| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. து³தியகஸ்ஸபஸுத்தவண்ணனா
2. Dutiyakassapasuttavaṇṇanā
83. த்³வீஹி ஜா²னேஹீதி ஆரம்மணலக்க²ணூபனிஜ்ஜா²னலக்க²ணேஹி த்³வீஹி ஜா²னேஹி. கம்மட்டா²னவிமுத்தியாதி கம்மட்டா²னானுயோக³லத்³தா⁴ய விமுத்தியா. தேன தத³ங்க³விக்க²ம்ப⁴னவிமுத்தியோ வத³தி. ஸத்து²ஸாஸனஸ்ஸ ஹத³யத்தா அப்³ப⁴ந்தரத்தா ஹத³யஸ்ஸ மானஸஸ்ஸ, அனுபத்திங் படிலாப⁴மானஸங். தங் பன அத்த²தோ அஞ்ஞா ஏவாதி ஆஹ ‘‘அரஹத்த’’ந்தி. தங் பத்துகாமேன ஏகந்ததோ வஜ்ஜேதப்³ப³தண்ஹாதி³ட்டீ²னங் பா⁴வே தஸ்ஸ அனிஜ்ஜ²னதோ, தத³பா⁴வே இஜ்ஜ²னதோ ச தே உப்பாத³னவஸேன யத³க்³கே³ன நிஸ்ஸிதோ, தத³க்³கே³ன பனாயம்பி தேஹி நிஸ்ஸிதோ நாம ஹோதீதி ஆஹ ‘‘அனிஸ்ஸிதோ’’திஆதி³. அரஹத்தங் ஆனிஸங்ஸிதப்³ப³ட்டே²ன ஆனிஸங்ஸங் ஏதஸ்ஸாதி அரஹத்தானிஸங்ஸோ. அரஹத்தங் பத்துகாமஸ்ஸ புப்³ப³பா⁴க³படிபதா³ இச்சி²தப்³பா³. தத்த² ச ஸப்³ப³பட²மோ கம்மட்டா²னஅத்தானுயோகோ³, ஸோ இத⁴ ந க³ஹிதோதி ஆஹ ‘‘தந்தித⁴ம்மோ புப்³ப³பா⁴கோ³’’தி. தத்த² தந்தித⁴ம்மோதி பரியத்தித⁴ம்மோ.
83.Dvīhi jhānehīti ārammaṇalakkhaṇūpanijjhānalakkhaṇehi dvīhi jhānehi. Kammaṭṭhānavimuttiyāti kammaṭṭhānānuyogaladdhāya vimuttiyā. Tena tadaṅgavikkhambhanavimuttiyo vadati. Satthusāsanassa hadayattā abbhantarattā hadayassa mānasassa, anupattiṃ paṭilābhamānasaṃ. Taṃ pana atthato aññā evāti āha ‘‘arahatta’’nti. Taṃ pattukāmena ekantato vajjetabbataṇhādiṭṭhīnaṃ bhāve tassa anijjhanato, tadabhāve ijjhanato ca te uppādanavasena yadaggena nissito, tadaggena panāyampi tehi nissito nāma hotīti āha ‘‘anissito’’tiādi. Arahattaṃ ānisaṃsitabbaṭṭhena ānisaṃsaṃ etassāti arahattānisaṃso. Arahattaṃ pattukāmassa pubbabhāgapaṭipadā icchitabbā. Tattha ca sabbapaṭhamo kammaṭṭhānaattānuyogo, so idha na gahitoti āha ‘‘tantidhammo pubbabhāgo’’ti. Tattha tantidhammoti pariyattidhammo.
து³தியகஸ்ஸபஸுத்தவண்ணனா நிட்டி²தா.
Dutiyakassapasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. து³தியகஸ்ஸபஸுத்தங் • 2. Dutiyakassapasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. து³தியகஸ்ஸபஸுத்தவண்ணனா • 2. Dutiyakassapasuttavaṇṇanā
