| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय ५६।२२
Saṁyutta Nikāya 56.22
The Related Suttas Collection 56.22
३। कोटिगामवग्ग
3. Koṭigāmavagga
3. At the Village of Koṭi
दुतियकोटिगामसुत्त
Dutiyakoṭigāmasutta
At the Village of Koṭi (2nd)
“ये हि केचि, भिक्खवे, समणा वा ब्राह्मणा वा ‘इदं दुक्खन्ऽति यथाभूतं नप्पजानन्ति, ‘अयं दुक्खसमुदयोऽति यथाभूतं नप्पजानन्ति, ‘अयं दुक्खनिरोधोऽति यथाभूतं नप्पजानन्ति, ‘अयं दुक्खनिरोधगामिनी पटिपदाऽति यथाभूतं नप्पजानन्ति, न मे ते, भिक्खवे, समणा वा ब्राह्मणा वा समणेसु वा समणसम्मता ब्राह्मणेसु वा ब्राह्मणसम्मता, न च पन ते आयस्मन्तो सामञ्ञत्थं वा ब्रह्मञ्ञत्थं वा दिट्ठेव धम्मे सयं अभिञ्ञा सच्छिकत्वा उपसम्पज्ज विहरन्ति।
“Ye hi keci, bhikkhave, samaṇā vā brāhmaṇā vā ‘idaṁ dukkhan’ti yathābhūtaṁ nappajānanti, ‘ayaṁ dukkhasamudayo’ti yathābhūtaṁ nappajānanti, ‘ayaṁ dukkhanirodho’ti yathābhūtaṁ nappajānanti, ‘ayaṁ dukkhanirodhagāminī paṭipadā’ti yathābhūtaṁ nappajānanti, na me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca pana te āyasmanto sāmaññatthaṁ vā brahmaññatthaṁ vā diṭṭheva dhamme sayaṁ abhiññā sacchikatvā upasampajja viharanti.
“Bhikkhus, there are ascetics and brahmins who don’t truly understand about suffering, its origin, its cessation, and the path. I don’t deem them as true ascetics and brahmins. Those venerables don’t realize the goal of life as an ascetic or brahmin, and don’t live having realized it with their own insight.
ये च खो केचि, भिक्खवे, समणा वा ब्राह्मणा वा ‘इदं दुक्खन्ऽति यथाभूतं पजानन्ति, ‘अयं दुक्खसमुदयोऽति यथाभूतं पजानन्ति, ‘अयं दुक्खनिरोधोऽति यथाभूतं पजानन्ति, ‘अयं दुक्खनिरोधगामिनी पटिपदाऽति यथाभूतं पजानन्ति, ते खो मे, भिक्खवे, समणा वा ब्राह्मणा वा समणेसु चेव समणसम्मता ब्राह्मणेसु च ब्राह्मणसम्मता, ते च पनायस्मन्तो सामञ्ञत्थञ्च ब्रह्मञ्ञत्थञ्च दिट्ठेव धम्मे सयं अभिञ्ञा सच्छिकत्वा उपसम्पज्ज विहरन्ती”ति।
Ye ca kho keci, bhikkhave, samaṇā vā brāhmaṇā vā ‘idaṁ dukkhan’ti yathābhūtaṁ pajānanti, ‘ayaṁ dukkhasamudayo’ti yathābhūtaṁ pajānanti, ‘ayaṁ dukkhanirodho’ti yathābhūtaṁ pajānanti, ‘ayaṁ dukkhanirodhagāminī paṭipadā’ti yathābhūtaṁ pajānanti, te kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṁ abhiññā sacchikatvā upasampajja viharantī”ti.
There are ascetics and brahmins who do truly understand about suffering, its origin, its cessation, and the path. I deem them as true ascetics and brahmins. Those venerables realize the goal of life as an ascetic or brahmin, and live having realized it with their own insight.”
इदमवोच भगवा। इदं वत्वान सुगतो अथापरं एतदवोच सत्था:
Idamavoca bhagavā. Idaṁ vatvāna sugato athāparaṁ etadavoca satthā:
That is what the Buddha said. Then the Holy One, the Teacher, went on to say:
“ये दुक्खं नप्पजानन्ति, अथो दुक्खस्स सम्भवं; यत्थ च सब्बसो दुक्खं, असेसं उपरुज्झति।
“Ye dukkhaṁ nappajānanti, atho dukkhassa sambhavaṁ; Yattha ca sabbaso dukkhaṁ, asesaṁ uparujjhati.
“There are those who don’t understand suffering and suffering’s cause, and where all suffering ceases with nothing left over.
तञ्च मग्गं न जानन्ति, दुक्खूपसमगामिनं; चेतोविमुत्तिहीना ते, अथो पञ्ञाविमुत्तिया; अभब्बा ते अन्तकिरियाय, ते वे जातिजरूपगा।
Tañca maggaṁ na jānanti, Dukkhūpasamagāminaṁ; Cetovimuttihīnā te, Atho paññāvimuttiyā; Abhabbā te antakiriyāya, Te ve jātijarūpagā.
And they do not know the path that leads to the stilling of suffering. They lack the heart’s release, as well as the release by wisdom. Unable to make an end, they continue to be reborn and grow old.
ये च दुक्खं पजानन्ति, अथो दुक्खस्स सम्भवं; यत्थ च सब्बसो दुक्खं, असेसं उपरुज्झति।
Ye ca dukkhaṁ pajānanti, atho dukkhassa sambhavaṁ; Yattha ca sabbaso dukkhaṁ, asesaṁ uparujjhati.
But there are those who understand suffering and suffering’s cause, and where all suffering ceases with nothing left over.
तञ्च मग्गं पजानन्ति, दुक्खूपसमगामिनं; चेतोविमुत्तिसम्पन्ना, अथो पञ्ञाविमुत्तिया; भब्बा ते अन्तकिरियाय, न ते जातिजरूपगा”ति।
Tañca maggaṁ pajānanti, dukkhūpasamagāminaṁ; Cetovimuttisampannā, atho paññāvimuttiyā; Bhabbā te antakiriyāya, na te jātijarūpagā”ti.
And they understand the path that leads to the stilling of suffering. They’re endowed with the heart’s release, as well as the release by wisdom. Able to make an end, they don’t continue to be reborn and grow old.”
दुतियं।
Dutiyaṁ.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
