ⁴ போ³தி⁴ஸத்தோவ ஸமானோ பஞ்ச த⁴ம்மே பா⁴வேஸிங், பஞ்ச த⁴ம்மே ப³ஹுலீகாஸிங் 1. கதமே பஞ்ச? ச²ந்த³ஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேஸிங் , வீரியஸமாதி⁴… சித்தஸமாதி⁴… வீமங்ஸாஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேஸிங், உஸ்ஸொள்ஹிஞ்ஞேவ பஞ்சமிங். ஸோ கோ² அஹங், பி⁴க்க²வே, இமேஸங் உஸ்ஸொள்ஹிபஞ்சமானங் த⁴ம்மானங் பா⁴விதத்தா ப³ஹுலீகதத்தா யஸ்ஸ யஸ்ஸ அபி⁴ஞ்ஞாஸச்சி²கரணீயஸ்ஸ த⁴ம்மஸ்ஸ சித்தங் அபி⁴னின்னாமேஸிங் அபி⁴ஞ்ஞாஸச்சி²கிரியாய, தத்ர தத்ரேவ ஸக்கி²ப⁴ப்³ப³தங் பாபுணிங் ஸதி ஸதி ஆயதனே.
68. ‘‘Pubbevāhaṃ, bhikkhave, sambodhā anabhisambuddho bodhisattova samāno pañca dhamme bhāvesiṃ, pañca dhamme bahulīkāsiṃ 2. Katame pañca? Chandasamādhipadhānasaṅkhārasamannāgataṃ iddhipādaṃ bhāvesiṃ , vīriyasamādhi… cittasamādhi… vīmaṃsāsamādhipadhānasaṅkhārasamannāgataṃ iddhipādaṃ bhāvesiṃ, ussoḷhiññeva pañcamiṃ. So kho ahaṃ, bhikkhave, imesaṃ ussoḷhipañcamānaṃ dhammānaṃ bhāvitattā bahulīkatattā yassa yassa abhiññāsacchikaraṇīyassa dhammassa cittaṃ abhininnāmesiṃ abhiññāsacchikiriyāya, tatra tatreva sakkhibhabbataṃ pāpuṇiṃ sati sati āyatane.
‘‘ஸோ ஸசே ஆகங்கி²ங் – ‘அனேகவிஹிதங் இத்³தி⁴வித⁴ங் பச்சனுப⁴வெய்யங்…பே॰… யாவ ப்³ரஹ்மலோகாபி காயேன வஸங் வத்தெய்ய’ந்தி, தத்ர தத்ரேவ ஸக்கி²ப⁴ப்³ப³தங் பாபுணிங் ஸதி ஸதி ஆயதனே.
‘‘So sace ākaṅkhiṃ – ‘anekavihitaṃ iddhividhaṃ paccanubhaveyyaṃ…pe… yāva brahmalokāpi kāyena vasaṃ vatteyya’nti, tatra tatreva sakkhibhabbataṃ pāpuṇiṃ sati sati āyatane.
‘‘ஸோ ஸசே ஆகங்கி²ங்…பே॰… ‘ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரெய்ய’ந்தி, தத்ர தத்ரேவ ஸக்கி²ப⁴ப்³ப³தங் பாபுணிங் ஸதி ஸதி ஆயதனே’’தி. அட்ட²மங்.
‘‘So sace ākaṅkhiṃ…pe… ‘āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya’nti, tatra tatreva sakkhibhabbataṃ pāpuṇiṃ sati sati āyatane’’ti. Aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7-10. பட²மஇத்³தி⁴பாத³ஸுத்தாதி³வண்ணனா • 7-10. Paṭhamaiddhipādasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6-10. ஸாஜீவஸுத்தாதி³வண்ணனா • 6-10. Sājīvasuttādivaṇṇanā
